العمارة الخضراء استشارات هندسيه عماره ديكور فن

20/11/2022

الريفيت 😀 هو الحل الامثل لبرامج الرسم المعمارى

15/11/2022

18/10/2021

نصائح العمارة والتخطيط أوعى تبنى بيتك هناماتبش ارضك ياعم عوادلا لتأكل الأراضي الزراعيةنعم للمدن الجديدةازاى تختار مكان ارضكمشاكل العشوائيات فى مصرم.مص

17/08/2021

م.مصطفى عجمى باحث الدكتوراة فى العمارة والتخطيط يشرح الفيديو مراحل واساسايات التصيميم المعمارى والديكور ويخاطب المهندسي وايضا المستثمرين
ويوضح اسباب نجاح التصميم المعمارى والديكور

م.مصطفى عجمى باحث الدكتوراة فى العمارة والتخطيط يشرح الفيديو مراحل واساسايات التصيميم المعمارى والديكور ويخاطب المهندسي وايضا المستثمرين ويوضح اسباب نجاح الت...

20/04/2021

20/04/2021

كل عام وعملائنا الكرم بخير وبركه .....اسأل عن عروض شهر رمضان

16/02/2021

ازاى تختار الوان شقتك

بص ياجميل اى حد فينا نفسه تبقى شقته احسن شقه ، ومظهره احسن مظهر،ولبسه احسن لبس و النفس البشرية عموما بتميل إلى السعادة لما بتلاقى إبهار من الآخرين ولما بنسمع من حد كلمه (( الله ايه الجمال ده )) ....
بس المشكله اننا ممكن من غير مانقصد نحول الشقه بتاعتنا الجميله لألوان بليتشو او مريله كروهات ، او نضيقها و تبقى هيه اصلا صغيره ، او نوسعها اكتر وهى اصلا واسعه ...
طيب و ايه علاقة الكلام ده بالعنوان اللى هو ألوان الشقه 🤔

تخيل أن احساسك بوسع الشقه أو بضيقها ممكن يكون بسبب الألوان..
اه والله بسبب الألوان فلازم ناخد فكره عن الألوان ونبتدى نتعلم كيفية اختيار الالوان المناسبه....
بداية علشان تختار لون شقتك لازم نتفق أننا هنراعى مبدأ مهم جدا وهو ده الأساس .. اننا نحقق مبدأ التضاد contrast يعنى ان يبقى فى تضاد مابين الالوان حاجات معينه فى الغرفه تمثل اللون الفاتح و حاجات تانيه تمثل اللون الغامق ...والا لو ماعملتش كده مش هاتشوف اى حاجه وعينك مش هاتفرق مابين العفش والسجاد وبين الحوائط.
طبعا زى ما عودناكم فى مقالاتنا أن أفكار التصميم اصلا بناخدها من بديع صنع الله فى الكون لأن كل حاجه حوالينا فيها ابداع وتنسيق عجيب و عشان كده هنضرب مثل من الانسان لو ربنا خلقه ابيض وشعره اسود ، ومن غير حواجبه هتحس ان شكله غريب و فى حاجة مش مظبوطه .طيب الحواجب بتنور الوش وبتحليه مع انها غامقه ليه عشان ال contrast ...
وهكذا بص على اى طير او سمك او شجر من خلق الله ، واتعلم منها قصة التضاد دى..
ومن هنا هنقول أن عندنا اتجاهين مفيش غيرهم
عشان تبرز كل تفاصيل الفراغ الموجود عندك واول ما تدخل المكان عينك تشوف كل حاجه واضحه و بارزة..
الأول /1/ انك تختار الالوان الغامقه فى الحوائط والارضيات و العفش والستاير تكون فاتحه.

2-ثانى اتجاه انك بقى تعمل العكس
تخلى الحوائط والارضيات فاتحه وتغمق العفش والستائر وده اكثر الناس بتعمل كده لانه بيبقى اأمن كتير واسهل طبعا ....

طيب فين دور المهندسين هنا ما عادى يعنى الموضوع سهل..
هقولك .. الاختيار الثانى اى حد يعمله لانه سهل زى ما قلنا لكن الاختيار الاول هو اللى مش سهل أبدا والغلطه فيه هتخليك تسيب الشقه وتجرى منها و لا يمكن تسكن فيها يوم و ده دور المهندس الشاطر اللى يعرف يستخدم الوان جريئه بس بشرط يوظفها صح، يعنى مايبنفعش حد يعمل الشقه كلها ازرق او حتى احمر او اسود فى اسود ، فالالوان الغامقه اكثر جرائه من الفاتحه...
بس نقدر نستخدمها فى العفش والسجاد بسهوله شديده ، اما فى الحوائط فتبقى قويه وجريئة بس لازم تتوصف صح علشان ماتغمقش المكان ، او انك انت تقدر تعمل الغرفه كلها اسود مثلا والعفش يبقى كله ابيض تماما ..
🤔 اه ده اه الكلام ده حد يعمل حوائط سودا مش متخيلها ابدا ايه البؤس ده سودا ؟؟؟
لا مش بؤس والله انت بس اللى مش متخيلها ده أحلى شغل . و ده لعبتنا بئى.. ولازم تعرف ان الألوان الغامقة ده هى اللى بتجذب العين زى اللون الاحمر والازرق والاخضر والى نقدر نحطها بسهوله فى البورتريه علشان ننشط المشهد وننطقه زى مابيقوله ...يعنى دكاترتنا كانو بيعلمونا اننا لما نعمل مدخل لمشروع ممكن نميزه بلون جذاب زى الاحمر مثلا وحتى لومعرفناش نميزه ممكن نحط فى الرسمه راجل لابس تيشرت احمر يلفت الانتباه للناظر للمشروع .. ..
يارب اكون أفادتكم ..
كل ده واكثر هتتعرف عليه فى العماره الخضراء ..
م. مصطفى حسين عجمى

13/02/2021

أبلغ تعريف للعمارة عن إحدى أشهر مقولات المعارى الشهير لوكوربوزييه في تعريفه للعمارة بأنها "اللعب المتقن الرائع في مجموعة من الكتل ترى تحت الضوء".

29/01/2021

ازاى تختار شقتك صح قبل ما تشتريها ....

لازم تختار تصميم شقتك الداخلى بعنايه و لازم تراعى فيها شوية معايير .... لو مشيت عليهم هتلاقى نفسك مبسوط جدا بشقتك ومبتفكرش انك تبيعها بعد فترة قصيره او تبقى زهقان منها ..

-اول امر انها تكون متصممه على الطراز الحديث يعنى مراعاة فكرة الخصوصية privce يعنى الرسبشن بحمام ضيوف لوحده وغرف النوم لوحدها ومايكنش الرسبشن فى نصف الغرف زى العياده زمان .

- تانى امر ان الرسبشن يكون فيه بلكونه بس اهم حاجه تبقى واسعه وتاخد طرابيزه وكراسي للاستمتاع بالڤيو أو اللاند سكيب اللى حوالين العمارة أو الهوا..

- ثالت حاجه ان يكون فيه منطقة معيشه يعنى انك تعرف تجلس وتتجمع انت وولادك فى حته وسط مابين غرف النوم بدل ما كل واحد يبقى قاعد لوحده وياحبذا لو المطبخ فاتح امريكانى على المعيشه علشان الام بتكون زهقانه من وقفتها بين اربع حيطان ويكون فى حد يسليها .

- رابعا ان الطرقة ما تكونش طويله يعنى ماتحسش انك ماشى فى مستشفى وسراير يمين وشمال الطرقه .

- وياسلام لو فى حمام فى غرفة النوم الرئيسى يبقى كده تمام.

- ان ارتفاع الشقه من الأرض للسقف مايقلش عن 290 علشان تعرف تعمل جبسون بورد براحتك ..لان للاسف فى ابراج بتطلع جديد اهم شيء عنده المكسب و عدد الشقق وبالتالى بيقلل الارتفاع متعمد.. و ده شئ بعد شويه هتحس منه باكتئاب و كمان مش هتعرف وانت بتوضب تعمل اى جيبسون بورد فى السقف عشان ماتنزلش بالارتفاع اكتر ويقل..

-ان الرسبشن يكون مستطيل الشكل بس يعنى فى تناسب بين الطول والعرض لأن أحياناً بنلاقى الطول أضعاف العرض وبيتحول الريسبشن ل طرقة و النقطه دي مهمه جدا يعنى تقدر تفرشه كويس ومايكونش كله اعمده مثلا او متكسر فى المساحه.

- ان العنصر الإنشائى يختفى تماما من كمر واعمده ..
طيب اهم نقطه فى الموضوع بئى هى المفاجأة للناس اللى اشترت خلاص وكتبت عقدها ومش هتعرف تبيع تعمل ايه 🤔🤔🤔🤔...
استنو ماتزعلوش عندنا الحل ومتجرب عملى كمان فى كذا شقه... لو هتنفذ التشطيب معنا بنعملك مجاناااااااااااً..

ايوة مجاناااااااااااً إعادة هيكلة وتصميم للشقه من اول و جديد وبنشقلبهالك تماما وبندارى العيوب و بنعملهالك على ال 3d عشان تشوفها عملى ادام عينيك على الكمبيوتر قبل ما ننفذ بحيث نعملك تصميم طبق التصميم بالضبط وتستلمها على المفتاح .. مع جرين ارك مفيش اى حاجه اسمها مستحيل..
ولو مش هتنفذ معانا ماتقلقش هنعملك التصميم بمبلغ ماتحلمش بيه واهم شيء هو رضا عملاؤنا لأنهم سبب نجاحنا..

كل ده واكتر هاتعرفه مع جرين ارك ..
مع تحيات دكتور مهندس مصطفى عجمى ..

للتواصل مع المكتب واتس آب يرجى الارسال على رقم 01151893857