SCRUM const&decor

28/01/2023

...معلومه ع الماشي...
نتكلم اليوم عن بعض المعلومات لمن يرغب في تشطيب منزل أو شقة أو ڤيلا
واليوم نلقي الضوء ع الأسس السليمة لبند الكهرباء وهي حاجات بسيطة اوع تعدي منك وانت بتأسس الكهرباء

﴿ ١ ﴾ اهم حاجه تكون عارف الشقة هتتفرش ازى

﴿ ٢ ﴾ اطلب من الكهربائي يأخذ شيرب للشقه بخرطوم المياه او ميزان الليزر

﴿ ٣ ﴾ اعمل حساب خط تكييف فى الشقه كلها حت لو مش هتركب التكييفات ويفضل تكون المفاتيح بتاعتها نايمه مش واقفه هتكون اشيك

﴿ ٤ ﴾ اعمل حساب كشافات الطوارئ فى كل الشقة احسن ما تعمل بواط لتجميع اسلاك التيار الخفيف

﴿ ٥ ﴾ اعمل حساب كاميرا مراقبه امام باب الشقه حتي لو مش هتركب

﴿ ٦ ﴾ اطلب من الكهربائي سلك الدش يكون فى خرطوم لوحده والسلك واصل لحد الطبق بدون لحام لكل غرف لوحدها علشان الاشاره تكون100%

﴿ ٧ ﴾ اعمل جرس من المطبخ للانتريه لو حابب علشان محدش ينادى عليك وانت مع ضيوفك حتي لو مش هتستعمله

﴿ ٨ ﴾ اعمل حساب ديفاتير ومفتاح اربعة طرف فى غرفه النوم والطرقه لو فيه

﴿ ٩ ﴾ اعمل حساب الليد بين واحدات المطبخ

﴿ ١٠ ﴾ اعمل لكل غرف خط للاناره وخط للبرايز وخط للتكييف لكل غرف وخط للغسالة وخط للسخان وخط للمكيروف وباقي المطبخ من خطين الي ثلاث خطوط

﴿ ١١ ﴾ بلاش تركيب بواط لتجميع اسلاك الدش والتليفون وسلك النت الافضل لوحه الخدمات من فينوس ولو الإمكانية متسمحش ممكن لوحه ١٢خط عاديه

﴿ ١٢ ﴾ بعد انتهاء تأسيس الكهرباء للمرحلة الأولي صور الشغل كله قبل المحارة وهو لسه خراطيم عالحيطه علشان بعد كده لما تعلق براويز اوهتخرم فالحيطه لأي سبب ماتخرمش فى اي خراطيم او اسلاك في الحائط

﴿ ١٣ ﴾ اطلب من الكهربائي بعد ما يركب الخرطيم والسلك ينور الشقه كلها علشان الصنايعيه تعرف تشتغل ويركب بريزة أو اثنين علشان اي صنايعى هيحتاجها في أي معدة
ملاحظات مهمة
وبكدا تكون جربت

◀️ إرتفاع المفاتيح من ١١٥سم الي ١٢٠سم

◀️ إرتفاع البرايز من ٣٥سم الي ٤٠

◀️ إرتفاع برايز الكومود ٥٥سم الي ٧٠سم

◀️ إرتفاع برايز المطبخ ١٢٠سم

◀️ إرتفاع برايز كل من غسالة

الملابس والبوتاجاز وفلتر المياه ٧٠سم

◀️ إرتفاع الشفاط الهرمى ١٧٠سم

◀️ ملحوظة مهمة جدا كل الارتفاعات دي بعد السيراميك

📞


#
---------------------------------------------------------

29/12/2022

🔲 تحليل سعر المتر المربع لشبابيك الألومنيوم

✅ التكاليف المباشرة = ( خامات + مصنعيات )

✅ التكاليف غير مباشرة = ( مصاريف ادارية + الربح + نسبة الهالك )

✅ بفرض أن

◾سعرطن الألومنيوم = 88000 ج / طن & قطاع الشباك PS رفيع

◾ سعر طقم عجل = 30 ج / م2

◾سعر المتر مسطح زجاج مصنفر سمك 5 مم = 200 ج / م2

◾سعر السكاكة = 15 ج / سكاكة

◾سعر الزاوية ( رينو ) = 6 ج / زاوية

◾سعر الزاوية البلاستيك = 0.50 ج / زاوية

◾سعر ( 1 ) كجم كوتش المستورد = 60 ج / كجم

◾سعر دهان لكل ( 1 ) كجم ألومنيوم مع وضع الحماية بولي فيلم = 13 ج / كجم

◾سعر المترمربع سلك = 40 ج / م2

◾سعر المتر الطولي فرش ( مانع أتربة ) = 1 ج / م.ط

◾سعر مصنعية المتر مسطح = 150 ج / م2

◾المتر المسطح لشباك ألومنيوم يحتاج ٳلي ( المواد + المصنعية )

🔷🔷 ( 1 ) متر مسطح لشباك ألومنيوم تحتاج ٳلي ( 13.50 كجم ألومنيوم + ( 1 ) طقم عجل + ( 2 ) سكاكة + ( 12 ) زاوية رينو + ( 20 ) زاوية بلاستيك + ( 1 ) كجم كاوتش + الدهانات + 0.50 م2 سلك + ( 15 ) م.ط مانع أتربة + 0.70 م2 زجاج + المصنعية )

🔶🔶 تكلفة متر مسطح لشباك ألومنيوم = ( 13.50 / 1000 * 88000+ 30 + ( 2 ) * 15 + ( 12 ) * 6 + ( 20 ) * 0.50 + ( 1 ) * 60 + 13.50 * 13 + 0.50 * 40 + ( 15 ) * 1+ 0.70 * 200 + 150 )

✅ تكلفة متر مسطح لشباك ألومنيوم = ( 1188 + 30 + 30 + 72 + 10 + 60 + 175.50+ 20+ 15+ 140 + 150 )

✅ تكلفة متر مسطح لشباك ألومنيوم = 1890.50 ج / م2

🔷🔷 أضافة هامش ربح، ومصاريف غير مباشرة ، ومصاريف إدارية 30 %

✅✅ تكلفة المتر مسطح شبابيك ألومنيوم = 1890.50 * 1.30 = 2458 جنية / م2

👈 الأسعار متغيرة حسب الزمان والمكان هذه الأسعار لشهر 4 من عام 2022 م

16/11/2022

14/11/2022

اشهر انواع الرخام و الجرانيت:-

14/11/2022

الرخام والجرانيت
- في البدايه عايزين نعرف ايه الفرق بين عائلة الرخام والجرانيت و: ببساطه شديده ان الرخام والجرانيت دول حاجه طبيعية ، علي عكس السيراميك والبورسلين.

- ايه الفرق بين الرخام والجرانيت ؟
-------------------------------------
* #الرخام :
ده حجر رسوبي - بيمتص ومنفذ للماء - العجينه بتاعته اضعف من الجرانيت - الرخام اغلب الوانه فواتح ومش منقط ولكن هتلاقيه فيه عروق او تشابيح (زي السحاب كدا ).
* #الجرانيت :
حجر ناري - اكثر صلاده وغير منفذ وغير مسامي ولا يمتص الالوان - العجينه بتاعته اقوي من الرخام - كل الجرانيت الوانه غوامق وتلاقيه منقط كدا.

- مصدر وصناعة الرخام والجرانيت :
--------------------------------------
مصر من الدول الكبيرة في صناعة الرخام والجرانيت لان سلاسل جبال الاحمر كلها رخام وجرانيت، طيب مين دول تانيه بتعمل رخام وجرانيت :
1- ايطاليا.
2- الصين.
3- الهند.
4- باكستان.
5- ماليزيا.
6- اندونيسيا.
وبالنسبة للمسميات بتاعت الرخام دايما بتكون بناءا علي حاجتين ( لونه - مكانه ) يعني مثلا فيه رخام اسمه ( احمر اسواني - اسود افريقي - جلاله - اخضر هندي - كراراه ايطالي).
والمنطقة المشهوره بالرخام في مصر هي منطقة

- طيب ازاي الرخام بيوصلنا بالشكل اللي بنشوفه ده ؟
طبعا الرخام بيتقطع من جبال علي هيئة بلوكات والبلوكات دي لسه هتتقطع شرايح وتتباع بالمتر ، والبلوك ده بعد كدا يروح مصنع الرخام عشان يتقطع شرايح بمكنه اسمها #واترجيت ، وبعد ما تتقطع شرايح بيكون اسمها #طاولات سمكها 2 او 4 سم ، بعد ما يقطعوه طاولات يلمعوه بمكن ، وبعد الطاولات نقطعه ترابيع ودي اللي بنركبها بقي ، وممكن نقطعه درج للسلم. ومهم جدا لما نيجي نقطع الرخام نشوف هنقطعها ازاي والعروق تطلع معاك مظبوطه.

- تركيب الرخام والجرانيت :
-------------------------------
ايه الافضل الرخام والجرانيت ولا السيراميك والبورسلين .. بص فيه قاعده في التشطيبات بتقول انك كل ما استخدمت خامات طبيعية في المكان كل ما يبقي مريح نفسيا ف اكيد الرخام والجرانيت مفيش افضل منهم ولكن مشكلته ان غالي.

الرخام والجرانيت بيركب بالظبط بنفس طريقة تركيب السيراميك والبورسلين لكن فيه فروق بسيطه اللي هيا ، اننا بنزود المحتوي الاسمنتي شويه في حالة الرخام والجرانيت ، ولما أجي اركب الرخام قبل ما اركبه افرزه الاول وننقي اللي شبه بعضه ونحطه جمب بعض ، حتي الصنايعية بيعملوا ساعات تجميعه للعروق عشان الرسمه تبقي مكمله ، وفيه حاجه اسمها رخام ادخل علي النت وشوف صوره واستمتع 😍

لما اركب الرخاام احرص ان اللحامات بتاعته متبانش ، طيب فيه حاجتين بعملهم عشان افنش الرخام ولحاماته متبانش :
1- بسقي اللحامات بماده اسمها #زملكه دي عباره عن معجون في الاصل عباره عن كُوله وعليها الوان معينه + بودرة الرخام وساعات بيكون معاهم اسمنت ابيض وبنحطها في اماكن الكسر واماكن الخدوش وفي اللحامات.
2- بعد الزملكه بجيب #الجلايه ودي عباره عن مكنه بيركب عليها من تحت حجر جلخ وده حجر بيصنفر ، فبنرش المايه علي الارض وبعدين بحجر الجلخ يصنفرها ، وبنجلي الرخام من 3 - 5 وشوش لحد ما الرخام يكون بيلمع تاما

بالنسبة للجرانيت مبيكونش لمعته سوبر زي الرخام لان الجرانيت حجر قاسي مهما لمعت فيه ميتلمعش ، فعشان تعمل جرانيت لمعه سوبر لازم يكون جايلك مجلي من المصنع. لو عندي رخام سلم او رخام حائط او عمود لازم يكون جااي متلمع من المصنع ، لان الجلايه مش هتعرف تمشي عليه .

طيب احنا امته بنركب الرخام علي الحيطه ؟
1- مدخل عماره.
2- واجهة محل.
3- مسجد.
4- حوالين المبني من بره ودا بنسميه رخام السفل او السليكو وارتفاعها بيكون من 30 سم - 1 متر ، وفايدته غير انه منظر جمالي الا انه بيحمي جدران المبني من اسفل من الرطوبة.... ازاي بنركبه حول المبني ؟
بيركب الرخام بحيث انه يبقي رأسي تماما وبيثبتوه بشكل مؤقت ببؤج جبس وبيكون ورا الرخام مسافه من 2-3 سم ، ومن تحتها بردم برمله بحيث اقفل من تحت ، ويروح يجيب #بستله ويحط فيها مايه واسمنت صافي ويكون محتوي الاسمنت عالي ويقلب ويعمل لباني اسمنت وبالبستله يدلق في الفراغ ويسيبه كدا يوم وبعدين يفك البؤج ف هتلاقي الركام ده اصبح جزء من الحيطه.

بس فيه عندي مشكله ... ان الرخام لما بيجي بيكون ظهره شبه ناعم ، فتماسكه مع المونه كويس عشان حجر طبيعي لكن وحش عشان ظهره ناعم ...فبنخشن الرخام من ظهره بفضل حديد التسليح او كسر الرخام او السيراميك ويلزقها بالكوله في ظهر البلاطه وبعدين نلزق الرخامه.
#ملحوظه : السقيه بالمونه الاسمنتيه مينفعش كلها تتعمل في يوم واحد لان ضغط المونه ممكن ينطر البلاطه من مكانها.
------------------------------------------------------------
تركيب الرخام في وجهات المباني :
----------------------------------------
لو عندي مبني وعايز اعمل كل واجهته رخام ، ف الطريقه البلدي دي مش هتنفع في الارتفاعات الكبيره ، الطريقه اللي تنفع في الحاله دي هيا الطريقة #الميكانيكة ، ودي عباره انه بيفتح فتحه في الرخام اسمها #تخويش يعني يقطع في السمك بتاعها وبعد كدا تتركب بمسامير

بس فيه عندي ملحوظتين :
1- لازم لو بتعمل رخام لواجهة كبيره تعزل وراها عزل رطوبه ، لان الرخام بيكون وراه فاضي ولو دخل شويه مايه في الفراغ ده هيبوظ الدنيا عند الناس والحيطه هتلاقيها بتنشع عندهم ، وطول الوقت فيه مسافه فاضيه بين الرخامه وبين الحيطه ف المسافه الفاضيه دي بيدخل فيها حشرات وفئران ، ف البيتومين ده ماده سامه ولما بيتدهن مستحيل الحشرات تمشي عليه.
2- يفضل املي في الجزء السفلي من المبني مونه ، لان الجزء السفلي ده معرض للكسر لو كان وراه فاضي.

رخام السلم
--------------
طبعا كلنا عارفين ان السلم مكون من نايمه وقايمه وكل مجموعة درج اسمها قلبه واللي بين القلبتين اسمه فانوس السلم والجنب بتاع السلم اسمه فخدة السلم.

الجزء البارز من النايمه بيسموه وتخانة الانف اسمه وعادة الباستون ده لازم يجي بدوران عشان يديني شكل جمالي والدوران ده بيسموه #حليه ، وبيعملوا كدا حاجه في النايمه عباره عن 3 خطوط غائره في الرخام اسمهم #فرمله ، وبتتعمل عشان وانت طالع متتزحلقش ، وعادة بتتعمل في المباني اللي عليها حركه كتيره (مستشفي - جامعه ).

دلوقتي الدرج ده عشان اركبه لازم اظبط المنسوب بتاعه ، طيب ازاي انا هظبط الدرج بتاعي في الرخام ، لازم تكون معايا شوية داتا عشان اعرف اشتغل رخام السلم:
1- تكون عارف منسوب تشطيب الدور اللي تحت ومنسوب تشطيب الدور اللي فوق لان ممكن الادوار متكونش لسه متشطبه ومنسوب التشطيب ده انا بعرفه من الشرب ، لو مثلا المسافه بين الشربين 3 متر يبقي المسافه بيت التشطيبين 3 متر برضو ، فهنعمل حاجه اسمها يعني دلوقتي انا عارف ان الارتفاع الراسي بين المنسوبين 3 متر فبروح افتح اللوحه المعمارية واطلع منها عدد الدرج ف طلع مثلا 20 درجه فهقول 3 متر / 20 درجه هيطلع 15 سم ، يبقي ال 15 سم دول هما ارتفاع النايمه الواحده
2- لو ميل السلم في الخرسانه مش مظبوط ببني طوب علي الدرج عشان استعدل ميل السلم .
3- ارتفاع رخامة النايمه بتكون 11 سم (15 - 4 سم ) لان سمك النايمه 4 سم ، وسمك القايمه بتكون 2 سم، والدرج بيتباع وبيتركب بالمتر الطولي .
4- وزرة الرخام اللي راكبه علي حيطة السلم اسمها #تلابيس

استلام الرخام والجرانيت
---------------------------------
1- لو ارضيات او حوائط نفس طريقة استلام السيراميك ولكن في الرخام لازم نتأكد من سلامة الرخامه ولو فيه عيب في الرخام يستبعد ، اما لو كان العيب بسيط فيتزملك.
2- بالنسبه للسلم اتأكد من عدد الدرج وارتفاع القوايم وعرض النوايم والدرج كله لو شديت عليه خيط يكون كله واحد ، والخيط بشده علي انوف الدرج.
3- لو درجة البادي ودرجة الناهي القايمه والنايمه بتاعتهم مظبوطين وشديت خيط علي الانوف وطلعت مظبوطه فانا مش محتاج اقيس عرض كل نايمه وارتفاع كل قايمه .
4- زاوية التقاء القايمه مع النايمه لازم تكون زاويه قائمة وأتأكد من افقية النايمه .
5- الدرجه لو كانت فيها سنه ميل لبره استلمها ، بس لو مايله لجوه 1مم ارفضها ،عشان ماية المسح بتاعت السلم.
6- لازم استلم التلابيس واحط عليها اده والمفروض الاده دي تسلمني كل التلابيس مظبوطه واتاكد من راسيتها.
7- لازم التلبيسه تكون بنفس ارتفاع الدرجة.



------------------------------------------------------------

14/11/2022

( تركيب رخام الواجهات ميكانيكيآ :-

وتستخدم في تثبيت المقاسات الكبيرة للرخام 30× 60 سم أو 40 × 80 سم أو 50 × 100 سم , .... وتسمى بالطريقة الميكانيكية لتركيب الرخام ويتم فيها تركيب الرخام بدون خلطه ولكن يتم تركيبه باستخدام كانات ومسامير وصواميل مع ترك مسافة في حدود 3سم تقريبا خلف الرخام وذلك للهروب من عدم استواء الجدران الخلفية سواء كانت حوائط خرسانية أو مباني من البلوك الأسمنتي الثقيل أو من مباني بلوك احمر مفرغ ويساعد هذا الفراغ أيضا على عزل نسبى للصوت والحرارة كما هو واضح من الصور الفوتوغرافية (14,13,12,11,10,9) ويتم التركيب طبقا للخطوات التالية :-

أ- مرحلة إعداد وتجهيز البلاطات الرخامية للتركيب :-
1- القيام بعمل قطعي في منتصف الجوانب الأربعة لكل بلاطه وبعمق تقريبي 2.5 سم كما يتضح من شكل رقم 4 .
ب)- مرحلة التركيب :-
1- يتم تجهيز الحائط أو الواجهة بنفس خطوات تركيب الرخام على الجدران فقره (ب) وبنفس الخطوات 2,1 .
2- يراعى عند تركيب الصف الأول من بلاطات الرخام أن يتم تثبيته على قده ألمونيوم قد سبق وزن أفقيتها وتثبيتها على المنسوب المطلوب وعادة ما يكون منسوب ظهر القده الألمونيوم منخفض بمقدار حوالي 10 سم اسفل منسوب بلاط الرصيف الملاصق للواجهات الرخام ويراعى تطبيق هذه الخطوة أيضا أثناء تركيب الرخام بالطريقة السابق شرحها (بالخلطة والسلك) ويتضح ذلك من شكل القده الألمونيوم بالصورة الفوتوغرافية رقم 9 .
3- يتم اخذ أبعاد وأماكن التجويفات السابق تنفيذها في كل بلاطه وكما هو موضح في شكل 4 وعادة ما يكون موقع كل تجويف في منتصف طول وعرض البلاطات حتى يكون من السهل بعد ذلك تحديد أماكن تثبيت الكانات الحديد الغير قابله للصدأ ويتم تثبيت كل كانة بواسطة فيشر حديد 10 مم بطول 6 سم تقريبا وصامولة زنق لزوم تثبيت رأس المسمار بجانب الكانة الحديد من الخلف وكما هو موضح بشكل رقم 5 .بالقطاع الراسي (ج)
4- استخدامات الكانات الموضحة بشكل رقم (5) : ـ
أ- كانات لزوم تثبيت الرخام على الحوائط خرسانية (شكل 5 تفصيله أ ) وهى
الكانات أرقام 7,6,5,4,3,2,1 .
- الكانات أرقام 3 ,6
تستخدم لحمل أول صف من بلاطات الرخام من اسفل فقط .
-الكانات أرقام 7,2 .
تستخدم لتثبيت آخر صف من بلاطات الرخام من أعلى فقط .
ويلاحظ انه بعد التثبيت سوف يتبقى جزء من الكانة ظاهرا إلا أن ذلك الجزء يتم إخفاؤه عادة باستخدام كرانيش (جي . أر . سي) آو بأي مادة أخرى .
-الكانات أرقام 5 ,4 ,1
تستخدم لربط باقي البلاطات الرخام في بعضها البعض وبالحائط الخلفي .

ب- كانات لزوم تثبيت الرخام على الحوائط من البلوك المفرغ شكل( 5) تفصيله( ب) وهى الكانات أرقام 10,9,8 .
- الكانة رقم 9
تستخدم لحمل أول صف من بلاطات الرخام من اسفل فقط بعد تثبيتها بالحائط الخلفي للبلاطه عن طريق تكسير فتحة (شنيشه) بالمباني لتثبيت الكانه فيها بالخلطة الاسمنتيه وأيضا لتثبيت آخر صف من بلاطات الرخام من أعلى
- الكانة رقم 8
تستخدم لربط البلاطات الرخام المتجاورة من الجهات الجانبية فقط للرخام ثم تثبيتها بعد ذلك بالحائط عن طريق فتح شنيشه وبمثل ما سبق شرحه
- الكانة رقم 10
تستخدم لربط البلاطة الرخام مع البلاط المجاور لها من أعلى ومن اسفل ثم بالحائط .
5- الجدول المرفق في شكل( 5) يوضح المقاسات المختلفة لعدة أنواع من الكانات الشائعة الاستعمال لزوم تثبيت بلاطات الرخام .
6- الفواصل الرخام ( اللحامات الافقيه والراسية ) .
- قبل تعبئة الفواصل يتم لصق شطرطوش بلاستيك عرض 1 بوصه على جميع اللحامات
- يتم إعادة فتح اللحامات السابق تغطيتها باستخدام سكينه معجون والمقصود بذلك هو قطع الشطرطوش مكان الفواصل وفصله إلى جزأين .
- يتم ملئ الفواصل بالسيليكون حسب اللون المطلوب باستخدام مسدس خاص بذلك .
- يتم أجراء عملية كى أي ضغط على السيليكون سواء كان بسكينة معجون أو بالقفاز (جوانتى) جلد خاص .
- يتم بعد ذلك إزالة الشطرطون البلاستيك من الجانبين لكل الفواصل وبذلك نكون قد ملأنا فواصل الرخام دون تشويه لسطح الرخام المجاور للفواصل .

ملحوظة هامة : ـ
1-يراعى في تركيب الرخام الميكانيكي أن يتم تعبئة الصفوف الأولى من الرخام بالخلطة الاسمنتيه ( لباني مكون من أسمنت ورمل) بارتفاع 2 م تقريبا لحمايته من الكسر نتيجة الصدمات .

13/11/2022

حل مشكله شطره بانيو الحمام:-

09/11/2022

معدلات الإنتاج و ما يجب مراعاته لتنفيذ اعمال الأرضيات و السيراميك الحوائط :-

09/11/2022

تنفيذ و الفرق بين اعمال الأرضيات :-

09/11/2022

بند اعمال الأرضيات :-
١.سيراميك
٢.بورسلين
٣.مزايكو
٤.ارضيات خشبيه (hdf و باركيه )
٥. ارضيات رخام
٥.ارضيات مرتفعه ( raised floor)
٦.ارضيات فنيل

09/11/2022

كتير بيسأل ايه الغرق بين الجبسوم بورد والجبس العادي وامتي استخدم ده وامتي استخدم ده
ده شرح بسيط للفرق بينه:

الجبسوم بورد : عبارة عن ألواح جاهزة ومصنعة يتم تركيبها وتثبيتها بإستخدام شبكة معدنية في الأسقف أو الحوائط.

الجبس البلدي : عبارة عن فرم من الجبس يتم صبها وتركيبها في نفس المكان وأهم ما يُميزها إستخدام الكرانيش وغيرها والتي لا يمكن الحصول عليها بالجبسوم بورد.

مميزات وعيوب كلاهما

مميزات الجبس البلدي

يمكن الحصول منه علي أشكال مختلفة للكرانيش.

الجبس البلدي أقوي من الجبسوم بورد.

تستطيع أن تحصل منه علي أشكال جميلة ولكنها محدودة.

عيوب الجبس البلدي

سعرة مرتفع عن الجبسوم بورد.

أشكالة محدودة بالنسبة للجبسون بورد.

لا يُحافظ علي نظافة المكان، لذلك يصعب عملة في الشقق التي بها أثاث.

مميزات الجبسوم بورد

له أشكال لا حصر لها ويمكن ابتكار العديد من الأشكال في الجبس بورد.

خفيف الوزن.

له أنواع لعزل الرطوبة والحرارة.

سعرة منخفض بالنسبة للجبس البلدي.

سريع التركيب بالنسبة للجبس البلدي.

يعطي منظر وشكل أفضل في التشطيب.

يسهل عمل التوصيلات الكهربائية من خلاله.

عيوب الجبسوم بورد

يحتاج إلي عمالة ماهرة للتأكد من تثبيتة.

ألواح الجبسوم بورد أضعف من الجبس البلدي.

شرح الجبسوم بورد

الجبسون بورد هي ألواح مصنوعة من الجبس والفايبر جلاس والسليكون، يتم صناعتها في شركات ألمانية وإيطالية ويتم بيعها علي شكل الواح لها أبعاد مُختلفة وأشهرها التي لها أبعاد 122 سم * 244 سم.
ويتم إستخدام الجبسوم بورد بشكل كبير في الأسقف للحصول علي ديكورات وأشكال مميزة.

أنواع الجبسوم بورد

1 – الجبسوم بورد العادي

وهو أكثر أنواع الجبس بورد في الإستخدام وتلك الألواح لها وجهان وجه بلون رمادي ووجه بلون ابيض يكون جاهز للتشطيب، وهذا النوع هو ارخص أنواع ألواح الجبس وأكثرها إستخداماً.

2 – الجبسوم بورد المقاوم للرطوبة

هذا النوع من الجبسوم بورد يُعتبر من أغلي الأنواع ويتميز باللون الأخضر، ومن أهم مميزاتة أنه عازل للرطوبة فيتم إستخدامة في البلاد والمناطق التي بها رطوبة عالية.

3 – الجبسوم بورد المقاوم للحريق

هذا النوع من ألواح الجبس هي الأقل في الإستعمال ونادراً ما يتم إستخدمها لأن ألواح الجبس الخضراء بديلة لها، ويتم إستخدامها في الأماكن المُعرضة للحرائق مثل المطابخ وغيرها.

مكونات شبكة الحديد في الجبسوم بورد

1 – فليشر نحاسي ( أكمون ).
2 – التيش (الراد)
3 – السي تشانل.
4 – الأوميجا.
5 – الزاوية.

شرح طريقة تركيب الجبسوم بورد

يتم تثبيت الأكمون في السقف علي مسافات متساوية والأكمون هو عبارة عن فليشر ولكنه أقوي وأكثر متانه.

يتم تثبيت التيش في الأكمون والتيش هو عبارة عن واير نحاسي تحدد به إرتفاع وسقوط الجبسوم بورد

يتم تثبيت السي تشانل في نهاية التيش وربطة عن طريق المسار القلاووظ، والسي تشانل هل لوح من المعدن علي شكل حرف السي.

يتم تثبيت الأوميجا في السي تشانل بشل عمودي عليه بحيث يكون هناك ألواح معدنية رأسية وأفقية، والأوميجا هي لوح معدني له شكل حرف اليو مع بروز من الناحيتين.

في النهاية يتم تثبيت ألواح الجبسوم بورد بالأشكال التي تُريدها في تلك الشبكة الحديدة.

يجب التأكد من أن افقية الأسقف بإستخدام الميزان.

08/11/2022

تنسيق الوان الدهانات :-