Baghdadi électricité

12/12/2025

12/12/2025

12/12/2025

04/12/2025

كيفاش الحريف يشوف العطب… وكيف الصنايعي يشوف الطريق

تبدا ساعة، وساعتين… والحريف واقف وراك كيف الظلّ.
تشوف، تفكّ، تركّب… عرقك يسيل، وتركيزك يسبقك.
وفي اللحظة اللي تكتشف فيها العطب، تلقاه سلك صغير، حاجة تافهة… السهل الممتنع.
وهوني… يبدأ العرض.
يلتفتلك الحريف ويقول:
“ياخي آش عملت انت؟ تي ما هو خيط مقطوع… كان جيت صنايعي راك تفطّنت بيه من اللول!”
وهوني نبتسم… ابتسامة الصنعة:
لأنّ الحريف يشوف العطب…
أمّا الصنايعي يشوف الطريق كامل اللي وصّل للعطب.
يشوف التجربة، والقياسات، والتحاليل، والشكوك اللي لازم تتقصّى…
يشوف السنين اللي جمعت خبرة على خبرة باش عينك تولّي تشوف الغايب.
العطب ساهل…
أمّا اكتشافه هو اللي صعيب.
وهذيك هي الصنعة:
ماهيش “وين الخيط”،
الصنعة “كيفاش وصلت للخيط”.
وفي الأخير نقولها دايمًا:
اللي يشوف العطب تافه… ما عاش لحظة الصنعة

27/11/2025

08/11/2025

14/09/2025