What are the opening hours?

Monday 9am - 6pm Tuesday 9am - 6pm Wednesday 9am - 6pm Thursday 9am - 6pm Friday 2am - 6pm Saturday 9am - 6pm Sunday 9am - 6pm

https://www.facebook.com/104393142651335/

Egypt Valve, Cairo (2026)

10/05/2023

✍️الترانسمتر أو المرسلات
بس قبل كده لازم نعرف الإشارات💭
اللي في منها
1 أنالوج زي 4 ل 20 مللي امبير واللي معظمنا يعرفها بيتعامل بها يوميا في شغله.
2 ديجيتال نمثلها بالموجه المربعه on/off
إما مفتوح أو مغلق(0 او 1) إستقبال المفاتيح بأنواعها مفتاح الفلو او الضغط... إلخ
نرجع تاني لموضوعنا الترانسمتر 😁
هو الجهاز اللي بيتعامل مع ال value او القيمه "ضغط، حراره، سرعة، منسوب،....... إلخ" ويحولها لإشارة يسهل إستقبالها والتعامل معها زي من 0 / 10 ڨولت 4 /20 مللي امبير وهكذا بحيث يكون في تناسب بين القيمه الفيزيائيه طيب ازاي؟
مثلا ازاي قيمه فيزيائيه زي الضغط بالبار على سبيل المثال اقدر ارصد أي تغير فيه على شكل إشارة أنالوج وأستقبل الإشارة على ال plc ونفس الكلام في حساس الحرارة زي ال RTD اللي منها ال PT100 والمقاومه الخارجه مع مصدر الجهد ينتج الخرج بالمللي أمبير

#نيوماتيك
#هيدروليك
#محابس

09/05/2023

📌 حديثنا عن packing او زى ما بنسميه الحشو او الدارج السلامسطرة
لتقليل التسريب داخل الطلمبات او القلابات نقوم باستخدام الباكينج او الميكانيكل سيل ودا حنتكلم عليه فى بوستات جاية ان شاء الله 🤝

📍 انواع الحشو او السلامسطرة
يتم تصنيفه من خلال الخامة المصنع منها مثل
1️⃣ الجرافيت
2️⃣ التيفلون
3️⃣ النيلون
او مجدول من اكثر من خامة
وكل خامة وبيكون ليها استخدام من حيث السرعة والحرارة ومعدل التأكل

📍 لازم لما نختار الحشو نبقى عارفين كام حاجه كده 👌🏻

1️⃣ حجم الحشو المقاس ودا طبعا على حساب العمود اللى حيتركب عليه حلقات الحشو

2️⃣ درجة الحرارة اللى حيكون الحشو موجود فيها ولازم يكون بيستحمل درجة حرارة اعلى من الموجوده فى الدايرة لان كمان بيكون فى احتكاك بينه وبين العمود الراكب عليه

3️⃣ السائل اللى بيمر من عند الحشو هل يتفاعل مع الحشو ويؤدى الى سرعة التأكل عشان كده لازم نعرف الخامة المناسبة اللى نستخدمها فى الحشو

4️⃣ يجب ان يتحمل اعلى ضغط موجود فى التطبيق

5️⃣ من حيث التطبيق بيعمل مثلا فى طلمبة دوران او بلف او حتى جوان ودا حيختلف فى نوع الخامة

📍 ودى بعض المعلومات عن الباكينج او السلامسطرة وهى البديل الاقل جودة للميكانيكل سيل اللى حنتكلم عليه بعد كده 🤝👋🏻

#حشوة
#هيدروليك
#نيوماتيك

09/05/2023

📌 الفلاتر الهيدروليك
الفلتر مكون هام جدا خلال منظومة الهيدروليك حيث انه المسؤل عن تنقية الزيت من الشوائب وتحسين حالة الزيت 👌🏻

📍 من انواع فلاتر الهيدروليك
1️⃣ surface filter
2️⃣ depth filter
3️⃣ full flow filter
4️⃣ by pass filter

📍 عند مرور الوقت الضغط بيزيد ويؤدى الى مشاكل فى المصفاة ومشاكل فى خط الراجع او الخط الراكب عليه الفلتر ✋🏻
📍 وللعلاج نقوم بتركيب فلتر by pass عبارة عن شيك فالف عليه سوسته لما الضغط يزيد البلف يفتح ويعدى الزيت
📍 واوقات ببتم وضع مؤشر او لمبة بتعرفنا ان الفلتر اتسد ومحتاج يتغير
واحيانا بيتم وضع عداد بيعرفنا فرق الضغط قبل وبعد الفلتر ودى الطرق اللى بنستخدمها عشان نعرف نعلاج مشاكل الفلتر والافضل طبعا تغيره عند ظهور اى انسداد 🤝

#فلاتر
#هيدروليك
#نيوماتيك

09/05/2023

📌 المسامير 🔩
احنا ليه بنستخدم المسامير 🤔
لربط الاجزاء مع بعضها وتوصيلها او لنقل القوة او لإيقافها وايضا لمنع التسريب وايقاف الحركة 👌🏻

📍 انواع المسامير 👇🏻

1️⃣مسمار براس غاطس counter sunk screw
بيتم استخدام بالاخص فى وصلات الاخشاب وبيكون المقاس من M3 الى M20 وبطول 4 مم الى 30 مم ✋🏻

2️⃣ مسمار غاطس grub screw
يقوم بضبط واحكام الحركة عند ربطه داخل المعدة وله نهاية مدببة والمقاس من M3 الى M16 وبطول 5 الى 50مم 👌🏻

3️⃣ مسمار براس مسدس socket head screw
يستخدم فى المعدات الميكانيكة بكثرة وبربط عن طريق مفتاح الن والمقاس من M4 الى M20 وبطول 6 الى 30مم 🤝

4️⃣ الصامولة nut
تستخدم فى تثبيت المسمار عن طريق الضغط على المسمار والجسم المربوط به 👌🏻

5️⃣مسمار مخ طاسة round head screw
يستخدم فى الاجهزة الكهربائية والاخشاب بصورة كبيرة بمقاس M3 الى M20 وبطول 4 مم الى 80 مم ✋🏻

6️⃣ الورد washer
تستخدم فى زيادة التثبيت والاحكام وتركب مع الصامولة 🤝

7️⃣ مسمار بصامولة

8️⃣ مسمار ربط

9️⃣مسمار استد
تستخدم لربط جزئين او ثلاثه اجزاء ميكانيكة متصلة 👌🏻

📍 ودى بعض انواع المسامير ومعلومات بسيطة عنها

#مسمار
#نيوماتيك
#هيدروليك

09/05/2023

📌 حنتكلم النهاردة على الخراطيم الهيدروليك والمواصفات اللازمة لتغير الخرطوم وانواع النهايات fittings ✋🏻

📍خرطوم الهيدروليك عبارة عن خطوط مرنة تقوم بنقل الزيت والوقود والغاز واى مائع تحت ضغوط عالية 👌🏻

طيب لو عايزين نكبس خرطوم محتاجين نعرف ايه 🤔

1️⃣ طول الخرطوم
2️⃣ قطر الخرطوم
3️⃣ الضغط المراد
4️⃣ نوع النهايات
5️⃣ نوع الخرطوم من متيل او عدد الاسلاك
6️⃣ خامة الخرطوم

حنتكلم بقى على النهايات اللى بنحتاجها لتوصيل الخرطوم 🧐👇🏻

📍 نهاية Gic او زى ما بيسموها نهاية كونيك او شكل مخروطى يعنى وبتكون ميتل على ميتل يعنى القاطع معدن والنبل بيكون برضة Gic وقليل جدا حاليا اللى بيستخدم النهاية واللاكور الكونيك دا حاليا ✋🏻

📍 نهاية اورفست اللاكور بيكون السطح فلات وعليه صامولة ربط والنبل فى المعدة بيكون ايضا مسطح لكن بداخله اورنج عشان القطع وعدم التسريب وبيكون بأكثر من زاوية عدل او 90 او 45 👌🏻

📍 نهاية سفريكل او الدارج نهاية الجاز ويوجد بداخل اللاكور نص كوره او كرف من الداخل بتبات فى نص كوره ايضا داخل النبل الخاص بها.

* لما الضغوط تكون عالية جدا فى المعدات الكبيرة والخرطوم يعدى 1" نستخدم بدل النبل كلامب وبيكون اورفست بس اللاكور هنا هو اللى فية اورنج وبببات فى الكلامب . 🤝

📌 دى بعض المعلومات البسيطة عن اهمية الخراطيم الهيدروليك وانواع النهايات الخاصة بها 🤝👋🏻

#خراطيم
#نيوماتيك
#هيدروليك

03/05/2023

المحابس
المحابس منتشره في الصناعة ولها انواع وأشكال كتيره وعشان نرتب أفكارنا حنعمل تصنيفات مختلفه على حسب شكل المحبس وطريقة صناعته والتشغيل بتاعه مانيوال ولا أتوماتيك ولا طاره
والأهم الضغط اللي يتحمله المحبس والاستاندر بتاعه الفلود اللي المحبس بيقطع عليه وايه خواصه يعني منتج ولا مياه ولا بخار
1-الماتريال او خامة التصنيع material
ونقصد مادة جسم الفالف او المحبس
حديد صلب، حديد زهر، ستانلس بأنواعه ، PVC، نحاس........
2-الضغوط
40 بار او 16 بار او 10 وده له علاقه بماده التصنيع والتطبيق
3-التحكم
مانيوال باليد وجيربوكس ولا ببستون هواء أو كهربي او هيدروليك
4-نوع المحبس
جلوب
فراشه
كوره
عدم رجوع...... إلخ

#نيوماتيك
#هيدروليك
#محابس

01/05/2023

📌 حنكمل كلامنا على البيرنج والمرادى حنعرف ازاى بنقيسه ونعرف نوعه
اولا الاكواد الخاصة بمعرفة قياس البيرنج 👇🏻

0 double row angular contact ball bearing
1 self aligining ball bearing
2 spherical roller bearing
spherical roller thrust bearing
3 taper roller bearing
4 double row deep groove ball bearing
5 thrust ball bearing
6 single row deep groove ball bearing
7 single row angular contact ball
8 cylindrical roller thrust bearing
C carb roller bearing
N cylindrical roller bearing
OJ four point contact ball bearing
T taper roller bearings

📌 دى اكواد مهمة جدا لمعرفة نوع البلية وبتكون فى كاتلوج للانواع والمقاسات 📕🤝

لو عندنا بلية 63082z/c3 نعرف مقاستها ازاى 🧐

6 نوع البلية من الاكواد السابقة
3 عرض البلية
08 قطر العمود او الشافت وبنضربها * 5 لو اكبر من 4.
غطاء البلية 2z وهو غطاء من الاتجاهين ولو z فقط يكون غطاء من ناحية واحدة ولما البلية تكون بغطاء مزدوج تكون متشحمة تلقائياً غير بدون غطاء.
نسبة الخلوص C3 وهى نسبة الخلوص الداخلية للبلية تزيد مع سرعة المعدة.

📌 لو عندنا بلية منعرفش عنها اى بيانات ولا مكتوب عليها اى حاجة نعرفها ازاى 🤔

1️⃣ بنقيس القطر الداخلى ثم القطر الخارجى اللى بيبات فى housing ثم العرض ثم نوع السيل الداخلى اللى راكب مثلا rs لو كاوتش او z لو معدن
2️⃣ نشوف شكل البلية من الداخل لو بلية دائرية حيكون الكود 6 نروح لكاتلوج القياس الخاص ب ball bearing ونشوف الابعاد ونبدأ بالداخلى ثم الخارجى والعرض ونوع السيل اللى راكب سهلة جدا الطريقة دى 😀

طبعا فى كلام كتير عن البيرنج وفى كورسات بتتاخد فى البيرنج بس انا حاولت اتكلم على معلومات بسيطه جدا 🤝🏻

#هيدروليك
#نيوماتيك

01/05/2023

حنكمل كلامنا عن البيرنج وزى ما قولنا قبل كده هو اساس فى اى معدة دوارة. 🤝

📌 انواع البيرنج من حيث الاولوية والاهمية: 👇🏻
ball bearing
roller bearing
taper bearing
cylinder bearing
needle bearing
thrust bearing

📌 مكونات اهم انواع البيرنج ball bearing
inner ring (race) الجزء الداخلى الذى يثبت على العمود

outer ring (race) الجزء الخارجى الذى يثبت فى جسم المعدة او الهاوس بيرنج الجزء اللى بيكون داخله البيرنج

cage القفص الذى يفصل بين الجزء الداخلى والخارجى ويقوم بتنظيم المسافات بين الكرات حتى لا تتداخل معآ ويحدث خطأ فى الحمل

seals موانع داخلية تحمى البلية من دخول الرواسب

ودى بعض معلومات بسيطة عن البيرنج والفترة الجاية حنتكلم على ازاى نعرف نوع البيرنج ومقاسة 👌🏼

01/05/2023

اهلا بيكم فى صفحة ايجيبت ڤالڤ حنتكلم النهاردة عن حاجة مهمة جداً جداً وحتكون مجرد نبذه بسيطة لان الموضوع دا كبير اوووى 😀✋🏻
كلامنا النهاردة عن bearing او زى ما معظمنا يعرفه باسم " الرولمان بلى " 🧐

البيرنج دا الاساس فى اى معدة دوارة 👌🏼

ليه بنستخدم البيرنج 🤔

عند وضع عمود داخل معدن مفرغ ومطلوب من العمود الدوران يؤدى ذلك الدوران الى زيادة درجة الحرارة مما يؤدى الى التأكل وتلف العمود والمعدة
لذلك يتم تركيب البيرنج على العمود الدوار .

لما نتختار بيرنج لازم نعرف كام حاجه كده 👇🏼

1️⃣ تحمل misalignment الموجود فى الدايرة.
2️⃣. سهولة الفك والتركيب للبلية
3️⃣. اختيار الحجم المناسب للبلية على حسب مكان وضعها
4️⃣.تحمل درجة الحرارة وظروف التشغيل.
5️⃣. تقليل الاهتزاز داخل المعدة
6️⃣. اختيار بلية هادئة عند وضعها مثلا فى معدة طبية .

📌 فى البوست الجاى ان شاء الله حنكمل كلامنا على بعض معلومات البيرنج .🤝

#رولمان بلى
#نيوماتيك
#هيدروليك

Egypt Valve

10/05/2023

09/05/2023

09/05/2023

09/05/2023

09/05/2023

03/05/2023

01/05/2023

01/05/2023

01/05/2023

Address

Opening Hours

Website

Alerts

Shortcuts

Share

Category

Monday	9am - 6pm
Tuesday	9am - 6pm
Wednesday	9am - 6pm
Thursday	9am - 6pm
Friday	2am - 6pm
Saturday	9am - 6pm
Sunday	9am - 6pm