Estimation and Cost Control - E.C.C

  • Home
  • Estimation and Cost Control - E.C.C
Contact the business

Estimation and Cost Control - E.C.C Everything related to cost control, cost estimation, budgeting and project cost management

24/02/2024

السلام عليكم. ومتاسف على الفترة الطويلة الي مكتبتش فيها حاجة 🙏🙏
طيب نيجي بقا لحاجة مهمة اوي المهم انك كمهندس تكاليف المهم انك تعرفها .
هو ايه الفرق بين ال crashing و Fast tracking ؟؟
طيب ببساطة هما الاثنين بيقلله من فترة المشروع او لو مثلا المشروع متاخر وانا عاوز ارجع تاني للوقت الي مفروض يخلص فيه النشاط او المشروع بس ايه الفرق بينهم
اولا ال crashing : هو اني امشي بنفس تسلسل الجدول الزمني في ترتيب الانشطة بس بحاول بدل ما النشاط مثلا الحفر يقعد 7 ايام بحفارين لا انا اخلصة في 3 ايام ب 4 حفارات بمعني اني لو بعمل ال crashing بزود التكلفة بس المخاطر بتكون قليلة لاني بمشي بنفس تسلسل الانشطة .

ثانيا ال Fast tracking : هو ببساطة بعمل تتداخل للانشطة ( overlap) يعني مثلا مش انا هشتغل البند قبل ما التصميم الكامل يخلص او قبل الاعتماد بس انا هشتغل بنفس الموارد يعني مش هزود معدادت بس بيكون فيه مخاطر في النواع ده لان مثلا ممكن اعيد جزء من الشغل تاني فبالتالي التكلفة هتزيد .
For more information about the cost management, please like and follow



24/08/2023

سؤال مهم جدا في ال Interviews.
ايه هو ال cash flow وليه بعمل cash flow للمشروع؟
طيب في البداية ال cash flow هي تتبع ومعرفة وتخطيط لحركة الاموال للشركة وده بينقسم لجزئين اموال داخلة للشركة ( Cash in) او مصروفات (Cash out ) .
طيب ليه بنعمل cash flow وده علشان نعرف مدى قدرة الشركة على تمويل المشروع ومعرفة اكبر قيمة للعجز الذي ربما يحدث في التمويل وهو ان يكون ال cash out اكبر من Cash in وهذا يسمى (maximum negative cash flow ).
طيب نعمل اية في هذه الحالة : من ضمن الحلول .

1- ان يتم اخذ دفعة مقدمة.
2- ان يتم اخذ قرض من البنك مع الوضع في الاعتبار ان يتم اضافة الفوائد البنكية كتكلفة.
3- ان يتم دفع مستخلصات المقاولين او الموردين بالاجل فانا بقلل من سرعة تدفق الاموال خارج الشركة.
4- مثلا يتم استخدام معدات الشركة واقلل من المعدات المؤجرة في هذه الحالة بيتم تحميل المشروع ك Actual cost الي هو هيكون الاهلاك بتاع المعدة ولكن لا يوجد Cash out بدفعه.

دى بعض الاساليب الي ممكن نستعين فيها في حل مشكلة ال negative cash flow.
For more information about the cost management, please like and follow



10/08/2023

The different between profit margin and Markup
interviews سؤال بيتسال كتير في ال

For more information about the cost management, please like and follow this page.




27/07/2023

من اكتر الاسالة الي بتتسالي هو ايه الفرق بين المحاسب ومهندس cost control.
طيب ببساطة المحاسب بيشتغل بcost center معينة يعني ايه يعني المحاسب يقولك هو صرف علي بند الحديد كام او علي بند الخرسانة كام او يقولك هو صرف كام علي المرتبات بغض النظر اذا كانت عماله مباشرة او غير مباشره وهكذا.
لكن ال cost control بيشتغل علي بنود المقايسة يعني يقولك البند ده تكلفته كام عمالة ومواد ومقاولين وهكذا ... والمتوقع هيخلص علي كام مثلا المحاسب مش شايف ان فيه علاوة مطلوبه لمقاول لكن ال cost control لازم يحط ده في اعتبارة وهو بيحسب EAC.
وطبعا شكل التقارير والمعلومات بتاعت التقارير مختلفة.
لان ممكن عند المحاسب يكون صرف حديد بمبلغ معين ومش ظاهر المبلغ ده في تقرير التكاليف لانه لسه ماتصرف علي بند بعينه.
For more information about the cost management, please like and follow this page.

24/07/2023

طيب انا كشركة ليه باخد مشروع هل الموضوع فوائد مادية ( اموال) فقط ؟؟
في الحقيقة لا .
الشركات لما بتفكر انها تاخد مشروع مش بتبص على الفوائد المادية فقط لكن في فوائد تانية ممكن بعض المشاريع الشركة تخدها بغض النظر عن الفوائد المادية .
طيب في البداية الهدف من المشروع هو نقل الشركة من وضع الى اخر عن طريق تحقيق هدف معين الهدف ده بيحدده صناع القرار بالشركة وعلى راسهم طبعا صاحب الشركة (اهداف استراتيجية) والاكتمال الناجح للمشروع هو تحقيق هذا الهدف. طيب ايه هي الاهداف الي ممكن تحققها الشركة عن اخذ مشروع ؟؟
1- مكاسب مادية مثلا ( اصول الشركة مثلا (معدات-مقر للشركة-...)- ادوات-مرافق- وطبعا المكسب المادي (الاموال) )
2- مكاسب معناوية
مثلا في بعض المشاريع ممكن اخدها مجرد فقط وجود اسمي في السوق من غير مايكون فيها مكسب مادي , او ممكن اخد مشروع علشان يبقا عندي ال know how وبالتالي موظفين الشركة يتدربه على المشاريع دي,او ممكن اخد مشروع للمنفعة العامة فقط ليس للربح المادي,او عمل او تحسين سمعة الشركة في هذا النوع من المشاريع , …..) وهكذا.

يعني احيانا بيتم اخذ مشاريع فقط لكي تتحقق اهداف معنوية للشركة .
For more information on cost management, please like and follow this page.




20/07/2023

ايه الفرق بين ال budget وال estimation ؟

طيب ببساطة ال estimation بيكون في مرحلة ال tender يعني انا بدرس بنود المشروع واسعارها طيب في المرحلة دي بحط شوية اعتبارات وانا بسعر مثلا احط في الاعتبار الشركات المنافسة الي داخلة معايا يعني وارد اني ممكن ازود سعري في بنود واقلل سعري في بنود تانية ممكن مثلا اقلل سعري في البنود كلها علشان بس اخد المشروع ويكون اسمي في السوق او ممكن يكون انا كشركة مثلا الوحيدة الي بتعمل الشغل ده فازود سعري يعني اعتبارات مختلفة بحطها في الاعتبار وانا بسعر.
طيب انا اخدت المشروع ببدا بقا احط له budget يعني ايه؟ ببدا اسعر البنود على الاسعار الي هقدر انفذ عليها المشروع وده هيبقا الزام على مدير المشروع انه يحققه علشان كده احيانا كثيرة بيكون وانا بعمل ال budget بلاقي بنود هكون مش كسبان فيها وبنود ثانية بكون كسبان كتير فيها وانا بقارن مع ال estimation وايضا مع الوضع في الاعتبار تغير الاسعار على مدار المشروع ممكن ينتج عنه عمل اكثر من تحديث لل budget. مع الوضع في الاعتبار وانا بعمل ال budget اكون واخد بالي انا ازاي هعمل control للمشروع ودي مهمة.
وبرده عامل الوقت بيدخل معايا في الموضوع وانا بعمل ال budget يعني مثلا انا هحتاج المعدات امتى والعمالة حسب البلان بتاع المشروع.
احيانا في بعض المشاريع الصغيرة بيكون ال budget وال estimation قريبين قوي من بعض.
For more information about the cost management, please like and follow this page.




19/07/2023

🎉 Welcome to Cost Estimation and Cost Control (E.C.C) Page! 📊

Join us to explore the art of cost management, learn effective strategies, and optimize your financial resources. Let's master the art of cost control together!

Address


11831

Website

Alerts

Be the first to know and let us send you an email when Estimation and Cost Control - E.C.C posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Estimation and Cost Control - E.C.C:

Shortcuts

  • Want your business to be the top-listed equipment service?

Share