09/03/2026
د کانکریټو لړزونه څه شی ده؟What is Concrete Vibration
د کانکریټو لړزونه یو پروسه ده چې ددې په جریان کې د کانکريټو مقاومت او دوام ډېریږي. کله چې کانکریت جوړ شي او پخپل ځای کې واچوول شي نو کانکریټ نیمه مایع حالت کې وي چې په کانکريټو کې د هوا پوکاڼۍ موجودې وي ددی لپار چې د هوا دا پوکاڼۍ د کانکریټو څخه وباسو او کانکریټ تخته شي نو مونږ کانکريټو ته لړزه ورکوو.
که چیرته مونږ د کانکريټو څخه د هوا پوکاڼۍ و نه باسو نو د کانکریټو په مقاومت او دوام باندې منفي تاثیر غورځوي او کله نا کله د د کانکريټو ناکامۍ لامل هم ګرځي.
کانکریټو ته لړزه ورکونکي ډولونهTypes of Vi*****rs
１. ډوبېدونکي لړزه ورکونکیImmersion Vi****or
ډوبېدونکي لړزه ورکونکي د داخلي لړزه ورکونکي په نوم هم یادیږي چې دا ډول لړزه ورکونکي د برق په اساس کار کوي او کانکريټو کې ډوبيږي چې کانکريټو ته له داخل نه لړزه ورکوي.
دا ډول لړزه ورکوونکي معولا د ژورو عناصرو لړزې لپاره کاورل کيږي لکه بیم، پایه او نور
２. سطحې لړزه ورکونکيSurface Vi****or
سطحې لړزه ورکونکي چې د خارجي لړزه ورکونکي په نوم هم یادیږي معمولا د کانکریټو په سطحه باندې ایښودل کیږي او کانکريټو ته پورته خوا نه لړزه ورکوي.
سطحې لړزه ورکوونکي معولا د سطحې عناصرو لړزې لپاره کارول کیږي کله سلب، سرک، پیاده رو او داسې نور
３. فورم لړزه ورکوونکيForm or Table Vi****or
فورم لړزه ورکوونکي د میز لړزه ورکوونکي په نوم هم یادیږي چې معولا د لویو ساختماني عناصر لپاره کارول کیږي.
میز لړزه ورکوونکي د کانکریټي عنصر لاندې ایښودل کیږي او کله چې کانکریټي عنصر د کانکریټو څخه ډک شو بیا لړزه ورکول کیږي ترڅو کانکريت څخه هوا ووځې او کانکريټ ښه تخته شي.
میز لړزه ورکوونکي معولا د مخکې نه جوړ شوي کانکريټي عناصر لپاره کارول کیږي.
هغه ستونزې چې کانکريټو ته لړزه ورکول په وخت کې رامنځته کیږي
１. نیمګړی تخته کاريIncomplete Compaction
که چیرته کانکریټ په کامل ډول سره تخته نشي نو په کانکريټو کې د هوا پو کاڼۍ او خالیګاوې رامنځته کیږي چې د وخت په تېرېدو سره کانکريټ کمزوری کیږي. ددی مشکل د حل لپاره لړزه ورکوونکی باید په کانکریټو کې ژور ښکته شي او په قرار ډول سره حرکت ورکړل شي.
２. زیاته تخته کاريOver compaction
کله چې لړزه ورکونکی په یو ساحه کې د ډېر وخت لپاره پرېښودل شي نو ددی له امله کانکريټ ډير کلک شي بیا پکې درزونه رامنځته کیږي او یا هم نور مشکلات.
３. جلا والیSegregation
４. کله چې د کانکریټو درنې برخې لکه شګه او کرش د عنصر په لاندېنۍ برخه کې کیني او اوبه او شیره پورته وخیژي نو کانکریټ په غیر منظم ډول سره ګډوډیږي چې په نتیجه کې ټول عنصر کمزوری کیږي. ددی لپاره چې په کانکریټو کې د جلاوالي مخنیوی وکړل لړزه ورکونکی باید په منظم ډول سره کانکري کې خښ کړل شوي او مناسب وخت لپاره یوه ساحه کې پرېښودل شي.
５. سطحې شلیدلSurface Blemishes
کله چې لړزه ورکونکی په منظم ډول سره په ټوله سطحه باندې و نه کارول شي او یا هم په یوه ساحه کې ډير وکارول شي نو بیا د کانکريټو د سطحې شلیدنه رامنځته کیږي.
６. میخانیکي تخریبMechanical Damage
کله چې لړزه ورکونکی قالب ته نږې او یا هم په قوت سره وکارول شي نو پدې صورت کې د قالب تخریت باعث ګرځې. لړزه ورکونکی باید په پوره احتیاط سره وکارول شي ترڅو د قالب د تخریب باعث ونه ګرځي.
لړزه ورکونکی باید په کوم وخت کې وکارول شی؟
کله چې کانکريټ په خپل ټاکل شوي ځای واچول شي او نیمه مایع یا پلاستي حالت کې وی باید لړزه ورکونکي په همدې وخت کې په منظم ډول سره و کارول شي.
څومره وخت لپاره باېد لړزه ورکونکی وکارول شي؟
لړزه ورکونکی باید په هر ساحه کې د ۵ نه تر ۱۵ ثاینو پورې وکارو شي.
نظر کانکريټ حالت ته په کتو د لړزه ورکونکي وخت هم فرق کوي.
www.tiktok.com/.engineering.se
#مختار احمدي د انجنیر او ساختماني چارو یو باوري ټیم
د اړیکې شمېره:
0782899662
ادرس:
جلال آباد ښار هندوانو درمسال شمال لورې ته فایز حیدري پلازه دریم منزل
