11/09/2026
Sente humilde tebes bainhira ita reflete kona-ba oinsá ita-nia inan-aman veteranu sira terus no sakrifika an, atu nune’e ohin loron ita bele moris iha liberdade.
Sira gasta tempu barak iha ai-laran, hasoru kondisaun ne’ebé difísil tebes — udan, anin, hamlaha no terus. Maibé, maski hasoru difikuldade hotu, sira kontinua forte no hamriik metin ho objetivu ida de’it: atu haree Timor-Leste sai nasaun ida ne’ebé livre.
Sira-nia sakrifísiu lori buat barak mai ita. Fo mai ita liberdade atu ko’alia, atu kaer rasik ita-nia destinu, no fo oportunidade ba jerasaun foun Timor-Oan sira atu lao hale’u mundu, buka koñesimentu,estuda, hetan esperiénsia no servisu, no aproveita oportunidade oioin iha mundu internasionál — oportunidade sira ne’ebé uluk difísil tebes atu hetan.
Ohin loron, ami sente onra no orgullu tebes atu simu Colonel Domingos da Camara “AMICO” iha ami-nia ofisina. Ninia prezensa fó hanoin fali mai ami katak harii nasaun la’ós de’it kona-ba etapa ne’ebé ita-nia veteranu sira luta iha pasadu to’o ita hetan Independénsia. Dezafiu atu harii nasaun ohin loron nian sei kontinua, maibé iha forma ne’ebé diferente.
Ita-nia responsabilidade ohin loron mak oinsá atu uza liberdade no koñesimentu ne’ebé sira husik hela mai ita, hodi haforsa liután ita-nia kapasidade no kontribui ba Timor-Leste ida ne’ebé di’ak liután.
Iha UGG, ami orgullu atu kontribui tuir ami-nia parte — kria oportunidade, harii no haforsa kapasidade Timor-Oan sira, hametin indústria lokal, no hatudu katak Timor-Oan rasik iha kapasidade atu harii no dezenvolve ita-nia rain.
Ami mós orgullu atu kontribui ba restaurasaun “Kaixa Inglaterra” iha Kailara, Baucau. Fatin ida-ne’e uluk sai hanesan fatin importante ida ba lojístika no apoiu ba FALINTIL Regiaun II Baucau, ne’ebé lidera husi Saudozu Vice Chefe Estadu-Maior, Komandante David Alex 'Daitula'.
Istória no sakrifísiu sira-ne’e hotu fó responsabilidade ba ita hotu. Liberdade ne’ebé ita hetan hosi sira-nia luta tenke sai inspirasaun atu ita kontinua servisu, harii no fó futuru ida ne’ebé di’ak liután ba jerasaun sira mai.
It is truly humbling to reflect on how our parents’ generation of veterans endured hardship and sacrificed so much so that today we can live in freedom.
They spent long periods in the mountains, facing extremely difficult conditions — rain, wind, hunger and suffering. Yet, despite all the difficulties they faced, they remained strong and stood firm with one single objective: to see Timor-Leste become a free nation.
Their sacrifice brought so much to us. They gave us the freedom to speak, to take control of our own destiny, and gave a new generation of Timorese the opportunity to travel around the world, seek knowledge, gain experience and pursue work, as well as access various opportunities in the international community — opportunities that were once extremely difficult to obtain.
Today, we are truly honoured and proud to welcome Colonel Domingos da Camara “AMICO” to our office. His presence reminds us that nation-building is not only about recognising the journey our veterans undertook in the past to achieve Independence. The challenge of building our nation today continues, but it takes a different form.
Our responsibility today is to use the freedom and knowledge that they have passed on to us to further strengthen our capabilities and contribute to a better Timor-Leste.
At UGG, we are proud to contribute in our own way — by creating opportunities, building and strengthening the capabilities of Timorese people, strengthening local industry, and demonstrating that Timorese people themselves have the capacity to build and develop our own nation.
We are also proud to contribute to the restoration of “Kaixa Inglaterra” in Kailara, Baucau. This site once served as an important location for logistics and support for FALINTIL Region II Baucau, which was led by the late Vice Chief of Staff, great Commander David Alex Daitula.
All of this history and sacrifice places a responsibility on all of us. The freedom we have inherited from their struggle should inspire us to continue working, building, and creating a better future for the generations to come.
