اليسر لقطع غيار السيارات

01/08/2026

اسمع مني دي... 😉

إنت فاكر إنك لما تشتري علبة عليها GM يبقى كده جبت الأصلي؟
للأسف... مش دايمًا.

أنا مش هدور على أبيعلك قطعة وبس...
أنا بعلمك تشتري الأصلي بنفسك، علشان محدش يقدر يضحك عليك.

وده مثال على حساس الكامة الأوبترا GM:

✅ الأصلي منشأ الصين... أيوه الصين، مش كوريا.

علامات الأصلي:
✔️ مكتوب على العلبة Sensor CM SHF.
✔️ السيريال نمبر موجود على العلبة.
✔️ نفس السيريال موجود على الحساس نفسه.
✔️ الأصلي دلوقتي بييجي في علبة، مش في كيس زي زمان.

هدفي إنك تبقى عارف تفرق بين الأصلي والمضروب، سواء اشتريت مني أو من أي مكان.

ولو عندك أي قطعة وشاكك فيها، ابعتلي صورة العلبة والقطعة، وأنا أقولك أصلية ولا لأ.

علشان إحنا مش بنبيع قطع غيار وبس... إحنا بنعلمك تشتري الأصلي.
إحنا... بتوع الأصلي. 💙🔥

29/07/2026

29/07/2026

سلام عليكم... 👋

مياه ممكن تنقص من العربية وإنت مش حاسس... صح؟

ونقص بسيط ممكن يتحول لمصيبة...
❌ سخونة
❌ ضرب جوان وش السلندر
❌ ومصاريف بالآلاف كان ممكن تتجنبها.

علشان كده جبتلك اختراع مش موجود عند اي حد حتي في الماني .... احنا جامدين 😎
✅ حساس قياس مستوى مياه خارجي بدون اي تعديل

أول ما منسوب المياه ينقص، الحساس ينبهك قبل ما تسخن و يحصل الضرر.

استثمار بسيط... يحمي موتور عربيتك من تكلفة كبيرة.

ولو عايز تعرف الحساس ده يركب ازاي تبعنا علي لايف مهم كمان شويه ......

29/07/2026

🤌🤌🤌

29/07/2026

سلام عليكم ......
​🔥 عايز موتورك يعيش أطول وأدائه يبان؟
​زيت(VOLLMAX 15W-40 (Semi Synthetic
عبوة 4 لتر لحماية كاملة ونعومة على الطريق.
​🛒 متوفر فورًا في محل اليسر لقطع غيار السيارات
📍 الإسكندرية - الإبراهيمية (شارع أبو قير)

27/07/2026

اسمع مني دي ........

لو عربيتك أفيو أو أوبترا أو كروز 2010 أو نوبيرا أوروبي 👇

ولو العربية عندك

🔹 بتغيب في الدوارة
🔹 بتنتش أو تقطع على فترات
🔹 لمبة الـ Check Engine بتنور أو تطفي
🔹 أحيانًا العطل يظهر والموتور سخن، وبعد ما يبرد العربية تدور تاني
🔹 عزم العربية مش أحسن حاجة
🔹 وممكن ساعات يحصل هبده في الفتيس

فممكن يكون عندك مشكلة في حساس الكرنك.

⚠️ بس خد بالك!
أول حاجة تعملها ما تروحش تغير الحساس على طول!

راجع الأول على فيشة الحساس والضفيرة، واعمل قياس للحساس بالأفوميتر واتأكد من سلامته، وبعد كده قرر تغيّره ولا لأ.

وبالمناسبة يا جماعة... الحساس الأصلي منشأه الصين 😂
علشان بقى ما نسمعش هبد كتير في الموضوع ده، وأنا عندي الضغط ومش ناقص 😂😂

📸 بص في الصور كويس… حتلاقني موضح علامات تعرف بيها الاصلي سواء كان من العلبه او من الحساس نفسه .....

شخّص صح الأول... وبعدها غيّر القطعة لو ثبت إنها السبب.

24/07/2026

اسمع مني دي .....
سيور Gates من أفضل اختيارات الـ Aftermarket 💪

بس خد بالك… 👀
فيه مضروب وتقليد في السوق، وعشان كده مهم جدًا تعرف إنت بتشتري منين.

ولو عندك أي شك في السير اللي معاك، ابعتلي صورة العلبة و يا سلام لو السير نفسه تبقي عظمه
وأنا أقولك إذا كان أصلي ولا لأ، من غير ما ندخل في تفاصيل أسعار ولا وجع دماغ. 😎🔧

الجودة مش كلام… الجودة مصدر وثقة. 💯

ملحوظه شغل دايو و شيفروليه فقط ........

احنا معاك ❤️

23/07/2026

سلام عليكم ......
اسمع مني دي .........
و دي وجهة نظر طبعًا، لو العربية كانت شغالة فترة بمياه حنفية
وبعدين هتغيّر دورة المياه، فالأفضل تبدأ اقل تركيز علشان ما تضربش الدورة، او اي جزء في الماتور خصوصًا إن عبد الشكور لاقى الوش متآكل رغم إن العربية بقالها سنة شغالة بتركيز 33% من ماركة مشهورة جدًا، لكن قبلها كانت شغالة بمياه حنفية.

22/07/2026

Hamed M. El-Masry صباح الفل يا قبطان

شكرًا على الهدية الجميلة، والأجمل منها محبتك وذوقك اللي غالي عندي جدًا. ربنا يديم بينا المحبة والأخوة 🤍🙏"

20/07/2026

اسمع مني دي ....

في قطع اصليه زي الحساسات و سيور GM منصور هتلاقي منشأ صيني 🇨🇳
وهتلاقي مكسيكي 🇲🇽
وكوري 🇰🇷
وياباني 🇯🇵
متخافش ....!

الأهم من كل ده مش بلد المنشأ...
الأهم المكان اللي بتشتري منه والمصدر اللي واثق فيه.

عشان كده متحكمش على القطعة من كلمة "صيني" أو "ياباني"...

لو عايز تتأكد من أي حساس قبل ما تشتريه، ابعتلي صورة القطعة أو العلبة، وأنا أساعدك وأقولك عليها أصلي ولا لأ.

من غير ما ندخل في تفاصيل أسعار... المهم تاخد قطعة صح. 💪

احنا معاك ❤️