17/06/2026
ودان سټيل؛ د اوسپنې صنعت او معیار الګو
د صنعت او کانونو خونو مسوولین افغانستان کې د ودان سټیل فعالیت د اوسپنې په سکتور کې داسې الګو ګڼي چې د معیار، ځان بسیاینې، اقتصادي ودې او کارموندنې الهام ترې اخیستل کیدای شي.
د دوی په باور د ودان سټيل له برکته د افغانستان ځېنې اوسپنیز تولیدات په نړیواله کچه د سیالۍ جوګه او حساب وړ دي.
د هرات ولایت د صنایعو او کانونو خونې رئیس حاجي عبدالناصر امین او د افغانستان د صنایع او کانونو خونې هیئت مدیر او د هرات پلاست فابریکې رئیس حاجی زمری غوثي له ودان سټیل څخه د لیدنې پر مهال همداراز وویل، چې د هیواد په کچه د ودان سټيل فابریکې وړتیا بې سارې ده او پر کورنیو تولیداتو د ولسي باور د لا پخېدو په برخه کې هم د پام وړ رول لوبوي.
نوموړي د ودان سټیل د تولیدي وړتیا، تخنیکي اسانتیاوو او د کیفیت د کنټرول له بهیرونو تر لیدنې وروسته وویل، پر ودان سټیل پانګونه د هیواد د ځان بسیاينې پر لور ستر ګام دی او په فعالیت سره یې د وارداتو کچه په کم ساري ډول ښکته او کورنۍ اړتیا له خپلو فابریکو تامینیږي.
د افغانستان د صنایعو او کانونو خونې د صنعت مرستیال او د ودان سټيل بنسټګر الحاج خان محمد خان وردګ د لیدنې پر مهال د فابریکې د فعالیت او تخنیکي وړتیاوو په اړه معلومات وړاندې کړل.
هغه د راتلونکو پراختیایي پروګرامونو او د صنعتي همکاریو د پیاوړتیا په اړه هم خپل نظریات د هرات د صنعت او کانونو خونو له مسوولینو سره شریک کړل.
د یادونې ده، چې په دې لیدنه کې د ودان سټیل د وسپنې ویلې کولو فابریکې د پرانیست غونډې په اړه هم مشورتي ناسته ترسره شوه.
