Mohamed Y. Zayed

20/06/2024

وَصِلِ الكرامَ وإنْ رموكَ بجفوةٍ
فالصفحُ عنهمْ بالتَّجاوزِ أصـوَبُ🌹♥

Lamborghini Aventador in SolidWorks surface! 🚗💨

22/03/2024

اللهم صلي وسلم وزد وبارك على سيدنا محمد وعلى آله وصحبه أجمعين ❤️🌹

تم بفضل الله الانتهاء من تصميم الوحدة الثانية من خط إنتاج الزيتون وهي عبارة عن سير لتغذية ماكينة الخلي.

_____________________

نوفر خدمات تصميم وتنفيذ خطوط إنتاج متكاملة لعمليات ال food processing والتعبئة والتغليف ونسعد باستقبال طلباتكم على الايميل أو من خلال الواتساب.
✅ [email protected]
01554636355 ✅

⚠️غير متاح التواصل هاتفيا!

بالتوفيق للجميع لكل خير.

15/03/2024

Fantastic example to how Design for Manufacturing can improve not only the product but reduce the number of parts, and assembly time as well.

Source : Fifth wave manufacturing.

11/03/2024

كل عام وأنتم بخير

11/03/2024

لما عميل يكلمني على سعر تصميم وأقوله ويتفاجي أنه غالي فيقولي طب إحنا عاوزين نوظفك مهندس تصميم في شركتنا.

أنا:

09/03/2024

اللهم صل وسلم وزد وبارك على سيدنا محمد وعلى آله وصحبه أجمعين 🌹❤️

ربنا يبارك لأصحاب النصيب
تصميم ماكينة خَلِي الزيتون!
------------------

نوفر خدمات تصميم خطوط إنتاج متكاملة لعمليات ال food processing والتعبئة والتغليف ونسعد باستقبال طلباتكم على الايميل أو من خلال الواتساب.
✅ [email protected]
01554636355 ✅

بالتوفيق للجميع لكل خير.


.

21/02/2024

بسم الله الرحمن الرحيم!
متوفر لدينا خدمات تصميم أجزاء الشيت ميتال واللحام مع إمكانية استخراج ملفات الدروينج بكافة الأبعاد والمقاسات المطلوبة و ملفات ال DXF اللازمة لماكينات CNC القطع بالليزر.
01554636355

بالتوفيق للجميع.
.

03/11/2023

03/11/2023

A cubic element type are vital for reducing the total numbers of elements in the meshing.

it is necessary in the academic and student versions where all simulations are limited by only 520000 nodes.
_________________

If you need a similar project please contact me on WhatsApp : +201554636355

30/10/2023

My last practice in SolidWorks software is Centrifugal fan assembly design.

The design is only for educational purposes.

You can get the drawing files from here
https://lnkd.in/dYUNHqQi.

Our next step is simulation; we are discussing the different types of simulation can be applied and absolutely how its performance and efficiency curves looks like.

Stay tuned 😉
__________

If you need a similar machine contact me on WhatsApp: +201554636355

20/10/2023

بحكم أن جزء من شغلي هو مساعدة طلبة مشاريع التخرج لاحظت أن من أبشع الكلمات ال ممكن تتقال في أي جلسة اتفاق على مشروع تخرج هي كلمة " تطوير".

هتلاقيه بيقولك هنطور كذا أو هنحسن كذا أو جمل من النوعية دي.

طبعا أنا كلامي على جامعات معينة لأن فين جامعات أو دكاترة بتنزل مشاريع التخرج واضحة أولها فين وأخرها فين وعاوزين أي بالظبط ودول مش موضوعنا

في جامعات تانية الدكاترة تديك الفكرة إجباري وتقولك إشتغل عليها بدماغك ودي أوقات بتبقي لمصالح للدكتور المشرف مثلا كأنه شايف موضوع معين وأخد تريند فبيعمل المشروع بحث مقابل أنه بيشيل جزء من التكلفة.

في جامعات تالتة لا بتديك فكرة ولا مشروع ويقولك اشتغل في ال أنت عاوزة.

كلامنا على النوعين دول ، أنا مش بمدح في طريقة معينة أو بفضل حاجة عن حاجة كل طريقة ولها مميزاتها ولها عيوبها.

نرجع لمشكلتنا وهي التطوير

الكارثة يبقي سيستم كامل شغال ومتطبق علي مصانع كبيرة ويجي البشمهندس حناكة بيقولك هطوااااروووه

خلينا متفقين أن الغرض من مشروع التخرج بإختصار هو إنك تجسد جزء معين من العلوم ال درستها خلال فترة الكلية في تطبيق عملي.

مش بنقولك سجل براءة اختراع ولا حاجة.

كلية الهندسة مش بتعلمك الهندسة ، كلية الهندسة بتعلمك العلوم الهندسية.

والقصة أنك بتيجي تتخرج تلاقي فيه فجوة بين العلوم الهندسية والهندسة فقالك خلاص حطلهم مشروع تخرج ينزلوا بيه السوق شويا قبل المدعكة ال بعد التخرج. ههههه

حاليا شغال على مشروع تخرج عنوانه كالتالي تصميم وتطوير كاتم صوت يستخدم في السيارات
،
تصميم كاتم الصوت دا حاجة مهروسة من زمن هتطور فيها أي؟!

تفتكر حضرتك هتضيف حاجة شركة مرسيدس ال عاجنة وخابزة كل مسمار في العربية عجزت أنها تلاقي حد يعملها ؟

طب بالمناسبة أنت تعرف أن مرسيدس بتنزل موديل كل عشر سنوات وخلال العشر سنوات دول الشركة موظفة مهندس - إن لم يكن فريق كامل على أعلي مستوي - بتديهم مرتبات أخر الشهر علشان كل يوم الصبح يجي الشركة دوره فقط أنه قاعد على الجهاز بيصمم وبيعمل سميوليشن ويطور والحاجات دي ؟

يبقي من الأحسن أنت كطالب لا معاه خبرة كافية ولا في دعم كافي تروح تشوفلك طريق تاني غير ده لأن بدلة التطوير دي مش على مقاسك.

والطرق كتير .. ياسيدي إنزل الورشة قابل الفنيين أتعامل معاهم أعرفهم علشان لما تروح لهم على شغل بعدين تبقي رايح على معرفة من رايح على عماك... واعمل بروتوتايب لمشروع يكون حاجة موجودة فعلا واعمله اختبار في معمل واتأكد من حلَّك على البرنامج صح واطلع قول للناس أنا عملت كذا وأدي نتايجنا أهي.

واتكلم وأنت وشك مكشوف مش تبقي بتتكلف حاجة أكبر منك فتضطر تكذب في بعض كلامك فتبقي كذاب وبتهبد.

روح أعمل تجارب عملية لتأثير أي ظاهرة خلقها ربنا وطلع قراءاتك واعملها محاكاة ع البرنامج صح واطلع قول للناس أدي شغلي وأدي نتايجي.

علشان كلامي يبقي واضح بخصوص موضوع دراسة الظواهر ده نضرب شوية أمثلة ،

فيها أي لما تدرس تأثير الحرارة على أي ماتيريال شفتها خلال الخمس سنين ال قعدتهم في الكلية في تجربة عملية وتيجي تبحث عن طريقة لمحاكاة التجربة دي على البرنامج تطلع بيها نتايج صح يمكن الاعتماد عليها في تجربة مماثلة أو في حاجة بعد كدا.

فيها أي لما تدرس تأثير ٣ أشكال مختلفة (موجودة فعليا) لريشة تربية على كفاءتها وروح دور على التربينة دي وهات قراءتها العملية وتيجي تبحث عن طريقة محاكاة بنفس الفكرة. دا مثلا يعني.

بالمناسبة لو ملاحظ الحاجات دي في حد ذاتها تعتبر تطوير ومبلوعة حتي في التسويق يعني لما تقول "أنا درست تأثير كذا" أحسن ما تقول "أنا طورت كذا" وأنت الناس عارفة مايتك لحد فين.
ههههه

يبقي نظام شغال وزي الفل ومعمول منه مصانع ويجي يقولك أنا هطور والمشكلة تيجي تسأل هتطور ف أي يقعد يهري.

الكارثة الكبيرة أن أوقات أنا ك محمد بساعد الناس ف المشروع لما اسأل السؤال ده يترد عليا بصيغة ما إحنا يا بشمهندس عاوزينك أنت ال تطورلنا ههههههه

يابيه التطوير دا له شروطه وقواعده لو أنت مش مؤهل لها بلاش تعشم نفسك.

بنقدم على دعم لمشروع تخرج خلية إنتاج واسالة هيدروجين أخضر فمن ضمن الأسئلة ال اتطرحت سؤال بيقول هتطوروا إزاي ؟ طبعا بعد السؤال ده الكل سكت.

طبيعي ، محنا واخدين فكرة عن التطوير دا أنه "براءة اختراع".

يا أفندم أنت يكفيك تكون طبيعي، طول ما أنت بتعمل الطبيعي فانت تستحق الدعم.

وبعيدن خليكي أقولك ، من شروط أنك تقول أنا هطور ف حاجة أنك تكون على الأقل عملتها قبل كدا متخيل أنك أول مرة تعمل حاجة تقوم قايل أنا هطور فيها ؟

بإختصار هتمشي بمبدأ نطور والحاجات دي يبقي خليك واقف مكانك ببدلة بتمان ال أنت لابسها دي وابق قابلني إذا حد بص في وشك.

04/10/2023

من أصعب المراحل ال بيمر بيها مصمم الماكينات ذو الخبرة المتواضعة زيي حالاتي هي تبدأ إزاي في التصميم أو بمعني تاني إزاي تربط بين العلوم ال درستها من تصميم ميكانيكي و خواص ماتريال وانتقال حرارة وغيره.... وبين التصميم المطلوب.

القصة وما فيها وبعد عدة عثرات في الموضوع ده اكتشفت إن أي تصميم لماكينة بيتعمل بيمر بعدة مراحل ثابته.

أولهم وجود مشكلة:
في جملة بتقول المصمم الميكانيكي يتغذي على المشكلات وإلا لو مفيش مشكلة العميل هيجيلك ل أي سبب؟!

وفي كل الأحوال بتكون شكوى العميل كالتالي: والله يا هندسة أنا في عندي بند كذا في الشركة مضيع وقتي أو طاقتي أو فلوسي على الشغل اليدوي وعاوزك تحللي المشكلة دي بميكانيزم يقوم بالوظيفة وهكذا.

من فترة كلمني عميل برازيلي أن عنده خط إنتاج عبارة عن ماكينة تقشير جلد السمك ومحتاج يتوسع بخط تاني بكثافة معينة وبعتلي صور للماكينة ال محتاجها وقالي أنه محتاج تصميمها.

لكن الغريب أنه لما بحثت وجدت إن الماكينة موجودة في الصين جاهزة وهناك شركات متخصصة في إنتاج الماكينات دي.

طيب طالما الماكينة جاهزة لي تصنعها بنفسك فقالي أن سعر الماكينة الجاهزة على أرضها أغلي بكتير من تصنيعها دا غير النقل وغيرة بغض النظر عن هو جايب المفاضلة دي منين.

لكن هنا نبدأ ننتقل للمرحلة التانية مع العميل وهي عمل دراسة جدوى للتصميم دراسة الجدوي هي ال هتقولي كعميل أشتري جاهز وال أصنع.

دراسة الجدوى هتقولك تكلفة الصنع النهائية كم و مستلزمات الماكينة متوفرة فين وبكام زي مواتير ، انفرترات ، دوائر كهربية ، بيرنج ، فلانشات ، شاسيهات ، مسامير ، اسكروز ،.... الخ.

مثلا في التصميم ال اتكلمت عنه ف أول البوست كان لابد أن الماكينة كلها تتعمل ب استيل 304 وهو نوع معروف أنه بيستخدم في ماكينات الصناعات الغذائية

حضرتك كعميل متوقع مين غير دراسة جدوي الماكينة هيحدد النوع ده متوفر أم لا وتكلفته كم وخلافة.

بعض الزملاء ممكن تفتكر أن عمل دراسة جدوى الماكينة يمكن أن يتم قبل عمل التصميم وناس تانية تفتكر العكس أنا مش هجزم مين صح ومين غلط لأن الموضوع يختلف على حسب طبيعة التصميم وكل شيخ وله طريقته وأنا شخصيا بتبع طريقة التصميم المبدئي.

التصميم المبدئي أنا باخدها مرحلة من مراحل عمل دراسة جدوى الماكينة التصميم المبدئي عبارة عن إنك بتروح تدرس كل الماكينات الموجودة المشابهه للتصميم المطلوب وتذاكر كل ما يلزم الماكينة وتبدأ تتخيل شكل الماكينة

مرحلة التخيل دي أنا بفضل أنها تكون على السوليد ووركس بأنك ترسم الماكينة كلها بارت واحد على البرنامج البرنامج الغرض من رسمي للماكينة كلها في جزء واحد أن دا بيديك سماحية سرعة في التعديل وسهولة في برز الفكرة والله محتاج تكبر عرض الماكينة شويا فتكبر بسهولة محتاج الشكل النهائي للماكينة يكون له مواصفات معينة فيبقي الموضوع سهل بعكس لو اسمبلي.

بالإضافة كمان إنك مينفعش تروح ترسم Full assembly in details وتاخد فيها أسبوع شغل مثلا وأنت لسا مش عارف نتيجة دراسة الجوى أي ف تبقي بذلت مجهود في الفاضي.

تخيل في حالة أن الدراسة قالت المشروع غير مجدي ف حضرتك كمصمم في الحالة دي مش هتتحاسب على تصميم أنت هتتحاسب على دراسة جدوى فقط وهي بتكون نسبة من التصميم ككل.

دراسة الجوى بالرغم أني عمري ما سمعت مصمم بيتكلم عنها إلا ناس قليلة جدا لكن أنا الصراحة شايفها حل عادل جدا.

ممكن تكون الماكينة موجودة جاهزة بمليون جنية أنت تصنعها تكلف أكتر لأسباب كتير جدا منها أن أسعار الخامات ف بلدك غالية أو أنك مصمم أي كلام ف تصميماتك فيها هادر كتير في الخامات أو هتضطر تستورد خامة معينة أو قطع معينة هتكلف عليك كتير.

وممكن متكونش الماكينة موجودة جاهزة من الأساس وإنت بتصنعها ل أول مرة ف يفاجئ للعميل أن معهوش رأس مال كافي لعمل التصميم

في حين أن دراسة جدوى مش هتكلف 1% من سعر الماكينة

في حالة واحده فقط بننصح فيها بشراء الماكينة جاهزة بدون أي نقاش أو دراسة جدوي وهي أن تكون الماكينة المطلوبة هي الأولي من نوعها لأن ف الحالة دي هتضيع عمرك كله في تصنيع الماكينة وهتصرف أكتر من تمنها وفي الأخر هتوصل لحيطة سد...بإختصار لو عاوز تقلد قلد في الماكينة التانية
-
نرجع لموضوعنا
-
بعد الانتهاء من التصميم المبدئي بتكون أن كمصمم وصلت لمرحلة ادراك شبة كاملة للماكينة والأهم من كدا بتعرف تحدد قيمة تقريبية لوزن الماكينة وحجم الماكينة الأبعاد المطلوبة وخلافة يعني باختصار بتقدر تجيب المعلومات ال عليها تبني دراسة جدوي فنية كاملة.

وهنا بيكون مرحلة فاصلة في المشروع إما الدراسة دي مجدية هتكمل أو أنت شايف أنه لا والله الموضوع غير مجدي في الحالة دي والله يا عميل صناعة المكنة بنفسك فكرة غير مجدية وننصح بشراء الماكينة جاهزة.

انتظروا بوست قادم إن شاء الله نكمل فيه موضوعنا ونتكلم عن مراحل ما بعد دراسة الجدوى