Omran For Constructions

22/08/2023

خد بالك :
*******
بعض اساسيات تسليح القواعد
_ الفرش في اتجاه الرفرفة الكبيرة
_ أقل تسليح قطر 12 مم 4 لينية
_ رجل واحده للسيخ إذا كان طول القاعدة أكبر من 2 متر
_ رجلين للسيخ إذا كان طول القاعدة اقل من 2 متر
_ كانات العمود تستمر داخل القاعدة
_ اشاير العمود برجل للخارج
_ طول الإشارة لايقل عن متر داخل الخرسانة
_ إشارة العمود لايقل عن متر فوق القاعدة
_كانات العمود اوتوماتيك أو صندوق في حبايه حسب العمود
_أقل سيخ في العمود قطر 12 مم
_ سمك القاعدة لا يقل عن 5 سم من كل الإتجاهات

19/08/2023

مناسيب هامة في أعمال السباكة :

1- ارتفاع حوض الحمام عن منسوب التشطيب 80 سم

2- ارتفاع حوض المطبخ عن منسوب التشطيب 90 سم

3- ارتفاع البانيو عن منسوب التشطيب 50سم

4- خلاط البانيو اعلى من البانيو ب 20 سم

5- ارتفاع خلاط الشاور
110سم

6- ارتفاع تغذية وصرف الحوض عن منسوب التشطيب 50 سم

7- ارتفاع تغذية وصرف غسالة الملابس عن منسوب التشطيب 50 سم

8- ارتفاع ماسورة صرف المرحاض الإفرنجي من أسفل عن منسوب التشطيب من 8ل10

9- ارتفاع تغذية المرحاض الإفرنجي عن منسوب التشطيب من 25 إلى 30 سم

ارتفاع خلاط الشطاف
60سم

10- ارتفاع تغذية المبولة عن منسوب التشطيب 110 سم

11- ارتفاع صرف المبولة عن منسوب التشطيب 50 سم

12- ارتفاع تغذية سخان الغاز عن منسوب التشطيب 110 سم

13- ارتفاع تغذية سخان الكهرباء عن منسوب التشطيب 140 سم

14- المسافة بين ماسورتي السخن والبارد للخلاطات 16 سم.

15_ارتفاع الخلاط الدفن في الشاور رووم 110سم

وارتفاع الهد 210سم من مستوي التشطيب

16_ ارتفاع مسامير القاعده المعلقه 32سم

ملحوظه هامه كل المقاسات اللي فاتت من
مستوي التشطيب

مواسير التغذيه ببتتكبس علي 15بار
او ممكن تجيب الشركه المنتجه تكبس

بالنسبه للصرف تتاءكد من ميول المواسير في الاتجاه الي البيبه
او المخارج الرئيسيه

وخلي بالك صرف الغساله ميرميش في البيه🤣🤣

16/08/2023

10/08/2023

السباكة
هنتكلم علي بند مهم جدا وهو السباكة .
ايه اول حاجة لازم افكر فيها قبل مابداء السباكة ؟
ضروري جدا انك تعمل تصميم للحمام و المطبخ حتي لو 2D .
هيفيدني في ايه التصميم ده ؟
هيفيدك انك هتبقي عارف الشكل النهائي للمطبخ و الحمام قبل ماتشتغل و اماكن الوحدات اللي هيتعمل لها تأسيس سباكة .
عملت التصميم و عرفت مكان كل وحدة نبداء بقي ولا لسة ؟
لا ابداء عادي شوف بقي صنايعي كويس و ابداء هات المواد اللي من رأي انك تجيب حاجة كويسة علشان دي هتدفن فأي مشكلة فيها في المستقبل هتكلفك كتير، طبعا الصنايعي لما يقولك الطلبات لو انت بتتعامل منك ليه اكيد هتكون بزيادة علشان مايعطلش فعلشان كده وانت بتشتري لازم تكون مأمن مع التاجر ان المرتجع هايخدوا عادي بالفاتورة و يديك فلوسك .
الصنايعي خلاص خلص و المفروض استلم الشغل اعمل ايه ؟
لازم تستلم الشغل كويس و تتاكد ان كل حاجة في مكانها علشان لو اشتغلت سيراميك اي تعديل هيبقي صعب .
مش بعرف استلم ايه الحل ؟
لا ساعتها تكلمنا هايجيليك مهندس يستلم من الصنايعي و يعرفه كل الملاحظات و يطمنك و يمشي
احنا موجدين علشان نسهلها عليك

09/08/2023

بؤج المحارة
اتكلمنا قبل كده عن المحارة و اهميتها و قولنا ان البؤج محتاجة بوست لواحده تعالوا نتكلم بسرعة عن اهمية البؤج .
ليه بنعمل بؤج و ليه مانشتغلش محارة علي طول ؟
انت تعرف ان بند بؤج المحارة المفروض يبداء بعد المباني علي طول قبل تأسيس اي كهرباء او تأسيس نجارة .
ليه بقي ؟
هقولك علشان البؤج اللي بتديك المنسوب اللي بتخليك تظبط عليها منسوب علب الكهرباء و حلوق الابواب و الشبابيك ده غير وظيفيتها
الاساسية انها بتدي للمبيض نقط ثابتة يشتغل عليها علشان نبقي عارفين المحارة لما تخلص هتبقي علاقتها عاملة ازاي بالارض والسقف
منعا لعمل المحارة و تكسيرها مرة اخري .
و ده ملخص لفوائد كتير جدا للبؤج و لو حاسيت ان الموضوع صعب عليك اسئلنا و هنساعدك .

08/08/2023

المحارة
نتكلم بسرعة كده عن بند مهم جدا و هو المحارة .
- ايه هي مكونات المحارة ؟
المحارة بتتكون من اسمنت و مياه و رمل طبعا كل حاجة بنسبة محددة و لازم تحدد النسب للصنايعي منعا للمشاكل المستقبليه في المحارة .
- احنا بنعمل محارة ليه ؟
علشان نعمل سطح يسهل اعمال التشطيب النهائي مثل الدهانات
- طب لو مش هشطب دهانات ينفع معملش محارة ؟
اه طبعا ينفع متعملش محارة ، بس ده لو نوع التشطيب النهائي مش محتاج محارة زي مثلا التجاليد الخشب .
- طب المحارة بيفرق تشطيبها و طريقة تخشينها ؟
طبعا بيفرق تخشين المحارة اللي هايجي عليها دهانات غير المحارة اللي هنلزق عليها حاجة .
- طب الطرطشة مهمة اللي قبل المحارة ؟
اه طبعا مهمة علشان المحارة متفصلش و خلي بالك الطرطشة ليها اصول لو اتعملت غلط هيبقي ملهاش لازمة .
- ايه لازمة البؤج قبل المحارة ؟
دي ردها بقي في بوست لواحده .
طبعا في اسئلة كتير بتيجي في دماغنا و احنا بنشطب دي بعض منها واحنا بقي هنساعدك علشان نوصل مع بعض لانسب الحلول باقل التكاليف .

06/08/2023

سؤال مهم جدا كتير مننا بيسئلوه بمجرد ما يشتري شقة جديدة.. اشطب شقتي ازاي وايه اول خطوة المفروض اخدها ؟؟؟؟؟
في البوست ده هنساعدك تبقي عارف تبداء ازاي و ايه الخطواط اللي تبداء بيها علشان تخلصها علي خير ..
اول حاجة لازم تعملها تقعد تتخيل شقتك دي لما تخلص و تبداء تتخيل فرشها و اماكن الفرش عامل ازاي علشان تقدر تأسس صح .
تاني حاجة و ده بند مهم ، انك تعمل رسمة حتي لو 2D للشقة علشان تخيلك ده يتحول لواقع .
ثالث حاجة يلا بقي ابداء اتفق مع اول صنايعي يجيليك الشقة (في حالة ان الشقة طوب احمر ) هتتفق مع السباك و بتاع العزل (في الغالب السباك هايعملك العزل ) و خلي بالك في ناس بتجيب الكهربائي مع السباك و ده مش صح في بند مهم لازم يتعمل قبل تأسيس الكهرباء ….
رابع حاجة تبداء تتفق مع مبيض محارة و تخليه ينزل يعمل البؤج و يطرطش و يقف علي كده .
خامس حاجة تجيب بقي الكهربائي و النجار علشان يعمل الحلوق و بالنسبة ليهم البؤج هتكون المرجع لمناسيب شغلهم .
كفاية كده و هنكمل في بوست تاني باقي المراحل و طبعا كل مرحلة فيها تفاصيل كتير جدا لو عايز تعرف تفاصيلها و مشاكلها كلمنا و احنا هنقولك كل حاجة .......

05/08/2023

البورسلين ........

البوست ده هايفيدك لو بتفكر تركب بورسلين ..
طبعا كتير مننا بيكون نفسه يركب البورسلين بس بيخاف من مشاكله علشان كده قررنا نقول شوية معلومات ممكن تفيدك و تعرفك مميزاته و عيوبه ...

اول سؤال ايه اللي يخلينا نفكر في البورسلين و ايه مميزاته عن السيراميك ؟؟؟
طبعا مادة البورسلين اقوة من السيراميك و مع الزمن بيقدر يحافظ علي رونقه و لمعانه و ليه قدره علي مقاومه الخدوش و دي تعتبر اهم مميزات البورسلين ..
السؤال الثاني ايه بقي عيوب البورسلين ؟؟؟
طبعا لو هنتكلم علي عيوب البورسلين الموضوع هايتلخص فانك لو مجبتش نوع كويس هتظهرلك مشاكل كتير و طبعا طريقة تركيب البورسلين مختلفة عن طريقة تركيب السيراميك و مش اي صنايعي بيعرف يركب سيراميك يركب بورسلين و لازم تسيب فواصل بين البورسلين و بعضه اقل حاجة 1.5 مم ...
السؤال الثالث ايه اللي بيخلي البورسلين ممكن ينفصل عن المونة بعد مرور وقت من التركيب ؟؟
طبعا ده سؤال ناس كتير عايزة تعرف اسبابه ايه ، طبعا هو هايتلخص في سببين ..
اول سبب انك ركبت البورسلين بطريقة صحيحة و ماسبتش فواصل بين البورسلين و بعضه فطبعا لما يحصل تمدد للبلاطة هتفك ...
ثاني سبب انك سيبت فواصل لكن ركبت البورسلين بمونة عادي زي السيراميك و دي مع الزمن المونة بتفصل عن البورسلين و ده لان البورسلين سطحه ناعم جدا من تحت فقوة التماسك بتكون ضعيفة بينه و بين المونة ...

و طبعا ده ملخص سريع عن البورسلين و نتمني ان الموضوع يكون عجبكوا و طبعا لو احتاجت اي دعم فني و انت بتشطب شقتك او بتبني بيتك ابعتلنا و احنا هنوفرلك كل الدعم المناسب و باقل التكاليف ...........

04/08/2023

امتي ابداء اشتغل في معجون الحوائط ؟؟؟؟؟؟

طبعا السؤال ده من اشهر الاسئلة اللي بتطرح علينا اثناء اعمال التشطيبات و علشان كده هنتكلم بسرعة عن الوقت المثالي و المفضل للبدء في اعمال المعجون .
معجون الحوائط و هو الخطوة ما قبل الدهانات و يفضل ان يبداء العمل به بعد اعمال السيراميك و ذلك لان الحوائط تمتص الرطوبة من مونة سيراميك الارضية فيؤدي الي ظهور رطوبة في الجزء السفلي من الحائط فيجب الانتظار بعد السيراميك حتي جفاف الرطوبة ثم البدء في اعمال المعجون و يأتي بعد المعجون اعمال الالوميتال و اعمال الابواب ...........

و طبعا لو في اي اسئلة متعلقة بالتشطيبات او الخرسانات او الاستيل استركشر ممكن تبعتلنا علي الخاص و هنخلي المهندس المتخصص يرد عليك في اسرع وقت ........