25/11/2021
ٹاپک : نئے گھر کی دیواروں پر پینٹ کا کام
گھر کی تعمیر مکمل ہونے کے بعد سب سے آخری اور اہم مرحلہ گھر میں پینٹ کروانا ہوتا ہے جس کے ذریعے آپ کے گھر کی مکمل خوبصورتی عیاں ہوتی ہے تو اگر اس مر حلے میں لا علمی سے کام لیا جائے تو گھر کی خوبصورتی بری طرح متاثر ہوتی ہے اس لیے نئے گھر کی تعمیر کے بعد پینٹ کروانے سے پہلے معلومات کا ہونا انتہائی ضروری ہے
میں ہوں انجینئر فرقان اور آپ پڑھ رہے ہیں تحریرنئے گھر کی دیواروں پر پینٹ کا کام
نئے گھر کی دیواروں پر پینٹ کروانے کے درجہ ذیل مراحل ہوتے ہیں
پروفیشنل ٹیم
مارکیٹ میں ہر شعبہ کی طرح پینٹ کے شعبہ میں بھی آپکو بہت سے کاریگر نظر آئیں گے جن کے کام کرنے کی صلا حیت کے ساتھ ساتھ ریٹس بھی مختلف ہوتے ہیں لیکن ہمیشہ ایک بات اپنے ذہن میں رکھا کریں اچھے کام کے ہمیشہ اچھے پیسے لگتے ہیں کم پیسوں میں اچھے کام کی امید رکھنا صرف ایک وہم ہے اس لیے جب بھی نئے گھر کی دیواروں پر پینٹ کرنے کی باری آئے تو پروفیشنل ٹیم کو ترجیح دیں کبھی بھی چند پیسوں کی بچت کے لیے اپنے گھر کی خوبصورتی کو داؤ پر نہ لگایں۔ جس بھی ٹیم سے آپ کام کی بات کریں ان کے ایک سے دو مکمل شدہ کاموں کا وزٹ کریں اور کوشش کریں ان کے سابقہ کلائینٹس سے انکی کوالٹی کے بارے میں معلومات حاصل کریں اس سے بعد کسی فیصلے پر پہنچے اور ٹیم سے یہ بات ضرور کر لیں کے پلستر کو ایک بار چیک کرلیں پلستر جیسا بھی ہے ہمیں پینٹ ٹھیک چاہیے۔
وگرنہ بعد میں آپکو پینٹ خراب ہونے کی صورت میں کاری گر سے یہ باتیں سننے کو ملیں گی جی یہ پلستر خراب تھا ہم نے بڑی کوشش کی لیکن جتنا کور ہوسکا اتنا کر لیا اور پھر آپ کے پاس اس بات کا کوئی جواب نہیں ہوگا۔
پینٹ کا طریقہ کار
وٹی لگانا
جب آپکی ہائیر کردہ ٹیم پینٹ کا کام سٹارٹ کرے تو سارا کام ان پے چھوڑنے کی بجائے خود کام کو چیک کریں اور اپنی نگرانی میں کروائیں سب سے پہلے سارے گھر کی دیواروں پر پتھر یعنی جسکو وٹی بولتے ہیں وہ لگوائیں وٹی لگوانے کا اصل مقصد پلستر کو لیول کرنا ہوتا ہے جب دیواروں پر پلستر ہوتا ہے تو بعض اوقات کہیں سے ریت کے ذرات باہر نکلے ہوتے ہیں یاں کئی بار مستری سے پلستر میں خرابی ہوجاتی ہے یاں دیوار میں کوئی سوراخ بند کریں تو وہ پلستر کے ساتھ برابر نہیں ہوتا اور ہاتھ پھیرنے سے کھردرا یا ابھرا سا محسوس ہوتا ہے اسکو لیول کرنے کے لیے وٹی کا استعمال کیا جاتا ہے اس لیے سارے گھر میں اچھی طرح وٹی لگوائیں وٹی لگنے کے بعد ہاتھ پھیرنے سے آپکو دیوار کی سطح میں خود فرق محسوس ہوگا کہ سطح پہلے سے کافی ملائم اور ہموار ہو گئی ہے۔
سینڈ پیپر (ریگ مار) لگانا
وٹی لگاتے وقت ریت اور سیمنٹ کے ذرات رگڑ کھانے کی وجہ سے دھول کی صورت میں دیواروں پر لگ جاتے ہیں جنکو پینٹ سے پہلے صاف کرنا انتہائی ضروری ہوتا ہے اس لیے سارے گھر کی دیواروں پر ریگ مار کا استعمال کیا جاتا ہے تا کہ پینٹ کے نیچے نشان نظر نہ آئیں۔ سارے گھر میں اچھی طرح ریگ مار لگوائیں کسی دجگہ دھول باقی نہ رہے۔
پلستر میں سوراخ
وٹی اور ریگ مار کا کام پورا ہونے کے بعد آپکو دیواروں میں بلکل چھوٹے چھوٹے سوراخ نظر آئیں گے کیوں کہ جب دیواروں پر پلستر کیا جا تا ہے تو اکثر اوقات ریت کے اندر مٹی یا کوڑا کرکٹ کے کچھ ذرات شامل ہوتے ہیں تو جب دیواروں پر وٹی اور ریگ مار لگایا جاتا ہے تو وہ ذرات باہر آ جاتے ہیں اور پلستر میں چھوٹا سا سوراخ بن جا تا ہے ان سوراخوں پر آپ نے وال پٹی جس کو فلنگ بھی بولا جاتا ہے اس کے ساتھ فل کروانا ہے اور اسی طرح سارے گھر کی دیواروں کو چیک کر لینا ہے ۔
پرائمر
سٹیپ نمبر تین تک کام مکمل کروانے کے بعد اب باری آتی ہے پرائمر کی پرائمر کا کام دیواروں میں آنے والی سیلاب یعنی نمی کو کنٹرول کرنا ہوتا ہے اس لیے ہمیشہ اچھی اور ملٹی نیشنل کمپنی کا پرائمر ہی استعمال کریں سارے گھر میں پرائمر کا سنگل کوڈ کروائیں اور اچھی طرح چیک کر لیں کہیں سے کوئی جگہ رہ نہ جائے۔
وال پٹی (فلنگ)
نئے گھر کا پینٹ کافی بار آپ نے دیکھا ہوگا دھیما پڑ جاتا جیسے کہ کئی سال پہلے کیا ہو اس کی سب سے بڑی وجہ یہ ہوتی ہے کے وٹی اور ریگ مار لگانے کے بعد پرائمر اور فلنگ کی کوڈنگ نہیں کی ہوتی جس کی وجہ سے سیمنٹ ڈسٹیمپرکو اپنے اندر جذب کر لیتا ہے اور پھر پینٹ کی چمک ختم ہوجا تی ہے۔
پرائمر کوڈ لگانے تک جب کام پورا ہو جائے پھر باری آتی ہے وال پٹی یعنی فلنگ کی فلنگ کے کم سے کم دو کوڈ ضرور لگائیں بہتر ہے کہ تین کوڈ لگائے جائیں وٹی اور ریگ مار لگانے سے بھی پلستر کے لیول میں جو فرق رہ جاتا ہے وہ فلنگ میں کور کیا جاتا ہے فلنگ کا ایک کوڈ لگانے کے بعد تیز روشنی کا استعمال کریں اکثر آپ نے دیکھا ہو گا کے کسی کمرے میں پینٹ مکمل ہونے کے بعد لائٹس چلائی جائیں تو کہیں کہیں دیواروں پر پینٹ ابھرا ابھرا سا نظر آتا ہے یا پینٹ کی لہریں نظر آتی ہیں تو اس چیز سے بچنے کے لیے آپ فلنگ کا ایک کوڈ لگوانے کے بعد تیز روشنی سے دیواروں کو چیک کریں جہاں کوئی کمی بیشی نظر آئے کاری گر سے بول کر ٹھیک کروائیں کاریگر کی اس بات پر نہ رہیں کے پینٹ ہونے کے بعد ٹھیک ہو جائے گی اسی طرح پھر باقی دو کوڈ لگوا کر کر دوبارہ چیکنگ کریں۔
فائنل پینٹ
سٹیپ بائی سٹیپ فلنگ تک کام مکمل ہونے کے بعد اب آپ کے گھر کی دیواریں فائنل پینٹ کے لیے تیار ہیں اب آپ اپنے کلرز کی سلیکشن کریں اور کسی بھی اچھی کمپنی سے ڈسٹیمپر خرید کر دیواروں پر فائنل پینٹ کروائیں۔
برائے مہربانی اس پوسٹ کو شیئر کر کے ہماری حوصلہ افزائی ضرور کریں۔
نوٹ: محب وطن کنسٹرکشن کمپنی کی درج ذیل آفرز سے ضرور فائدہ حاصل کریں۔
نمبر 1
پہلے نقشہ بنوائیں پھر فیس ادا کریں وہ بھی اپنی مرضی سے تفصیل جاننے کے لیے لنک پر کلک کریں https://www.facebook.com/110158571357798/posts/113443674362621/
نمبر 2
گھر کی تعمیر سے متعلق آسان اردو الفاظ پر مشتمل کتاب
'' گھر اپنی نگرانی میں بنوائیں '' کا مطالعہ کریں اور اپنے وقت اور پیسے کو محفوظ بنائیں کتا ب کی فہرست کے لیے لنک پر کلک کریں
https://www.facebook.com/110158571357798/posts/113443901029265/
نمبر 3
مالکان اور ٹھیکیدار کے درمیان گھر کی تعمیر سے پہلے ٹھیکیدار کے ساتھ تفصیلی ایگریمنٹ (معاہدہ)ضرور کریں اور خود کو نقصان سے بچائیں تفصیل کے لیے لنک پر کلک کریں
https://www.facebook.com/110158571357798/posts/113442934362695/
برائے مہربانی اس پوسٹ کو شئیر کر کے ہماری حوصلہ افزائی ضرور کریں۔
مزید کنسٹرکشن اردو آرٹیکلز پڑھنے کے لیے فیسبک پیج وزٹ کریں۔
https://www.facebook.com/1EngineerFurqan/
محب وطن کنسٹرکشن کمپنی
بسم اللہ ہاوسنگ سکیم جی ٹی روڈ مناواں باٹا پور لاہور۔
موبائل 03058139778
