16/04/2026
Golaha Sare oo ay ugu horeeyaan Madaxweynaha iyo Madaxweyne Ku-xigeenka Heyโadda Injineerada Soomaaliyeed (IES), Eng. Omar Abdi Arab iyo Eng. Bashir Ali Hussein, ayaa ka qeyb galay kulan muhiim ah oo dhex maray Wasaaradda Hawlaha Guud, Dib u dhiska & Guriyeynta -Soomaaliya, waxaana kulanka nagala soo qeyb galay Wasiirka Wasaaradda, Mudane Xildhibaan Ayub Ismail Yusuf, iyo Daladda Soreca - Somali Real Estate and Construction Association. Kulankan ayaa diiradda lagu saaray wadatashi ku saabsan horumarinta kaabayaasha iyo kobcinta magaalooyinka.
Ujeeddada kulanka ayaa ahayd xoojinta iskaashiga u dhexeeya Wasaaradda iyo Daladda SORECA, si loo mideeyo dadaallada lagu horumarinaayo kaabayaasha iyo magaalooyinka dalka.
Sidoo kale, waxaa la isla qaatay muhiimadda ay leedahay dhismaha hannaan wada-shaqeyn oo wax ku ool ah, kaas oo door muhiim ah ka qaadanaya kobaca, tayeynta, iyo nidaaminta qaybta dhismaha ee dalka.