White horse for spare parts

White horse for spare parts وايت هورس - لقطع غيار السيارات الكورى واليابانى - مدينة السادس من أكتوبر

29/08/2019

هقولك شوية نصايح تحافظ بيهم على موتور عربيتك
1 – زيت الموتور ..
لو بتحط زيت 5 الاف يبقى الأفضل تغيرة عند 4500 و 4 الاف كمان
لو بتحط 10 الاف يبقى الافضل كل 9 الاف تغيرة
لو مسافرة سفرية جامدة بالعربية فوق ال 450 كيلو رايح و 450 كيلو جى
و لسة فاضل على الزيت اللى معاك الف كيلو او الف نص … سقطة و حط زيت جديد و سافر بالعربية

2 – زيت الفتيس اللى تقريبا 3/4 الشعب المصرى مش بيفكر فية … و ماشيين ورا كلام الراجل صاحب الافتكاسة اللى بتقول
زيت الفتيس بيتزود مش بينقص …
يا جماعة زيت الفتيس عادى بيفقد خواصة ذى اى سائل و بيتحرق و لزوجتة و اداء مهمتة بتقل
ياريت كل 45 – 50 الف كيلو تغير زيت الفتيس بالمصفى بتاعتة

3 – البوجيهات … مش لازم البوجية يتاكل او يبوظ او سحب العربية يضعف عشان تروح تغيرة
كل 18 – 20 الف هات طقم بوجيهات جديد

4 – عارف لو مدورتش العربية علطول و طلعت بيها
و الله هتفرق فى اداء الموتور جامد
سخن العربية لمدة دقيقة و بعد كدة اطلع بيها

5 – فلتر البنزين … وظيفتة انة ينقى البنزين من الشوايب اللى فية عشان البنزين يكون نضيف على قد ما يقدر و هو داخل على الموتور طبعا لو انت مش بتغيرة و مش مهتم بالفلتر دة …
البنزين بيخش بقرفة على الموتور و السحب هيقل و يضعف و العربية هتشرب بنزين كتير الفلتر ب 250 جنية
مش هيحصل حاجة لو غيرتة كل 10 الاف كيلو

6 – فلتر الزيت نفس الكلام و نفس الوظيفة بتاعت فلتر البنزين بس دة بينقى الزيت مش البنزين
مفهاش حاجة لما تغيرة برضة كل 10 الاف كيلو
7 – فلتر الهوا .. غيرة كل 15 الف
8 – البوابة … بوابة الهوا او الثروتل ..
فكها كل 10 الاف كيلو و نضفها كويس و ركبها تانى

9 – اهتم بالطنابير و اتيال الفرامل و خليهم ديما ب احسن حالة .. عشان كل لما الفرامل يكون ادائها كويس كل لما هيكون الحمل على الموتور أخف
10 – بلاش تحرق على الغيارات …
11 – بلاش لعب كتير بالعربية عشان بيزعل كل حاجة فيها
لو عملت كل دة هتطول فى عمر موتورك جامد

30/07/2019

بتهتم بمواعيد ومواصفات زيت محرك عربيتك ؟؟
طب تعرف ان فى عوامل مؤثرة فى خواص وكفاءة زيت المحرك يعنى مش بتتقاس بالفترة الزمنية بس ..
العوامل المؤثره في زيت المحرك ؟
1-الحراره الزائده وتغير الطقس بشكل سريع ومفاجئ
2-الضغط العالي على المحرك والقياده بسرعات عاليه
3-حالة المحرك جيده ام سيئه
4-عدم استبداله في الوقت المناسب
5-عدم الاهتمام بفلتر الزيت وهو عضو مؤثر جداً على حالة الزيت.

28/07/2019

النـهاردة حابين نتكلم في حاجات تخص سحب العربية و اسباب تأثر علي سحب و اداء عربيتك و حاجات لو عملتها و حافظت عليها اداء عربيتك ديما هيفضل اكنها جديدة و كمان حالة الموتور عندك هتفضل عالية و قوية علطول

- الهواء ..
فلتر الهوا طبعا مؤثر جدا لو مسدود او مش نضيف بيأثر على العربية جدا و دة عن تجربة
جرب تنضف فلتر الهوا بتاعك لو لسة جديد هتلاقى السحب اختلف و ياريت كل 20 الف تغيرة .. و تجيب واحد جديد ...
بوابة الثروتل ... او بوابة الهوا
لو مش نضيفة عتلاقى الموتور ميت مش ضعيف بس .. فكها كل فترة كدة و نضفها ..
2 - البنزين ...
شوف يا سيدى دورة البنزين لو مش نضيف فيها شوايب يعنى هتقلل من سحب العربية
حط من بنزين نضيفة بقى
● غير فلتر البنزين كل 25 الف كيلو
● كل 3 شهور ابقى حط مرة اوكتان عشان تخش تنضف دورة البنزين و تخش على الرشاشات تنضفها و لو عربيتك بتاخد 92 حطلها برضة 95 كل 3 شهور مرة مع الاوكتان هتعمل معاك شغل فاجر و ربنا
3 - البوجيهات و سلوكها ...
البوجيهات مهمة جدا و الناس لما بتيجى تغير البوجيهات مش بتغير السلوك ..
● و لازم كل 25 الف كيلو تغير طقم بوجيهات ..
لان مع الوقت بتكون طبقة كاربون كبيرة عليها و شرارتها بتضعف و بالتالى السحب بيقل و كمان ممكن العربية متدورش معاك من اول مرة عشان البوجيهات ضعفت خلاص ...

4 - الفتيس ...
الفتيس طبعا مهم جدا فى نقطة السحب ..
لو الاسطوانة و الديسك متاكلين و بيجيبو اخرهم بيخلى سحب العربية يقل و كمان يخلى العربية تسخن فوق العادى و كمان هتحتاج تعزم ليها جامد لان الاسطوانة بتكون فضيت و بالتالى هتاكل بنزين زيادة

5 - الكاوتش ...
الكاوتش علية عامل كبير جدا ..
لو الطبقة مشققة او متاكلة او عديت ال 35 - 40 الف كيلو بالكاوتش اللى معاك يبقى ياريت تغيرة احسن ... لانة بيبقى كمان عرضة انة ينفجر او يفتل معاك فى اى لحظة و كمان هياكل بنزين و يقلل السحب ..

6 - حساس الشكمان ..
او اللى اسمة حساس الاكسجين دة لو بايظ او بيودع الحياة خليط الهوا و البنزين مش هيبقى بالنسبة المظبوطة و يقلل السحب ..

7 - الرشاشات
ازاى ؟ لو فى رشاش تعبان .. هيعمل حاجة من الاثنين هيرمى بنزين زيادة عشان يولع مع الهوا و يتم الاحتراق و بالتالى العربية تاكل بنزين
او هيرمى بنزين اقل من المطلوب يقوم يسبب ضعف فى السحب طب و الحل ؟
انك تعمل اختبار رشاشات كل 50 الف كيلو و دة بيبقى عن طريق جهاز بيختبر قوة الرشاشات
و بينضفها و هتلاقية فى اى مركز صيانة نضيف ..

22/07/2019

تسخين المحرك ...

و احنا صغيرين من 15 سنة فاتو كده كنا نشوف اهالينا بتقوم بتسخين الموتور 10 دقايق او ربع ساعة قبل ما تتحرك بالعربية و بعد كده يمشى

و انا صغير مكنتش فاهم هما بيعملو كده ليه ؟!

لما كبرت و فهمت حاجات كتير اتضح ان مش كل اللى كان بيحصل زمان صح .. أو بمعنى اصح ده كان انسب حاجة وقتها .. لكن النهارده الوضع اختلف

#ليه ابويا كان بيسخن العربية زمان ؟! هنا عندنا سببين

1- من 15 سنة كان معانا عربية كربراتير .. و فى الكربراتير التسخين مهم لأن فى بداية دوران المحرك بيكون بخ البنزين غير منتظم إلى ان يسخن الكربراتير و يتم بخ البنزين بشكل منتظم و بيتحول من الشكل السائل إلى سبراى فبيكون الأحتراق افضل نتيجة جودة اختلاط الهواء برذاذ البنزين

2- زيوت المحركات زمان كانت كلها معدني .. و لزوجة تقيلة 20w50 و كانت فيها نسبة شحوم كبيرة حتى مستويات الجودة كانت ضعيفة كان انضف زيت موتور فى مصر تقييمه API SJ كان الغالبية بيستخدم التعاون الأزرق و الأحمر لو حد يفتكر :D

كانت الزيوت المعدنية ذات اللزوجة العالية دى لا تصلح للأستخدام إلا مع تسخين الموتور تماماً قبل الحركة بالعربية و ده علشان يوصل الزيت لدرجة حرارة التشغيل

#النهارده الوضع اتغير تماماً و السببين دول مش موجودين

- نظام الكربراتير اتلغى و اصبح عندنا MPI - Multi Point Injection نظام الرشاشات المتعارف عليه فى اغلب عربياتنا بيضخ البنزين على صباب التغذية فى المنافول

و نظام GDI - Gasoline Direct Injection و هوه نظام رشاشات بنزين لكن يقوم بضخ البنزين داخل غرف الأحتراق مباشرة

فأصبح مش محتاجين تسخين المحرك لأن الرشاشات تعمل بكفاءة منذ اللحظة الأولى من دوران المحرك

- زيوت المحركات اتطورت جامد الفترة اللى فاتت و اصبح عندنا تكنولوجيا الزيوت التخليقية ذات مدى حرارى واسع يغطي درجات حرارة تشغيل مختلفة .. سواء مناخ بارد أو حار فتجد اللزوجات تبدأ من
0w20 مخصصة لسيارات سوبارو
5w30 / 5w40 / 5w50 / 10w60 مخصصة لأغلب السيارات

و هنا بيكون الزيوت اخف من 20w50 اللى كان الوحيد المتوفر زمان و اصبح عندنا زيت معدل انتشاره سريع داخل المحرك و لا يحتاج إلى اكثر من 30 ثانية لتسخين السيارة و التحرك بها .. و ده فى ظل اتجاه العالم لتقليل استهلاك الوقود و

#نصائح

1- اذا كنت تستخدم زيوت تخليقية .. 30 ثانية فقط تكفى لتسخين المحرك

2 - اذا كنت تستخدم زيوت معدنية 20w50 / 15w50 .. يجب تسخين المحرك حتى درجة حرارة التشغيل الطبيعية خصوصاً فى الشتاء

3 - سواء كنت تستخدم زيت معدنى او تخليقى .. لا يجب رفع عدد لفات الموتور فوق 3000 لفة قبل وصول الموتور لدرجة حرارة التشغيل الطبيعية للحفاظ على الموتور من التأكل

22/06/2019

انت مبتعرفش تسوق اساسا !! ، دا الرد اللي على الاغلب هتسمعه لو قولت لحد ان الجير الاوتو احسن من المانوال و اسرع كمان .
بس خليني اقولك بسرعة كدا ليه الجير الاوتو احسن من المانوال

1- اول نقطة و اللي كلنا عارفينها هي انه اريح و اسهل بكتير من المانوال و خصوصا في الزحمة .
2- تاني حاجة انه موفر في البنزين اكتر من المانوال لانه دايما بيختار اعلى غيار عشان يقلل من عدد لفات المحرك و بالتالي يوفر البنزين.
3- و هو السبب اللي كتير هيختلفوا فيه ، الجير الاوتوماتيك اسرع و خليني اشرح بالتفصيل ليه :
- لو اتكلمنا عن الانواع المتطورة و الحاجات الفخيمة اللي بتيجي في الفيراري او اي سوبر كار او الجير العظيم PDK من بورش ، فا هنا و بلا ادنى شك الجير الاوتو اسرع لان ببساطة الجيرات دي بتغير في اجزاء من الثانية ، حرفيا اسرع من طرفة العين ( رمشة العين ) .

بس خلينا نتكلم على قدنا و نتكلم عن الحاجات الموجودة عندنا ، اي جير دبل كلاتش ، DSG مثلا ( بعيدا عن المشاكل اللي في بعض موديلاته ) هيكون برضو سريع جدا و استحالة اي حد يقدر ينقل مانوال بنفس السرعة ، و حتى الجيرات العادية في الاغلب سريعة جدا مقارنة بالانسان ، لانك ببساطة بتعمل اكتر من حاجة ( بتسيب بنزين و تدوس دبرياج و تنقل الغيار و تسيب دبرياج و تدوس بنزين ) و حتى لو انت كين بلوك او مايكل شوماخر و بتسوق مانوال من قبل ما تتولد مش هتعرف برضو تنقل بنفس سرعة الاوتوماتيك .

ملاحظة بسيطة : لو العربية اساسا رخيصة و اقتصادية و مش مقصود بيها نهائيا انها تكون رياضية ، فا على الاغلب الفتيس الاوتوماتيك هيكون يميل للاقتصادية ( او ممكن نقول غبي ) و مش هيفهم انك لما تدوس بنزين جامد انك محتاج اقصى اداء للعربية و برضة هينقل غيارات بدري عشان يوفر بنزين ، و دي على الاغلب الحالة الوحيد اللي ممكن نقول فيها ان المانوال ممكن يكون اسرع
و لكن اي عربية فيها وضعية رياضية حقيقية ، و مش مجرد لمبة بتنور في التابلوه ، هتكون اسرع من نفس العربية بفتيس مانوال

و اخيرا فيه نقطة لازن نقولها و هي ان اللي بيركب مانوال مش بيركبه عشان اسرع ، بيركبه عشان امتع و بيديك تحكم كامل في العربية و بيخليك تعمل بالظبط اللي انت عايزه في الوقت اللي انت عايزه ، المانوال دا عشق و اسلوب حياة ، مش مسألة سرعة و خلاص .

انت ايه رايك ، تسوق مانوال ولا اوتوماتيك
#منقول.

05/03/2019

نكمل كلام فى #الزيوت Engine Motor Oil 👌


Motor Oil Quality - API Grades

الزيت هوه روح المحرك زى الدم فى جسم الإنسان .. اذا فسد أو نقص تنتهى حياته .. هكذا هيا المواتير .. اذا الزيت نقص أو فسد ينتهى الموتور

لذلك الزيوت ليها نصيب كبير فى البوستات بتاعتنا لأهميتها :)

لما تدخل الماركت او محل الزيوت او البنزينة تجد لزوجات مختلفة و ده مش موضوعنا النهارده كلامنا عن

هتلاقى تصنيفات جودة مختلفة و يرمز ليها بتصنيف الـ API
API - American Petrol Institute معهد البترول الأمريكى

و ده التصنيف المنتشر عالمياً لكن فى تصنيفات اخرى اوروبية ملناش دعوة بيها خلينا فى اللى قدام عينينا فى مصر

يعبر عن جودة المنتج داخل الجركن و مدة التشغيل و امكيانياته هل هو زيت متواضع ولا زيت كويس .. هل ينفع امشى عليه كتير ولا غلط .. هل مناسب للمحرك ولا لأ

التصنيف الحالى و اعلى جودة فى العالم هيا تصنيف API SN+

أعلى #تصنيف منتشر فى #مصر هو تصنيف API SN

و ده متوفر فى اغلب اللزوجات حالياً نظراً لأن العالم اصبح يتجه للزيوت التخليقية و النصف تخليقية لأنها توفر حماية افضل للمحرك و نظافة للمحرك و توفير الوقود و تقليل انبعاثات العادم و بتقعد كيلومترات كتير مما يوفر المال ايضاً

طيب هيحصل ايه لو استخدمت زيت تصنيفه قليل و ضعيف داخل المحرك ؟!
الزيت اللى تقييمه قليل هيعمل حاجة اسمها Sludge / Deposit ترسبات على اجزاء الموتور من الشحم و الكربون


تم عمل اختبار محركين متطابقين بنوعين زيت مختلفين
واحد تقييم API SA وواحد تقييم API SL

و تم تشغيل المحرك بشكل متواصل لمدة 216 ساعة للأختبار

المحرك اللى كان فيه تصنيف API SA توقف عن العمل بعد 168 ساعة فقط و استمر التانى فى العمل .. بعد ما الوقت خلص تم تفكيك المحرك و تحليل اجزاءه و يشوفوا ايه اللى حصل فى المحرك

كانت النتيجة ان الموتور اللى اشتغل بزيت تقييمه API SL عدى الأختبار و حالته جيدة

#بالمقارنة مع الموتور التانى اللى استخدم زيت API SA اتدمر تماماً و اصبح مليان بالشحوم و الكربون

#أذاً الجودة بتفرق فى نظافة المحرك و حماية المحرك فمتسمعش كلام الميكانيكى او بتاع الزيت اللى بيقنعك ان كله زيت و ان مفيش ضرر لو حطيت زيت رخيص خصوصاً لو عربيتك زيرو .. دى كارثة فى حد ذاتها .

#كل ما حطيت زيت مستوى جودته اعلى كان افضل للموتور لكن مينفعش تحط زيت اقل فى المواصفة من اللى مكتوبلك فى الكتالوج

فى النهاية هتلاقى تحذير من الناس اللى بتنفخ الموتور بالهواء لتصفية الزيت لأنه يدمر المحرك ..

04/03/2019

وييجي السؤال بتاع كل شتا .. أسخن العربية ولا لأ؟؟
طيب أسخنها قد ايه؟؟ :D

-ليه فكرة تسخين العربية أصلاً؟؟
=عشان الكربراتير في العربيات القديمة مكانش بيعرف يشتغل كويس طول ما هو بردان, كان بيلخبط نسبة الهوا والبنزين اللي داخلين موتورك, يا اما يدخل بنزين قليل فالعربية تطفي لو حاولت تطلع بيها, يا اما يدخل بزيادة فتلاقيها بتطلع دخنة سمرة :P
عشان كدة تلاقي الناس اللي معاها عربيات قديمة دايماً تدور العربية وتفضل تزود بنزين شوية عالواقف كدة لحد ما العربية تبدأ تتدفي :D

-طب ولما بقت عربياتنا Injection يعني شغالة برشاشات بنزين؟؟
=خلاص المشكلة اللي فوق دي اتحلت وبقي كمبيوتر الرشاشات عارف كويس أوي يرش بنزين قد ايه .. مشغل معاه سنسور واقف علي مدخل الهوا بتاع الموتور يعرفله داخل أكسجين قد ايه عشان يرشله بنزين علي قده عشان كدة دايماً كمية البنزين هتبقي كافية ان الحريق يتم والمكنة تفضل دايرة مش زي الكربراتير..

-يبقي منسخنش العربوية؟؟
=اتقل بس .. هنا بقي لازم نصارحك بمشكلة تانية للعربيات الباردة :D
لما حررتك تكون راكن العربية تمن ساعات بالليل وتيجي تصحيها الساعة سبعة الصبح, خليك حاطط في بالك ان زيت الموتور دة بني آدم زيه زيك وبيبقي نايم في الكارتيرة ومتغطي .. وكتر البرد بتاع بالليل دة بيخلي اللزوجة بتاعته تعلي, يعني لما تدور العربية الزيت بيبقي كسلان كدة في حركته ومش بينتشر في الموتور بسرعة .. الطرمبة تقوله اطلع يلا عند الكامات فوق انجز
يروح باصصلها بقرف كدة ويقولها مابورراحة!

الخناقة دي بتاخدلها شوية وقت لحد ما الزيت يطلع فوق, وساعتها بيكون موتورك شغال من غير تزييت خالص عشان الزيت ملحقش يوصل يعني, فمتجيش انت بقي تقرص عالعربية وتطلع تخمس والمكنة لسة متزيتتش .. هي مش هتقول لأ .. بس عمرها الافتراضي هيقل عشان الأجزاء المتحركة فيها هتبقي بتاكل في بعضيها ومفيش زيت يليّن الدنيا بينهم :D

-يبقي نسخن العربوية؟؟
=اركب عربيتك الانجكشن الجميلة .. لف مفتاحك لفة واحدة لحد ما لمبات العداد تنور .. استني لما شوية منهم يطفوا أو تلاقي عداد البنزين رفع عشان تكون الكهربا كملت عالحساسات زي ما بيقولوا .. دور عربيتك .. البس حزامك كدة وحط نضارتك وافتح شبابيكك واعدل مراياتك هتكون خدتلك نص دقيقة في الكلام دة .. حطها عالـ D يابا وطريقك أغضر .. افضل ماشي بيها بالراحة لمدة تلت دقايق مثلاً أو لحد ما مؤشر الحرارة يرفع لدرجته الطبيعية .. واقرص بقي يا برنس :D

ساعتها انت اتطمنت خلاص ان الزيت انتشر في المكان وبقت كل حتة في موتورك بتطرطش زيت ومبتاكلش في نفسها من كتر الاحتكاك وعمرها الافتراضي يزيد :D

الزتونة:
1- معاك عربية قديمة يبقي دورها وسيبها تسخن زي ما الحاج علّمك تعمل..
1.5- معاك جديدة يبقي هما تلاتين ثانية عالسلانسيه واطلع من غير ما تقرص..
2- لو انت عايش في سيبيريا وبتنزل تلاقي العربية متلجة زي الخنفسة دي سيبها تسخن حبة كمان..

متوفر جميع زيوت و اضافات ليكومولي
26/02/2019

متوفر جميع زيوت و اضافات ليكومولي

24/02/2019

هنتكلم النهاردة عن أسباب ضعف السحب
اية اللل يخلى العربية بطة
هى العربية الاول بتشتغل ازاى ببساطة كدة ؟
شوية هوا على شوية بنزين فى أسطوانة الموتور و هو المقصود بية ال " Cylinder "
و شرارة من البوجيهات و الموتور يشتغل ينقل الحركة للفتيس .. الفتيس ينقل الحركة للعجل
عشان كدة اسمة ( ناقل حركة ) شوفت بسيطة ازاى مش محتاجة
● خلينا نمسكها واحدة واحدة كدة و من الصغير للكبير ..
1 - الهواء ..
فلتر الهوا طبعا مؤثر جدا لو مسدود او مش نضيف بيأثر على العربية جدا و دة عن تجربة
جرب تنضف فلتر الهوا بتاعك لو لسة جديد هتلاقى السحب اختلف و ياريت كل 20 الف تغيرة .. و تجيب واحد جديد ...
بوابة الثروتل ... او بوابة الهوا
لو مش نضيفة هتلاقى الموتور ميت مش ضعيف بس .. فكها كل فترة كدة و نضفها ..

2 - البنزين ...
شوف يا سيدى دورة البنزين لو مش نضيف فيها شوايب يعنى هتقلل من سحب العربية
حط من بنزين نضيفة بقى
● غير فلتر البنزين كل 25 الف كيلو
● كل 3 شهور ابقى حط مرة اوكتان عشان تخش تنضف دورة البنزين و تخش على الرشاشات تنضفها و لو عربيتك بتاخد 92 حطلها برضة 95 كل 3 شهور مرة مع الاوكتان هتعمل معاك شغل .

3 - البوجيهات و سلوكها ...
البوجيهات مهمة جدا و الناس لما بتيجى تغير البوجيهات مش بتغير السلوك ..
● و لازم كل 25 الف كيلو تغير طقم بوجيهات ..
لان مع الوقت بتكون طبقة كاربون كبيرة عليها و شرارتها بتضعف و بالتالى السحب بيقل و كمان ممكن العربية متدورش معاك من اول مرة عشان البوجيهات ضعفت خلاص ...

4 - الفتيس ...
الفتيس طبعا مهم جدا فى نقطة السحب ..
لو الاسطوانة و الديسك متاكلين و بيجيبو اخرهم بيخلى سحب العربية يقل و كمان يخلى العربية تسخن فوق العادى و كمان هتحتاج تعزم ليها جامد لان الاسطوانة بتكون فضيت و بالتالى هتاكل بنزين زيادة

5 - الكاوتش ...
الكاوتش علية عامل كبير جدا ..
لو الطبقة مشققة او متاكلة او عديت ال 35 - 40 الف كيلو بالكاوتش اللى معاك يبقى ياريت تغيرة احسن ... لانة بيبقى كمان عرضة انة ينفجر او يفتل معاك فى اى لحظة و كمان هياكل بنزين و يقلل السحب

6 - حساس الشكمان .
او اللى اسمة حساس الاكسجين دة لو بايظ او بيودع الحياة خليط الهوا و البنزين مش هيبقى بالنسبة المظبوطة و يقلل السحب ..

7 - الرشاشات
ازاى ؟ لو فى رشاش تعبان .. هيعمل حاجة من الاثنين هيرمى بنزين زيادة عشان يولع مع الهوا و يتم الاحتراق و بالتالى العربية تاكل بنزين
او هيرمى بنزين اقل من المطلوب يقوم يسبب ضعف فى السحب . طب و الحل ؟
انك تعمل اختبار رشاشات كل 50 الف كيلو و دة بيبقى عن طريق جهاز بيختبر قوة الرشاشات
و بينضفها و هتلاقية فى اى مركز صيانة نضيف ..

دى الاسباب اللى تخلى العربية يكون سحبها ضعيف معاك ...
و كدة خلصنا
منشن لصاحبك اللى عربيتة موقفها ضعيف

23/02/2019

شـوية نـقط لو عملـتهم هتـوفر بـنزين عـربيتك ...
____________________________________

1 - اظبط كاوتش عربيتك و تابعو ديماً و أول بـ أول
لان لو فى فردة مريحة عن باقى الفرد العربية هتستهلك بنزين أكتر عشان تديك نفس الـ Torque اللى بيطلع منها و متحسش ب أختلاف ...
راجع ديماً على الكاوتش ...

2 - بلاش الحرق اللى على الغيار و القرص اللى عـلى العربية يعنى بلاش 120 على التالت و الـ 80 على التانى و الجو دة لانك كمان هتجيب أجل الفتيس بدرى و كراسى الموتور غير الاستهلاك العالى للبنزين

3 - نـوع الزيت اللي بتحطه في المكنة بيبقي ليه عامل كبير جداّ في إنه يوفرلك بنزين لان كل ما كان الزيت نضيف ولزوجته كويسة يخلي الأجزاء الداخلية للمكنة تشتغل بسهولة وبساطة فا المكنة ترتاح ومتسحبش بنزين عالي

4 - لـو عندك مثبت سـرعة فى العـربية أستخدمة و خصوصاً فى السكك الطوالى لانة بيـوفر 14% من الـبنزين و الاستهلاك العادى اللى انت بتستهلكة

5 - مـتسبش تـانك البـنزين يجيب أخرة و يبقى فاضل فى الربع و كمان تخش على الاحتياطى أخر شوية دول بيبقو فيهم كمية شوايب ما يعلم بيها الا ربنا تقوم الشوايب دى داخلة على الرشاشات و فلتر البنزين و اى حاجة فى سكتها تخش عليها ... طبعاً سيادتك مبتعملش صيانة للكلام دة و تلاقى العربية مكتومة معاك فى السحب و فى نفس ذات الوقت بتستهلك بنزين عالى و ترجع تقول السحب عندى مش حلو

6 - أنت أمتى أخر مرة نضفت الفلاتر من ساعت ما جبت العربية دة اذا كنت نضفتها مرة اصلا ؟
طب أمتى أخر مرة نضف الحساسات أو فكرت تغيرهم مش شرط انهم يبوظو عشان يتغيرة بس العناية بعربيتك شئ حلو جداً مش لازم لما الحاجة تبوظ تغيرها .... !!!!

طب أمتى أخر مرة غـيرت الكاوتش ؟

العربية عبار عن سلووووك كلها واصلة فى بعضها
السلك اللى فى مشكلة بيأثر على جميع وظايف العربية
طبعاً دة تـشبية يعنى ...
________________________________

الـ 5 نقط دول لو عملتهم أقل حاجة هـتوفر 30% من استهلاكك العادى للبنزين و العربية و هتحس بـ فرق و أن البنزين بياخد وقت اطول معاك..
منقول

21/02/2019

هنقول كدة كام نصيحة تعملها لو لاقدر لله كاوتش العربية ضرب
تعمل أية لو الكاوتش أنفجر ..
شير - منشن لصاحبك
____________________________

1 - بلاش تدوس فرامل .. أوعي تدوس فرامل لو فردة ضربت .. عارف ان ساعة القدر بيعمى البصر و التفكير كلة بيتشل .. بسبب ان بتسمع صوت انفجارجامد و بواقى الكواتش عمالة تتنطر فى الرفرف و صوت الحديد ( الجنط ) عمال يحك فى الاسفلت و حاجة هباب .. بس برضة بلاش تدوووووس فرااامل نهائي

2 - لو العربية مانيوال حط غيارات عكسية .. أنزل بالغيارات لحد لما سرعة العربية تقل عشان تعرف توجها و تسيطر عليها و هي علي سرعة قليلة لو أوتوماتيك ,, حاول شغل الستيبت رونيك و تنزل غيارات عكسية برضة

3 - متشدش الهاند بريك غير لما العربية تكون على 50 اقل حاجة
4 - تـســيب البنزين خالص

5 - لو الفردة اللى قدام ضربت يمين او شمال العريبة هتفضل ماشية فى أتجاها
عادى بس طبعا هتسمع أصوات كتير و هتلاقى الدريكسيون نشف معاك جامد و
هيروح يمين و شمال جامد يبقى تمسكة ب أيدك الاثنين و أعمل كل الكلام اللى
فوق
اما لو الفردة اللى ورا ضربت سواء يمين او شمال .. هتلاقى ضهر العربية بيعرض مع نفسة اكنك شديت هاند بريك و بتخمس و بتعرض بضهر العربية .. يعنى لو الفردة اللى ورا اليمين ضربت هتلاقى ضهر العربية رايح شمال .. لو الفردة الشمال اللى ورا ضربت هتلاقى ضهر العربية رايح يمين .. حاول تتحكم ساعتها بالغيارات العكسية و تظبط الدريكسيون واحدة واحدة لحد لما تظبط العربية

6 - حط ف أعتبارك ان لو الفردة ضربت العربية مش هتتقلب الا لو اتعاملت مع الموقف غلط .. ب أنك تدوس فرامل .. او تشد الهاند بريك
_________________

شوية ملحوظات .. علشان تحاول تقلل من نسبة أنفجار الكاوتش ..

1 - لو انت من النوع اللى بتحب الجرى و السرعة .. هات كاوتش مناسبة لكدة
بنقشات خاصة رياضية .. أجية منين .. من محلات الموزعين المعتمديين للتوكيلات و المحلات الكبيرة

2 - كاوتش نضيف و غالى يستحمل درجة الحرارة .. هتقول طب و المصاريف .. هقولة ياعم انت بتشترى حاجة لحياتك .. هتوفر على أية .. لو معكش تمنهم أستنى لحد لما يبقى معاك و اروح أشترى طقم عالى أوى

3 - متخدش ملفات على سرعات عالية من الضيق
4 - لما تيجى تشترى كاوتش .. متشتريش حاجة متخزنة بقالها فترة .. هتقولى
أعرف منين .. هقولك بيبقى مكتوب عليها ف مربع صغير على الكاوتش ..

5 - متاخدش مطب على سرعة او نقرة فى ملف عشان ممكن العجلة تتضرب
6 - لازم تكون بتعرف تغير الفردة و ديما لازم يكون معاك ستبن و عدة تغير بيها الفردة اللى باظت عشان لو انت على طريق سفر و حصل كدة تعرف تغير
منقول

21/02/2019

البوست ده طويل شويه بس مفيد شويتيين .....
معلومات عن كاوتش السيارة
في الكاوتش 6 شركات كبيرة اللي هما يعتبرو الكريزة
1- ميشلان (فرنسا)
2- بريدجيستون (يابان)
3- جوديير (امريكي)
4- بيريللي (ايطالي)
5- كونتينينتال (الماني)
6- دانلوب (بريطانية الاصل ومملوكة من جوديير وكام شركة كاوتش تانية)

باقي الشركات تعتبر متوسطة الحجم بالنسبة للستة الكبار زي
- هانكوك (كوري)
- كومهو (كوري)
- تويو (ياباني)
- يوكوهاما (ياباني)
- نيكون (فنلندي)

نتكلم عن الكاوتش
اولا المقاس وده سهل قرائته, علي اي عجلة هتلاقي الاتي وده اداة تعريف متعارف عليها بين كل شركات الكاوتش
R16 205/55 H
R 16 مثلا
ده معناه ان مقاس الجنط نفسه 16
R ترمز الي Radial وده القطر

195 - 205 - 215 - 225
ده عرض الكاوتش علي الأرض ويقاس بالمللي متر

50 - 55 - 60 - 65

ده ارتفاع الكاوتش من الجنط الي الارض ويقاس كنسبة مئوية من العرض

في مثلا لما تلاقي عجلة مكتوب عليها R17 215/50 ده معناه جنط 17 في مقاش العجلة 17 وعرضها 215 وارتفاعها من الجنط عن الارض هوا 50 % من العرض ( 107.5

السرعة القصوي للعجلة وتحدد ب حرف انجليزي
H 210 كم في الساعة
V 240 كم في الساعة
W 270 كم في الساعة
حطيت صورة توضح فروق السرعات وده معناه ان بعد السرعة القصوى المحددة العجل بيسخن جداً من الاحتكاك المتواصل وفيه احتمال انه يحصل فقد للضغط او انه ينفجر

سنة الانتاج مكتوبة بالصيغة الاتية علي العجل
السنة 52 اسبوع
فمثلا هتلاقي 1415
اول رقمين ترمز الي الاسبوع وتاني رقمين يرمز الي السنة
يعني انتاج العجل للرقم ده يبقي الاسبوع ال 14 (نصف شهر مارس) سنة 2015

من المفضل دائما انك تشتري عجلة معداش علي انتجها 18 شهر علشان المطاط بيبدأ يفقد خواصه بعد 3 الي 5 سنين حسب نوع المطاط المستخدم في العجلة من الشركة المنتجة

اسباب تلف العجل
البلالين بتحصل لما الكاوتش ضغطه بيكون غير مظبوط ويتزنق بين الجنط ورصيف او مطب او حفرة عكسية او شوية اسمنت بارز علي الطريق
ملهاش علاج لان ده قطع في مكونات العجلة الداخلية ويستحسن تتغير في اقرب وقت ممكن ولو مش في مقدرتك بلاش جري وضغط علي العجلة

الاخرام
العجل التويبلس لما بيتخرم بيفقد الهواء تدريجيا لان المسمار او سبب القطع ايا كان بيكون محشور في العجلة في الفقد بيكون تدريجي وممكن تلاقي العجلة نامت بعد يوم كامل او بعد ما تركنها بشوية
لو العجلة نامت فجأة وانت ماشي ممكن تكون اتخرمت/اتقطعت من حاجة ثابتة في الارض في مش بيكون فيه عائق ان الهواء يخرج فبتنام علطول
لو لقدر الله وقفت عند واحد بتاع عجل في طريق سريع او بنزينة سبق عليه وقوله العجلة فيها خرم واحد او 2 علي اكثر تقدير وخليك واقف علي دماغة وهوا بيكشف لانه لو لقاك مش فاهم هيلبسك 7 او 11 خرم ويبقي بوظلك العجلة ومفيش عجلة بتتخرم 11 خرم مرة واحدة مش ماشي علي سجادة مسامير من بتوع الهند! 😀

ايه احسن عجلة في السوق؟
مفيش حاجة اسمها احسن عجلة في حاجة اسمها طريقة سواقتك ايه
يعني لو بتحب تجري وفرامل متأخرة الخ يبقي تجيب عجلة سبورت زي Bridgestone Potenza Adrenaline Or Bridgestone My02 ده بيديك تماسك اكتر وبودي رول اقل ولكن مع راحة اقل بكتير لان ال Side Wall بيكون ناشف علشان النقشة دائماً تكون ملامسة للارض. هتحس العجلة بتدب

لو سواقتك هادية وبتحب توفر بنزين (ايوه نوع العجلة بيوفر بنزين لان معامل الاحتكاك بيحكم) ممكن تتجة للعجل ال Premium Comfort زي Bridgestone Turanza GR-90 هتديلك راحة اكبر بكتير وانعم مع الحفر والمطبات ولكن علي حساب الفرملة الاقوي وانك تاخد ملفات اسرع الخ

لو سواقتك علي شعرة شوية جري وشوية مشي عادي ممكن تجيب عجلة Hybrid او Balanced زي Goodyear Efficient Grip Performance or Nokia Z-Line وده مساكة العصاية من النصف علشان تديلك الكويس من الراحة والفرامل والكورنر

ازاي تحافظ علي عجلتك
اظبط هواء العجلة كل 10 ايام (روتيني كده 3 مرات في الشهر) منه تتأكد ان العجل ضغطه بيقل بالمعدل الطبيعي (من 2 الي 4( PSI
ملمع العجل ال ARMOR ALL مش بيلمع وبيدي شكل حلو فقط, ده بيطري مطاط ال Side Wall بتاع العجلة وبيقلل من حدوث البلالين لان العجل مش بيشقق بسرعة
العجل بيتغير بمعدل التأكل وبيبقي بالمم وينصح بتغيير العجلة لما العمق بتاع النقشة يوصل ال 4مم او 3مم

الموضوع كبير جداً وفيه نوع المطاط وطريقة بناء العجل ولكن اتمني اكون وضحت شوية وربنا يستر طريقكم 🙂

Address

الحي الثاني مول الاردنية الجديد امام مستشفي الوادي, 6 October City
6 October City

Opening Hours

Monday 10am - 8pm
Tuesday 10am - 8pm
Wednesday 10am - 8pm
Thursday 10am - 8pm
Saturday 10am - 8pm
Sunday 10am - 8pm

Telephone

+201065775591

Website

Alerts

Be the first to know and let us send you an email when White horse for spare parts posts news and promotions. Your email address will not be used for any other purpose, and you can unsubscribe at any time.

Shortcuts

Share