27/11/2025
اليوم دا ما بس حيكون يوم مباراة …
اليوم دا حيكون يوم وفاء وتاريخ ط
امتد سنين طويلة جوّة ملاعب عطبرة.
اليوم بنرفع القبعة لرجل ما كان لاعب…
لكن كان أكبر من لاعبين كتار.
رجل كان بيركض قبل الكورة، وبيلحق الإصابة قبل ما الناس تلحق تندهو
عمّنا حيدر … الإسم البتقشعر ليهو ملاعب عطبرة
أكتر من 30 سنة وهو واقف بين الخطين …
قلبه حاضر، ونيته صافية، وشهامته قدّام كل الناس.
وعشان كده وبكل فخر
تعلن شركة أبكس للحلول المتكالمة تكريم هذا الرجل العظيم،
الرجل البستحق ينذكر ويتشكر ويتكرم ألف مرة حرم.
التكريم حيكون يوم السبت في مباراة الجلاء والشبيبة…
قدّام الجمهور …
ربنا يديك الصحة والعافية يا عمّنا حيدر…
ويسعدك زي ما أسعدت الناس سنين طويلة بدون مقابل
غير كلمة “جزاك الله خير”.
عطبرة ما بتنسى ناسها…
والوفاء دا ما بنشتريه… دا بنخلّده
