https://www.facebook.com/101821659429076/

Tameer - تعمير, Around all of Egypt, Cairo (2026)

01/11/2026

نهايه أعمال الجبسمبورد و تركيب الإضاءه في وحده ٢٨٠ متر بكفرالشيخ 👍

06/10/2026

كل عام و الشعب المصري و الأمه العربيه و الإسلاميه بخير حال في ذكري نصر أكتوبر 🇪🇬
تحيه لأبطالنا من أصغر جندي لأكبر قائد و تحيه أكبر ل سلاح المهندسين العسكريين علي مشاركتهم المبدعه في الحرب و تحملهم المسؤوليه بقوه وشرف ❤️

05/10/2026

هنتكلم دلوقت في تاني بوست بعد شرح التعديل المعماري عن سلسله أعمال و بنود التشطيب بخصوص تأسيس الكهرباء و الأعمال الصحيه

في أعمال التشطيبات، بعض البنود لا تكون ظاهرة بعد الانتهاء من المشروع، لكنها من أكثر البنود تأثيرًا على جودة المبنى، سلامته، وكفاءة تشغيله، وعلى رأسها أعمال التأسيس الكهربائي والصحي.

🔹 التأسيس الكهربائي مش مجرد تمديد أسلاك وتركيب علب، هو منظومة متكاملة تبدأ من دراسة الأحمال وتوزيع الدوائر، مرورًا بتحديد مسارات المواسير ونقاط الكهرباء، وصولًا إلى لوحات التوزيع وأنظمة الحماية والتأريض.

التأسيس الصحيح يساهم في:

* تحقيق الأمان وتقليل مخاطر الحريق والأعطال.
* ضمان كفاءة وتوزيع الأحمال.
* سهولة أعمال الصيانة مستقبلًا.
* تحقيق الاستخدام الأمثل للمساحات.
* تجنب التكسير والتعديلات المكلفة بعد التشطيب.

أما التأسيس الصحي فهو المسؤول عن كفاءة منظومة تغذية المياه والصرف داخل المبنى، بداية من تحديد الأقطار والمناسيب والميول، وحتى اختيار المسارات والخامات المناسبة وتنفيذ الاختبارات اللازمة.

والتنفيذ الجيد يساعد على:

* منع التسربات والرطوبة.
* ضمان كفاءة تصريف المياه.
* تقليل مشاكل الروائح والانسدادات.
* حماية عناصر المبنى من التلف.
* إطالة العمر الافتراضي للشبكات.

وهنا تظهر أهمية التصميم والمهندس

وجود تصميم هندسي مدروس ومهندس ذو كفاءة من البداية ليس رفاهية، بل هو أحد أهم عوامل نجاح المشروع.

التصميم الجيد بيضمن التنسيق بين الأعمال المختلفة، ويمنع التعارضات بين الكهرباء والصحي والأعمال المعمارية والإنشائية، كمان بيساعد على تحديد الكميات والمسارات والمناسيب واختيار المواد المناسبة قبل بدء التنفيذ.

التشطيب المميز يبدأ من تأسيس صحيح… والتأسيس الصحيح يبدأ بتصميم سليم ومهندس فاهم للتنفيذ ودا اللي احنا بنعمله في شركه تعمير للأستشارات الهندسيه المتكامله

تواصل معانا و احجز المعاينه و اعرف تفاصيل اكتر عن التعاقد و خلينا نبدأ مشروعك ونسلمهولك جاهز تماماً.

010 10307062

20/09/2026

اللمسات الأخيره بوحده ١٢٠ متر بكفرالشيخ
تم الانتهاء من جميع الأعمال الإعتياديه و في مرحله التشطيب النهائي الآن
باقي أعمال الألموتال و تشطيب الصحي و الكهرباء
مع البانوهات و الوزره الPs الأرضيه المضيئه
مشروع سعداء بنهايته بجودته الرائعه الغير مكلفه في ظل غلاء أسعار الخامات والمصنعيه 👏

تواصلوا معانا لمعرفه تفاصيل أكثر حول التعاقد و الإستشارات الهندسيه المتعلقه بالإنشاءات والتشطيبات

010 10307062

29/08/2026

تم بفضل الله التعاقد مع طبيب مصري مقيم بألمانيا 🇩🇪
علي تشطيب وحدته شقه مساحه ١٥٠ متر بتشطيب Luxury بداخل مدينه كفرالشيخ

دلوقتي لو انت مسافر خارج مصر و مش عايز تشيل هم التشطيب ومتابعه التفاصيل و المقاولين، تقدر تتعاقد معانا و بنتابع معاك كل التفاصيل اللي محتاج تعرفها أول بأول وبنتابعك بصور و فيديوز وكأنك معانا بالظبط و كمان بسعر تنافسي و بمقايسه واضحه فيها كل البنود 🤝

متاحين للإستشارات الهندسيه علي الرقم
010 10307062
أو علي رسائل الصفحه

12/08/2026

بتكلفه إقتصاديه جداً لا تتعدي ١٩٠ ألف جنيه
تم تشطيب شقه بكمباوند دجله بالمز " معمار المرشدي"

معمار المرشدي بيسلموا الشقق لأصحابها علي المحاره و الألموتال و احنا بدأنا شغلنا ..

في شهر فبراير ٢٠٢٦ بدأنا بالتعديل المعماري و تأسيس الكهرباء و الصحي وشد السلك و باقي بنود التشطيبات الإعتياديه
وفي خلال شهر ونصف قدرنا نسلم الشقه لصاحبها بتكلفه ١٩٠ الف جنيه فقط " بدون المحاره و الألموتال"

الشقه ٨٥ متر بكمباوند Degla Plams نموذج H

دلوقت تقدر تستشيرنا في أي أعمال تخص الإنشاءات او التشطيبات عن طريق الصفحه أو التواصل علي

010 10307062

06/08/2026

موضح بالصور الفروق بين انواع المطابخ و الفروق بين الأرضيات و الإضاءات و حاجات تانيه هتتعرضلها أثناء التشطيب

دور المهندس و الشركه يوضحو الفروق دي و جودتها و أسعارها و ازاي نختار الأنسب لبيتك من حيث الجوده و السعر

دلوقتي تقدر تكلمنا أو تبعتلنا لإستشارتك في مشروعك و البدء في التنفيذ

010 10307062

مع تعمير، إنت في أمان و جوده و سعر مناسب و التكلفه حقيقي بشكل تنافسي 👍

21/07/2026

مساء الخير
الفتره الجايه هكلمكم عن كل بند بتفاصيله و ازاي ك عميل تاخد بالك من أهم الإشتراطات اللي تراجعها مع أي مهندس أو شركه

هنبدأ معاكم بأول حاجه بتتم في الشقه وهي التعديل المعماري

التعديل المعماري هو أول وأهم خطوة قبل التشطيب، لأنه بيخلي البيت يناسب احتياجاتك أنت، مش مجرد ينفذ الرسومات الأصلية. إحنا بنعيد توزيع المساحات بحيث تستفيد من كل متر، سواء بتكبير غرفة، أو تغيير مكان باب، أو عمل غرفة ملابس، أو فتح المطبخ، أو إضافة وحدة تخزين

فوايده إي بالظبط وليه لازم تعمله، بإختصار لأن كل أسره مختلفه عن التانيه و أي مشروع لازم يناسب إحتياجك كعميل وهتصرف فيه فلوس ف لازم تكون مرتاح، ودي أهم النقاط المهمه ف البند

‎1. تحقيق الاستفادة القصوى من المساحة

‎أوقات الشقة بتكون تصميمها مش مناسب لطريقة معيشة الأسرة، والتعديل المعماري بيخليها أكثر عملية وراحة.

‎مثال:
* تكبير الريسبشن.
* عمل غرفة Dressing.
* توسيع المطبخ.
* زيادة مساحة الحمام.

‎2. توفير تكلفة مستقبلية
‎أفضل وقت للتعديل هو قبل التشطيب.

‎لو التشطيب خلص وبعدها قررت تغير، هتدفع تكلفة الهدم وإعادة التشطيب مرة تانية

‎3. تحسين الشكل العام
‎التعديل الصح بيخلي الشقة شكلها أفخم وأريح بصريًا.

‎مثلاً:

* إخفاء الأعمدة داخل التصميم.
* عمل مداخل منظمة.
* تحسين توزيع الإضاءة.
* استغلال الزوايا المهملة.

‎4. مراعاة أسلوب حياتك
‎كل عميل احتياجاته مختلفة.

‎مثلاً:
* أسرة كبيرة.
* شخص بيشتغل من البيت.
* عريس جديد.
* عندك أطفال.

‎كل حالة ليها توزيع مختلف.

‎5. الحفاظ على سلامة المبنى
‎أي تعديل لازم يتم بعد دراسة.

‎إحنا بنحدد:

* إيه اللي ينفع يتشال.
* وإيه اللي مينفعش.
* وإيه اللي محتاج موافقة مصمم إنشائي أو تدعيم.

‎علشان نحافظ على سلامة المبنى.

‎وإيه اللي أنا طالبه منك كعميل لازم تخلي بالك منه؟

* يحدد احتياجاته قبل بداية التنفيذ.
* ميغيرش رأيه كل شوية أثناء الشغل، لأن كل تعديل بعد التنفيذ بيزود الوقت والتكلفة.
* يتأكد إن التعديلات مدروسة، مش مجرد اقتراحات شكلها حلو.
* يسأل عن تأثير أي تعديل على الكهرباء والسباكة والتكييف.
* يتأكد إن فيه رسومات واضحة قبل التنفيذ.

‎الرسالة اللي أحب أوصلها لأي عميل

إحنا مش بننقل حيطان وخلاص، إحنا بنعيد تصميم المساحة بحيث تخدم أسلوب حياتك، مع الحفاظ على سلامة المبنى، وتقليل أي مصاريف أو تعديلات مستقبلية. هدفنا إنك تستلم بيت مريح وعملي ويعيش معاك سنين بدون ما تحس إن فيه حاجة كنت تتمنى تغيرها بعد السكن.

إحنا موجودين معاكم دايماً في أي إستشاره أو عمل في مشروعك سواء شقه سكنيه، محل أو مقر إداري أو إنشاء من البدايه

بنقدملك
🔵 التصميم المعماري و الإنشائي
🔵 رسومات تنفيذيه و معماريه و ديزاين تقدر تشوف بيه شقتك او وحدتك قبل البدايه في التنفيذ
🔵 توفير المقاولين المحترفين بأسعار مناسبة مع الحفاظ علي جوده التنفيذ والإستلام طبقاً للكود المصري للهندسه
🔵 التعاقد مع موردين للخامات بأسعار حقيقي منافسه للسوق مع خصومات خاصه بشركتنا ومن مصادرها الأصليه مش تجار
🔵 الإشراف و التنفيذ الهندسي بالمواصفات الهندسيه بأعلي جوده لتنفيذ مختلف البنود
🔵 إستلام وحدتك من الصفر وتسليمها وهي جاهزه تماماً للإستخدام.

تواصل معانا علي الصفحه دلوقت أو علي :
📞
010 10307062

17/07/2026

" نصائح للتوفير في تشطيب شقتك "

طبعاً الفتره دي شباب كتير بقا متعسر مادياً و شايل هم تشطيب الشقه او الوحده بتاعته سواء عياده او محل او حتي مطعم

دلوقتي انا هقولك علي بعض النقاط لو عملتها ممكن توفر معاك بشكل كبير

- حاول تصمم و تتخيل شكل كل جزء قبل ما تبدأ لتنفيذه، دا هيوفر عليك كتير جداً و يغنيك عن حاجات ممكن تعيدها او تكسرها او تغيرها بسبب انك مصممتهاش

- بلاش تجيب بورسلين علشان سعره بقا غالي لأن معظمه بقا مستورد، ممكن تجيب نوع نضيف ومقبول من السيراميك .. مش هنقول ان السيراميك أفضل لكن اللي يهمك جوده وسعر مقبول وشياكه وخصوصاً لو سيراميك قطع ليزر … متختارش سيراميك مقاساته كبيره لأن هيكلفك في المصنعيه والتركيب وكمان في الهالك بتاعه

- في الحمام حاول متجيبش قاعده معلقه، لأن قواعد صندوق الدفن دي غاليه برضو والقواعد العاديه شيك و صيانتها أسهل بكتير

- متعملش جبسمبورد لأن هيكلفك جبس و سبوتات اضاءه و وصلات كهربا ومصنعيه اكبر للكهربائي ، ممكن تعمل كرانيش فيوتك شكلها جميل ولطيف وفي منها للسقف وممكن يركب فيها LED

- نرجع للسيراميك ونقول ان سيراميك حوائط المطبخ ممكن تستغني عنه وتركب بس في جزء ال back splash ودا الجزء اللي بيكون بين الوحدات العلويه والسفليه للمطبخ وقصدي انه يكون الجزء الظاهر، و برضو لو الحمام مفيش فيه شاور ممكن تعمل التلت اللي تحت بس سيراميك و الباقي دهانات نضيفه مقاومه للرطوبه

- طيب لو عندك سيراميك قديم .. يفضل تلزق عليه HDF ودا هيوفر عليك كتير ( تكسير ونقل ومصنعيه ومواد ) ولو خلاص عايز سيراميك ممكن تركب عليه سيراميك جديد

- ورق الحائط طبعاً افضل بكتير كسعر من التجاليد الخشب و الرخام ودلوقت في بديل الخشب والرخام ممكن يدولك شكل جميل و سعر افضل

- سخان الغاز افضل بكتير من الكهرباء، لو واصلك غاز طبيعي

- أسلاك الكهرباء حالياً سعرها غالي جداً ف حاول تعمل رسمه plan للشقه ودي انك ترسم الشقه كأنك شايفها من فوق وتحدد أماكن مفاتيح و البرايز في الشقه و تدرسها وتراجعها عشان متكسرش ومترجعش تعيد حاجه من تاني وكمان عشان متكونش مزود حاجه ملهاش لازمه معاك

- كل بند من البنود حاول تحسب الخامات و الحاجه اللي هتجيبها وتشتريها مره واحده عشان متكلفش نفسك في التشوين

- الألوان الكمبيوتر سعرها غالي، قول للنقاش يضربلك اللون هيبقي قريب للكمبيوتر وفي نفس الوقت يكون معاك جزء من اللون علي جنب تقدر تعيد بيه لو درجه اللون مش عاجباك

- طبعاً افضل حاجه البساطه، دايماً خلي الديكور في الfurniture وقطع الأثاث المختلفه و التابلوهات علي الحيطه، خلي التشطيب بسيط ودا هيخلي الشقه شكلها شيك

- وانت بتختار أماكن التكييفات حاول تخليها في ضهر وحده ال Compressor الخارجي ، دا هيوفر عليك مصنعيه تأسيس مواسير الفريون و هيوفر عليك كمان سعر مواسير الفريون لأنها لو زادت عن ٣ متر بتتحاسب علي سعر كل متر لوحده

- قبل ما تبدأ في تنفيذ البند حاول تعمل ليست لأسعاره و أسعار الخامات وإسأل اكتر من حد، دا هيوفر عليك كتير.

وفي النهايه أقول ربنا يكون في عون الناس ويرزقهم و بالتوفيق في تشطيب شقتك و أهم حاجه تكون مرتاح ومبسوط فيها " متنساش تاخد رأي المدام " عشان دا كله ممكن تشيله و ترجع تعمل حاجه جديده 😅

في حاله انك بتشطب شقه و قلقان من انك تشرف علي جوده الشغل و الخامات و حتي تصميم الشقه، ممكن تتواصل معايا هنا و تاخد رأيي وتعرف الخدمات اللي بقدمها أنا و زملاء مهندسين ليهم خبره كبيره في تشطيب وحدات مختلفه وإحنا ان شاءلله نقدم خدمه مناسبه ليك و جوده عاليه و سعر منافس.

تواصل معانا في شركه تعمير علي الرقم

010 10307062

12/07/2026

كلنا شوفنا الحريقه اللي حصلت في شقه و راح ضحيتها ام و اولادها و جدتهم للأسف
ربنا يرحمهم ويغفر لهم ويكتبهم من الشهداء ويصبر حبايبهم يارب

إيه دورنا عشان نأمن نفسنا و ازاي نعمل اللي علينا في المواقف اللي زي دي؟ أكيد الحذر لا يمنع قدر لكن احنا بنعمل اللي علينا وربنا يتولانا

✅️ أولا محتاجين وإحنا بنأسس للشقه ممنوع اننا نسترخص و نجيب أي أنواع شعبيه في السوق خاصه في الأسلاك و تأسيس الكهرباء

معظم الحرائق في الوحدات للأسف بتنتج من الكهرباء

،، التكييفات والدفايات خلاص بقت فرد من العيلة ساكن في معظم البيوت في الصيف والشتا، بس للأسف هي مصدر خفي ومهم جداً للحرائق لو اتعاملنا معاها غلط،، لدرجة إن في تكييفات بتولع في البيوت حتى وهي مطفية

ناس كتير بتفتكر إن عشان التكييف مش شغال هو كدا مطفي ومافيهوش كهربا، وده مفهوم غلط،، طالما فيشة التكييف في الحيطة أو المفتاح بتاعه مرفوع، فجوه الجهاز فيه كهرباء ماشية في الكارته في اللوحة الإلكترونية وفي وصلات معينة، فبيحصل الماس الكهربائي الداخلي،، أحياناً الكارته الإلكترونية بيحصل فيها قفلة من غير ماحد يحس بسبب تراكم الأتربة مع الرطوبة، أو وجود حشرة صغيرة (زي الصراصير) دخلت جوه اللوحة ولمست طرفين كهرباء ببعض، فبتعمل شرارة تبدأ منها الحريقة.

لو التكييف بيسقط ميه من العلبة اللي جوه الشقة ومحتاج صيانة فورية فالناس بتفكر إنه مادام بيسقعنا خلاص هو كدا سليم وهنحط طبق تسقط فيه الميه وخلاص لحد ما نفضا نجيب له صنايعي

كمان سوء التوصيلات لو المفتاح اللي في الحيطة نوعيته رديئة، ممكن يحصل فيه تسريب كهرباء أو شرارة بسبب حمل زيادة، الحرارة دي بتسيح البلاستيك وتوصل للجدار او الستارة أو الخشب أو السرير اللي تحته.

كذلك السلك اللي واصل من الحيطة للتكييف لو مش مناسب لقدرة التكييف يعني خفيف أو نوع رديء بيفضل يسخن حتى لو الجهاز مطفي، لو فيه تسريب أو سلك عريان جوه الجهاز نفسه، ممكن يسبب حريق.

🔥 الكهرباء هي العدو الخفي ، معظم حرايق الشقق بتبدأ من ماس كهربائي، وعشان تتجنب ده بلاش استخدام الفيش الرخيصة اللي مش بتمسك في الحيطة كويس، بلاش نسيان الأجهزة اللي مش مستخدمة وشواحن الموبايل في الكهرباء وهي مش متوصلة بالموبايل، دي بتسخن ومع الوقت ممكن تسبب شرارة.

الوصلات الطويلة و المشتركات النوعيات الرخيصة بلاش منها خالص هات نوعية تقيلة وماركة معروفة لأنها بتتحمل ضغط الأجهزة.

ضروري كمان نراعي توزيع الأحمال،، بلاش تحط كذا جهاز تقيل مكواة، كاتل، دفاية، ميكروويف في مشترك واحد في نفس الوقت ولا تشغلي كذا جهاز في فيشة واحدة مع بعض، ده بيخلي السلك يسخن وممكن يسيح ويعمل حريقة.

ست البيت لما تصحي من النوم تشتغل في شغل البيت في الحر دا تروحي منورة نور الغرف كلها ومشغلة التكييفات والمراوح والشاشات والديبفريزر مع التلاجه على غسالة الملابس على غسالة الأطباق على المكوى على الكاتل والميكرويف وتقولي عشان انجز شغلي واخلص بسرعة، لا وزعي استخدام الأجهزة على مدار اليوم بلاش كله مع بعضه، الجو حر والأجهزة والفيش بتسخن بسرعة

قبل الخروج وقبل النوم ضروري تفصلي أي جهاز مش محتاجاه (زي التلفزيون، الكاتل، المكواة الغسالة الراديو المراوح اللي مش مستخدمة

لو فيه جهاز بتشم منه ريحة غريبة أو بيسخن زيادة عن اللزوم، افصله فوراً وهات كهربائي شاطر يراجعه.

المطبخ من أكبر مصادر الضرر،، هو أكتر مكان فيه احتمالية حريق، خدي بالك من البوتاجاز والشفاط أهم نصيحة ما تسيبيش الأكل او كنكة القهوة او اللبن على النار وتخرجي من المطبخ،، لو رن جرس الباب أو جالك تليفون، اطفي النار وروحي شوفي مصلحتك وارجعي كملي،، كمان الشفاط لازم يتنظف من الدهون بانتظام، لأن تراكم الدهون عليه بيخليه يلقط نار بسهولة لو فيه شرارة طالعة من البوتاجاز او زيت اتحرق لاقدر الله تحتيه والنار ارتفعت ووصلت لدهون الشفاط بتزود المشكلة،، فوقي لنفسك ولبيتك وخلي عقلك كمبيوتر مابيفصلش ودايما صاحي وواعي ماترميش الدنيا وتسرحي والدنيا تولع منك

أنابيب الغاز اتأكد إن الخرطوم سليم ومش متشقق ومش نوع رخيص، والمنظم تتأكد إنه مربوط كويس ومابيطلعش ريحة،، لو شميت ريحة غاز في البيت إياك تولع نور أو تفتح الثلاجة عشان شرارة الموتور واللمبات الداخلية،، الاول نبه على اللي في البيت محدش يتحرك من مكانه عشان اللي هيتحرك هينور النور من غير ماياخد باله وتحصل كارثة،، خليهم في مكانهم وروح افتح الشبابيك كلها فوراً وقفل محبس الغاز وخد ولادك في ايدك واطلع من الشقة لحد ما تتهوى وريحة الغاز تختفي، ونادي لحد متخصص يشوف سبب تسريب الغاز،،، وحذاري تلمس أي فيشة في الحيطة او تولع او حتى تطفي أي كوبس في الشقة لأنه لما بيتحرك بيحصل جواه شرارة بسيطة أثناء التشغيل أو الفصل هتضيعي الدنيا في لحظة.

الولاعات والكبريت يتحطوا بعيداً تماماً عن إيد الأطفال، وفي مكان بارد ومظلم،، ماتستخدميش الكبريت والولاعة وتخلصي وتحطيهم على البتوجاز، لا شيليهم بعيد في الدولاب

اشتري طفاية حريق صغيرة وخليها في مكان معروف لكل البيت، واتعلم انت واولادك ازاي تستخدموها بيفرق جداً في أول دقايق من الحريقة لا قدر الله، لو تقدر تخلي في كل غرفة طفاية ياريت وتبقوا عارفين مكانها.

في الآخر بنأكد معاكم انكم تستخدموا خامات نضيفه و أصليه أثناء التأسيس و التشطيب في الكهرباء بالأخص .. و يكون معاكم مهندس أو فني محترم و أمين و شغله كويس

و ربنا يحفظنا جميعاً يارب

Tameer - تعمير

01/11/2026

06/10/2026

05/10/2026

20/09/2026

29/08/2026

12/08/2026

06/08/2026

21/07/2026

17/07/2026

12/07/2026

Address

Telephone

Website

Alerts

Contact The Business

Shortcuts

Share

Category

Nearby equipment services

Other Engineering Services in Cairo

Listing takedown request