Ramy nagah

14/08/2025

02/06/2023

تأثير درجة حرارة الاضاءة على الالوان في التصميم الداخلي ✨

30/05/2023

اي الفرق بين الجبس امبورد والجبس البلدي ؟؟🤔
الجبس امبورد أفضل ولا البلدي
اسئله كتير يوميا بنتسالها
تعالي انا اقولك 👇👇👇
1- الجبسيوم بورد و السقف الساقط طالع موضة ؟!
لا ملوش علاقة بالموضة خالص
هو وسيلة لتشطيب السقف زيها زي المصيص و الجبس البلدي .
2- طيب ايه الجديد فيه ؟
بص يا سيدي الجبسيوم بورد كان موجود من زمان و لكن تكلفته مقارنة بالجبس_البلدي كانت كبيرة لكن دلوقتي اصبحت قريبة جدا .
3- إزاي ؟
الجبس البلدي عشان تعمله بياخد وقت كتير يعني " يوميات كثيرة " و يوميات العمال زادت جدا و في نفس الوقت الجبسيوم بورد مبايخدش الوقت ده خالص
يعني لو هاتعمل الشقة بتاعتك جبس بلدي في شهر تقدر تخلصها بالجبسيوم بورد في اسبوعين
4- طيب بالنسبة للجودة الجبسيوم بورد أحسن و لا الجبس البلدي ؟
طبعا الجبسيوم بورد الجودة بتاعته اعلي بكتير لانه مش معتمد علي حرفة الصنايعي الألواح بتيجي مكبوسة جاهزة من المصنع فلا هاتلاقي لوح " مموج و لا معرج و لا فيه رايش ده غير ان فيه انواع مقاومه للرطوبه " الجبس الاخضر " و انواع مقاومه للحراره " الجبس الاحمر " .
5- الجبسيوم بورد بيتركب ازاي ؟
يتعمله نظام تعليق تسليح صاج في السقف الأساسي و بعد كده بنركب في الجبس بمسامير و بعد كده يتشطب بمعجون الفواصل .
6- أنا سمعت إن الجبسيوم بورد بيتشرخ و يشقق مع الوقت ؟
ده بيحصل لسبب واحد " قلة الضمير او عدم المعرفة "
1-إن الصنايعي يقلل في الصاج بتاع التسليح في السقف يشرخ و يريح .
2-إن الصنايعي مايستخدمش فايبر الفواصل .
7- في مميزات تاني تخليني أشتغل جبسيوم بورد غير الوقت و التكلفة ؟
أه طبعا
انت بتخلق فراغ بين السقف العادي و السقف الجبسيوم بورد و ده بيديك الفرصة انك تركب " اسبوتات دفن ، سماعه ، تكيفات_كونسليز"
و الفراغ ده بيخلي عندك ميزة انك ممكن في اي وقت بعد التشطيب تمشي سلك في السقف " تليفون ، نت ، فايبر كهرباء " .
8- بالنسبة لو عايز أفصل غرفة أو أقسم ريسبشن ؟
بتعمل قاطوع جبسيوم بورد بيفصل بين الغرف بيبقى زي الحيطة بالظبط و يتشطب دهانات او ورق_حائط او اي تشطيب من الناحيتين)

26/05/2023

كتير بينسي تأسيس التكيف قبل ما يشطب 🥺
يعني ايه تاسيس التكيف ؟؟!
هوا احنا مش بنشتري تكيف و بعدين نركبه و خلاص 🤔
اقولك انا بقي 👌👇
بص يا سيدي لما بتيجي تركب التكييف بعد متخلص بيكون عندك اماكن معينة بس اللي ممكن تركب فيها التكييف علشان في انواع لتركيب التكييف
1- back to back
و النوع ده سهل التعامل معاه لانه هيكون متركب في الحيطة و الماسورة بتاعته هتكون خارجة برة الحيطة علطول و خراطيم الصرف علي الشارع او علي ماسورة الصرف لو في ماسورة خارجية لصرف التكيف و ده ممكن مناسسلوش في المرحلة دي
2- split unit
و النوع ده بيقولوه لما يكون الوحدة الخارجية (الكمبريسور ) بعيد عن الوحدة الداخلية و ده انت بتحدده ساعة التصميم بتاعك للمكان وعشان متكنش مجبر تركبه في مكان معين
و في الحالة دي لازم تحط في اعتبارك انه يتاسسله مواسير الوصلات بتاعته في المرحلة دي قبل المحارة و السيراميك لانك لو معملتش كده هتضطر انك يتغير مكانه يااما الوصلات تكون باينة و شكلها بيكون وحش جدا
فا متنساش تأسس للتكيف بقا 😂✌🏼

23/05/2023

👇👇

23/05/2023

كتير بيقابلني في نظام توزيع الأسبوتات بالطريقة العشوائية!!!!
لأن بيكون تصميم الجيبسون بورد أيضا عشوائى بدون مقاسات هندسية مثال تلاقى عرض بيت النور ٤٠سم🤔 كوبى بيست فى أغلب الشغل وبنكون مضطرين احنا كمان نمشى معاه لاكن الصورة البسيطه دى بتوضح ماالهدف الرئيسى من ديكور الأسبوت لايت وهيا الإضائة امام المجلس نفسة وليس الأشخاص الجالسين بمعنى إنك عشان توصل للتصميم الصحيح 👌 لابد يكون السقف فلات أو عرض بيت النور من٨٠ سم إلى ١ متر لأن أقل جلسه عمقها ٧٠ سم بالتالى تكون الإضائه أمام الجلوس ودائما ننصح العملاء بهذا التصميم إذا توافق مع المساحه الموجودة .