Strata Wisdom Group Company Limited

Strata Wisdom Group Company Limited Contact information, map and directions, contact form, opening hours, services, ratings, photos, videos and announcements from Strata Wisdom Group Company Limited, Engineering service, No. 165, Sein Yati Street, Yadanar Kyun Avenue, North Okkalapa Township, Yangon.

We specialize in Geology & Geotechnical Investigation, Environmental & Social Impact Assessment, Multi-Purpose Mapping & Topographic Survey, Geoinformatics for Projects & Development Affairs, Research & Training.

Engineering Geology for Beginners - Batch 2 Course ကို ၃၀.၅.၂၀၂၆ နေ့စတင်ဖွင့်လှစ်ပါမယ်။ Course outline ကိုအနည်းအကျဉ်းရှင...
26/05/2026

Engineering Geology for Beginners - Batch 2 Course ကို ၃၀.၅.၂၀၂၆ နေ့စတင်ဖွင့်လှစ်ပါမယ်။
Course outline ကိုအနည်းအကျဉ်းရှင်းပြပါမယ်။
ပထမအပတ်စဉ်မှာ သင်တန်းသားတွေက Geology သာမဟုတ်ပဲ တခြား Civil and Mining Engineer, အခြားဘွဲ့ရ Lab technician တွေ နဲ့ ပတ်ဝန်းကျင်ထိန်းသိမ်းရေးဘွဲ့ရများ ပါတာမို့ Basic Geology ကို အတန်းချိန် ၄ ချိန်ယူပါတယ်။ Engineering Geology ကို လေ့လာဖို့ သိသင့်တဲ့ ကမ္ဘာကြီးလည်ပတ်ပုံ၊ ကမ္ဘာ့ဖြစ်စဉ်များ၊ Tectonic theory and geological structures, ကမ္ဘာကျောက်ကြီးသုံးမျိုးအကြောင်း အခြေခံများသင်ပေးပါတယ်။
ဒုတိယအပတ်စဉ်လာအပ်ထားတဲ့ ကျောင်းသားများကတော့ လောလောဆယ် အထိ ဘူမိကျောင်းသားများဖြစ်သော်လည်း အချို့ request အရ အဲ့ဒိ အခြေခံဘူမိကို ပြန်သင်ပါမယ်။
စတုတ္တ သင်ခန်းစာက စလို့ အင်ဂျင်နီယာဘူမိအခြေခံဖြစ်တဲ့ Engineering Soil, Engineering Rock မှစလို့ Site Investigation and Investigation techniques ကို အသေးစိပ်သင်ပါမယ်။ Investigation technique မှာ အဆောက်အဦးဆောက်လျင်သော်လည်းကောင်း၊ မိုင်းတွင်းများတူးလျင်သော်လည်းကောင်း၊ ပတ်ဝန်းကျင်ထိန်းသိမ်းရေးနှင့်မြို့ပြတည်ဆောက်ရေးများတွင် လိုအပ်သော စူးစမ်းလေ့လာရေး နည်းပညာများကို site investigation, laboratory testing, geophysics and mapping အကြောင်းအရာများကို အသေးစိပ် သင်ကြားပေးပါမယ်။
Investigation သင်ခန်းစာများအပြီး တမံ ၊ ဥမှင်လိုဏ်၊ အဆောက်အဦးများ ၊ မြေအောက်အဆောက်အဦးများ၊ မြေပြိုခြင်း စသည့် လုပ်ငန်းများကို စူးစမ်းလေ့လာရာတွင် အသုံးပြုရမည့် ဘူမိအင်ဂျင်နီယာ လုပ်ငန်းများအကြောင်းကို သင်ကြားပြသပါမည်။
ဘူမိအင်ဂျင်နီယာဘာသာရပ်ဟာ ဆောက်လုပ်ရေးလုပ်ငန်းတစ်ခုထဲ အတွက် အသုံးဝင်တာမဟုတ်ပဲ အခြားသောလုပ်ငန်းစဉ်များဖြစ်သည့် မြေပေါ်မြေအောက်ရေ ရှာဖွေထိန်းသိမ်းရေး၊ ပတ်ဝန်းကျင်နှင့်ရာသီဥတုပြောင်းလဲခြင်းလုပ်ငန်းလေ့လာရေး၊ သဘာဝဘေးအန္တရာယ်လေ့လာလျော့ချစီမံရေး၊ မြို့ပြတည်ဆောက်ခြင်းနှင့် မြေအသုံးချခြင်းလုပ်ငန်းများတွင် အသုံးချနိုင်ပါသောကြောင့် မြေပုံများအကြောင်း၊ သဘာဝဘေးအန္တရာယ်များ အကြောင်းနှင့် ဘူမိပတ်ဝန်းကျင်အခြေခံအကြောင်းအရာများကိုလည်း Bonus အနေနှင့် ထည့်သွင်းသင်ကြားပါမည်။
-
သင်ကြားချိန် ၂၂ ချိန်ရှိပြီး စနေနှင့် တနင်္ဂနွေ ည ၇ နာရီမှာ ၂ နာရီမှာ ၂ နာရီခွဲခန့်အထိသင်ကြားပါမယ်။ သင်ကြားမည့်သူမှာ ကျွန်တော် ဒေါက်တာကျော်စွာမြင့်သိန်းဖြစ်ပြီး အခါအားလျော်စွာ ပြင်ပမှာ ကျွမ်းကျင်ဆရာများကိုလည်း ဖိတ်ခေါ်သင်ကြားပေးပါမယ်။
-
သင်တန်း Certificate ပေးပါမယ်။ သင်ခန်းစာတစ်ခုအပြီး Google Form ဖြင့်ဖြေရမည့် Exercise များကို ဖြေဆိုအပြီး Certificate ပေးပါမည်။ ဖြေဆိုရန်နောက်ဆုံးရက် သတ်မှတ်မထားပါသောကြောင့် Exercise များပြီး Certificate ယူနိုင်ပါမည်။
-
သင်တန်းကြေး တသိန်းခွဲ သတ်မှတ်ထားပါသည်။ သင်တန်းကြေးကို သင်တန်းမစခင်သော်လည်းကောင်း၊ သင်တန်းတက်နေချိန်သော်လည်းကောင်း၊ အခါခါခွဲ၍သော်လည်းကောင်း ပေးနိုင်ပါသည်။ သင်တန်းပုံမှန်တက်ပေးရန်သာ အဓိက ဖြစ်ပါတယ်။
-
သင်တန်းကို online မှ Zoom App ဖြင့်သင်ကြားမည်ဖြစ်ပါသည်။ သင်တန်း lecture လိုက်ရန်၊ Google Exercise များဖြေဆိုရန် Mobile App များဖြင့် လည်း မိမိကျွမ်းကျင်မှုကိုလိုက်၍ အဆင်ပြေနိုင်ပါသည်။ Lecture မမှီလိုက်သူများ Lecture video ကို နောက်တနေ့ Telegram Group မှာ upload လုပ်ပေးမှာမို့ မိမိကြိုက်သည့်အချိန် လေ့လာ၍ မိမိကြိုက်သည့်အချိန် လေ့ကျင်ခန်းများလုပ်နိုင်ပါသည်။
-
Internship ဆင်းရန် - ရန်ကုန်မြို့ရှိ soil laboratory တွင် internship ဆင်းနိုင်ရန်စီစဉ်ပေးပါမည်။ သို့သော် project ရှိချိန်တွင်သာ လုပ်ငန်းလည်ပတ်နေပါသဖြင့် internship ဆင်းရန် စာရင်းပေးထားပြီး လုပ်ငန်းရှိသည့်အခါ အကြောင်းကြားပါမည်။ အလားတူ project ရှိသည့်အခါ site visit လိုက်ဖို့လည်း စီစဉ်ပေးပါမည်။ နာမည်စာရင်းပေးထားလျှင် site လုပ်ငန်းများရှိ၍ လုံခြုံရေးပြဿနာများ သိပ်မရှိသည့်အခါ site visit လိုက်နိုင်ပါရန် အကြောင်းကြားပါမည်။
-
သင်တန်းအပ်ရန် -
အောက်ပါ Google Link မှ တဆင့် သင်တန်းအပ်ပြီး၊ ငွေသွင်းရန် Bank Information တောင်းယူနိုင်ပါသည်။ ယခုလာမည့် စနေနေ့ စမှာမို့ အမြန်စာရင်းသွင်းပါရန် မေတ္တာရပ်ခံပါသည်။
https://docs.google.com/forms/d/e/1FAIpQLSfyQJ63xLjXvgFu_Qz4XsrfEC3Dco7iP-pkLOnyPfaLR1G-6w/viewform?usp=header
နာမည်နှင့် Email ပေးထားသူများလည်း အချို့ စာရင်းမသွင်းရသေးပါသဖြင့် Google Form မှာ စာရင်းသွင်းဖို့ တိုက်တွန်းပါသည်။ စာရင်းသွင်းသူများကို သာ Zoom Invitation Link ပို့ပေးပါမည်။

Engineering Geology for Beginners; Batch 2 အတွက် Registration Form ကို နာမည်နဲ့ Email ပို့ပေးထားသူတွေဆီ email ကနေ ပို့လိ...
02/05/2026

Engineering Geology for Beginners; Batch 2 အတွက် Registration Form ကို နာမည်နဲ့ Email ပို့ပေးထားသူတွေဆီ email ကနေ ပို့လိုက်ပါပြီ။
📅Batch 2 သင်တန်းကို မေလ ၃၀ ရက်နေ့ စတင်ဖွင့်လှစ်ပါမယ်။
📡သင်တန်းကတော့ online သင်တန်းဖြစ်ပြီး Zoom ကနေ သင်ပါမယ်။
⏰အပတ်စဉ် စနေ၊ တနင်္ဂနွေ ည ၇ နာရီကနေ ၉ နာရီ အထိသင်ကြားပါမယ်။
📔သင်ခန်းစာ ၂၂ ခန်းပါပြီး ၁၁ ပတ်သင်ကြားပါမယ်။
📧သင်ခန်းစာအတွက် လိုအပ်တဲ့ PowerPoint PDF များ၊ Zoom Link များကို email နှင့် quick assess ဖြစ်အောင် Viber က ပေးပို့ပါမယ်။
🎥lecture video များကို Telegram က upload ပါမယ်။
📖Class တစ်ခုအပြီး Exercise များရှိပြီး Google Form ကနေ ဖြေပေးရမှာ ဖြစ်ပါမယ်။ Exercise ထည့်သွင်းရခြင်းကို စဉ်းစားဖြေဆိုတတ်စေဖို့နဲ့ သင်ခန်းစာကိုနားလည်နိုင်ဖို့ ဖြစ်ပါတယ်။
📲အဆိုပါ Exercise link များကိုလည်း Email / Viber မှတဆင့်ပို့ပေးပါမယ်။
🎓အပတ်တိုင်းတော့ Exercise များမရှိပေမယ့်၊ exercise များပြီးဆုံးမှသာ completion certificate ပေးအပ်မှာဖြစ်ပါတယ်။
-
📅The class will begin on May 30, 2026.
⏰Date and Time: Every Sat & Sun (7:00 PM onward)
📡Venue: Zoom
📧Contact for class material and Zoom link: Email and Viber
🎥Lecture Video Link: Telegram
📫The Viber, Telegram, and Google Drive links for class materials will be available for life, so you may study at your convenience.
🗂️The exercises will be delivered with a Google Form after one lecture has been completed.
👩‍🎓The completion certificate will be awarded to those who have completed the exercises.
-
သင်တန်းအပ်နှံမည့်သူများ အောက်ပါ link ရှိ Google Form တွင် ဖြည့်ပြီး သင်တန်းအပ်နှံပေးပါရန်မေတ္တာရပ်ခံပါတယ်။
https://docs.google.com/.../1FAIpQLSfyQJ63xLj.../viewform...
-
💰သင်တန်းကြေး ၁၅၀၀၀၀ (တသိန်းခွဲဖြစ်ပြီး) email မရသူများ Bank information ကို messenger / viber မှတဆင့်တောင်းယူပါရန်။
မှတ်ချက် - လူဦးရေ ၃၀ သာလက်ခံပါမည်။

Engineering Geology for Beginners - Batch 2 က May 30 ရက် အစောဆုံး၊ နောက် အကျဆုံး June 6 ရက် ဖွင့်ပါမယ်။ First batch သင်...
29/04/2026

Engineering Geology for Beginners - Batch 2 က May 30 ရက် အစောဆုံး၊ နောက် အကျဆုံး June 6 ရက် ဖွင့်ပါမယ်။ First batch သင်တန်းက ဒီအပတ်မှ ပြီးမှာမို့ပါ။ စနေ ၊ တနင်္ဂနွေ ည ၇ နာရီက နေ ၉ နာရီ အထိ (တခါတလေလည်း ၉ နာရီခွဲ) အချိန်ယူပါမယ်။ သင်တန်းချိန် အားလုံး ၂၂ ချိန် ၁၁ ပတ်ကြာမြင့်ပါမယ်။ ဘူမိဗေဒဘွဲ့ နောက်ခံ မရှိတဲ့ အင်ဂျင်နီယာများနှင့် အခြားဘွဲ့များပါတက်ရောက်မှာ မို့ ဘူမိဗေဒ အခြေခံ ကနေ သင်ပါမယ်။
Engineering Geology / Geotechnical Engineering အလုပ်လုပ်နေသူများ၊ အလုပ်လုပ်မည့်သူများတက်ရောက်ရန် သင့်တော်ပါတယ်။ နောက်ဆုံးနှစ် ဘူမိကျောင်းသားများနှင့် Fresh graduate (ဘူမိ . အင်ယာ . အခြား) များတက်ရောက်နိုင်ပါတယ်။
လုပ်ငန်းခွင်သင်တန်းဖြစ်တာကြောင့် Soil Mechanics / Rock Mechanics / Analysis / Academic research များထည့်သွင်းသင်ကြားမည်မဟုတ်ပဲ Case study / field and lab test manual / Exploration program / Data presentation and reporting ပိုင်းများကို တော့ သေချာ သင်ကြားပေးပါမည်။ Soil mechanics , rock mechanics , foundation engineering analysis များပါသော Advanced Course ကိုလည်း မကြာခင် သင်တန်းဖွင့်လှစ်ပါမည်။
သင်တန်းကြေး - ၁၅၀၀၀၀ (တသိန်းခွဲ) ဖြစ်ပါသည်။
ဆက်သွယ်ရန်
Phone / Viber - +9595190536
email - [email protected]
page Messenger မှလည်း ဆက်သွယ်မေးမြန်းနိုင်ပါသည်။
မှတ်ချက် - လိုအပ်သော အနည်းဆုံး လူဦးရေ ပြည့်ပါ၍ မေလနောက်ဆုံးပတ်သို့မဟုတ် ဇွန်လ ပထမပတ်တွင် ဖွင့်ရန်သေချာပါသည်။
-
နာမည်နှင့် email ပေးထားပြီးသူများ မကြာမှီ email / viber မှ သင်တန်းအပ်ရန် Google Form ပေးပို့ပါမည်။

Engineering Geology for Batch 1 သင်တန်း လေး စသင်လိုက်တာ ဒီတပတ်ဆို Chapter 16 အထိ ပြီးသွားပါပြီ။ နောက် lecture ၂ ပတ် - La...
07/04/2026

Engineering Geology for Batch 1 သင်တန်း လေး စသင်လိုက်တာ ဒီတပတ်ဆို Chapter 16 အထိ ပြီးသွားပါပြီ။ နောက် lecture ၂ ပတ် - Landslide and Slope Stability , Geo-hazard and Geo-environment ပြီးရင် Lecture က ပြီးပါပြီ။ တချို့ Chapter တွေက ၁ ချိန်ထဲ သင်မရလို့ ၂ ချိန်သင်လိုက်ရတော့ ရက်ပိုတိုးသင်လိုက်ရတာပေါ့။ Lecture ပြီး Recap / Case study တစ်ချိန်နဲ့ Student Forum တစ်ချိန်ပြီးရင် First Batch သင်တန်းပြီးပါပြီ။
-
ကျောင်းတွေလည်းတက်၊ သုတေသနတွေလည်းလုပ်၊ အလုပ်က အတွေ့အကြုံတွေလည်း ရှိနေတာ၊ အခုလို အလုပ် လုပ်လို့ မရနိုင်တဲ့ အချိန်မှာ ငါသင်ထားတာတွေ အလကားဖြစ်ကုန်ပြီလို့ GUILT ဖြစ်နေတာ အခုလို သင်လိုက်ရတော့ ကျေနပ်သွားတာပဲရှိပါတယ်။
-
Batch 2 ကိုလည်း မေလ ၉ ရက်နေ့ သို့မဟုတ် ၁၆ ရက်နေ့ ပြန်ဖွင့်နိုင်ဖို့ လုပ်နေပါပြီ။ Advanced သင်တန်းလည်း June လထဲ ဖွင့်ဖို့ ပြင်ဆင်နေပါတယ်။ Engineering Geology for Beginner - Batch 2 သင်တန်းကတော့ စနေ - တနင်္ဂနွေ ညဖက် ၇ နာရီကနေ ၉ နာရီ zoom က နေသင်ပါမယ်။ ဘယ်သူတွေတက်ရောက်နိုင်လည်းဆိုတော့ Engineering Geology / Geotechnical Engineering / Earth Works တွေနဲ့ အလုပ်လုပ်မယ့်သူတွေ အတွက် ရည်ရွယ်သင်ကြားတာပါ။ ဘယ်လို Background မျိုးကပဲဖြစ်ဖြစ် တက်ရောက်နိုင်အောင် Geology အခြေခံကိုလည်း စသင်ပေးမှာ ဖြစ်ပါတယ်။ Soil and Rock Mechanics တွေ၊ analytical method တွေတော့ သင်ကြားမယ့်ထဲ မပါပါနိုင်သေးပါဘူး။
-
Advance သင်တန်းမှာတော့ Soil and Rock Mechanic ကို အသေးစိပ်သင်ပါမယ်။ Foundation Engineering ကို သင်ပါမယ်။ ဘယ်သူတွေ တက်ရောက်နိုင်လည်းဆိုတော့ အခု Beginner သင်တန်းပြီးထားသူတွေ၊ Engineering Geology / Geotechnical Engineering အခြေခံ ရှိထားသူတွေတက်ရောက်နိုင်ပါမယ်။ အချိန်အားဖြင့် အနည်းဆုံး အချိန် ၃၀ သင်ကြားမယ်လို့ စိတ်ကူးထားပါတယ်။
-
အခု Engineering Geology for Beginners - Batch 2 အတွက် အောက်ပါ email / viber / phone သို့မဟုတ် ယခု page Messenger မှာ မိမိနာမည် နှင့် email ကို ပို့ပေးကြပါ။ Google Form လေး ပြန်ပို့ပေးပါမယ်။ အဲ့ဒိကနေ ထပ်ပြီး ကျောင်းအပ် ကြပါ။
Email - [email protected]
Viber / Phone - +9595190536

Engineering Geology for Beginners သင်တန်း Batch 2 ကို May လ ၂ ရက်နေ့ ပြန်ဖွင့်ပါမယ်။ အလုပ်ရှိသူများ ကျောင်းရှိသူများ တက်...
23/03/2026

Engineering Geology for Beginners သင်တန်း Batch 2 ကို May လ ၂ ရက်နေ့ ပြန်ဖွင့်ပါမယ်။ အလုပ်ရှိသူများ ကျောင်းရှိသူများ တက်ရောက်နိုင်အောင် ည ၇ နာရီကနေ ၉ နာရီ စနေ၊ တနင်္ဂနွေ နေ့များမှာ သင်ကြားပေးပါမယ်။ ပထမအကြိမ် Online class ကနေ အခက်အခဲများကို သင်ခန်းစာ ယူပြီး Zoom Platform ကနေ သင်ယူပါမယ်။ Lecture ချိန်မမှီလိုက်သူများကို lecture video များကို Telegram ကနေ upload ပေးပါမယ်။ သင်ခန်းစာ တစ်ခု စီမှာ Google Form Exercise တစ်ခုစီပါပြီး သင်တန်းပြီးစီးကြောင်းလက်မှတ်ကိုတော့ Exercise များဖြေပြီးချိန် (သိပ်အချိန်မယူရ) မှာပေးအပ်မှာ ဖြစ်ပါတယ်။ Viper , Email များမှ class link, lecture materials များကို ဆက်သွယ်ဆောင်ရွက်ပါမယ်။
-
ဘယ်သူတွေတက်သင့်လည်း ?
Engineering Geology ကို အခုမှ စလေ့လာနေသူများ အထူးတက်ရောက်သင့်ပါတယ်။ ဘူမိဗေဒ၊ မြို့ပြအင်ဂျင်နီယာ နှင့်ကျောင်းပြီးထားပြီး ဆောက်လုပ်ရေး လုပ်ငန်းခွင်သို့ဝင်ရောက်မည့်သူများ၊ သတ္တုတူးဖေါ်ရေးလုပ်ငန်းများတွင် မြေကြီးလုပ်ငန်းဆောင်ရွက်နေသူများ၊ မြေသားကျောက်သား ဓါတ်ခွဲခန်း လုပ်ငန်းတွင်လုပ်ကိုင်နေသူများ တက်ရောက်သင့်သောသင်တန်းဖြစ်ပါသည်။ လည်းကောင်းအပြင် ဘူမိဗေဒ ဘာသာရပ်ဖြင့် တက္ကသိုလ်နောက်ဆုံးအပိုင်းတက်ရောက်နေသူများလည်း တက်ရောက်နိုင်ပါတယ်။ ဘူမိဗေဒ background ဖြင့် အလုပ်လုပ်နေသူများ၊ ကျောင်းပြီးထားသူ မဟုတ်သူများ၊ အခြားဘွဲ့ရ၍ ဆောက်လုပ်ရေးလုပ်ငန်းလုပ်ကိုင်နေသူများ ပါ တက်ရောက်နိုင်အောင် လိုအပ်သည့် ဘူမိဗေဒ အခြေခံများပါ သင်ကြားပေးပါမည်။ ဤ သင်တန်းသည် အခြေခံသင်တန်းဖြစ်သောကြောင့်၊ လုပ်ငန်းခွင်ဝင်မည့်သူများ၊ အလုပ်လုပ်ကိုင်နေသူများအတွက် ဖြစ်သောကြောင့် Soil Mechanics, Rock Mechanics and Foundation Engineering Analysis များကိုတော့ ထည့်သွင်းသင်ကြားမည်မဟုတ်သော်လည်း၊ အခြေခံတွက်ချက်နည်းများကိုတော့ ထည့်သွင်းပေးထားပါသည်။ Advanced Geotechnical Engineering Class များတွင်တော့ soil mechanics, rock mechanics နှင့် Foundation designing များကို အဓိက ဦးစားပေးသင်ကြားပါမည်။
-
ဘာတွေ အခွင့်အရေးရမလည်း?
မိမိလုပ်ငန်းနှင့်ပတ်သက်၍ ဆွေးနွေးခွင့်ရမည်။ Lecture တွင်မပါသော လိုအပ်သည့် ဘူမိ၊ အင်ယာဘူမိ သင်ခန်းစာများကို special lecture အနေနှင့် အခြားအချိန်တွင် သင်ကြားရန် request လုပ်နိုင်မည်။ Soil Laboratory တွင် အတွေ့အကြုံယူနိုင်သည်။ Site နှင့်ကြုံပါက site investigation technique များလေ့လာရန် site visit သွားနိုင်ပါမည်။ ဘွဲ့လွန်တက်ရန်ရည်ရွယ်သူများ၊ တက်နေသူများအတွက် မိမိတို့ သုတေသန လမ်းကြောင်းများအားဆွေးနွေးနိုင်ရန် အခွင့်ရပါမည်။
-
ကျောင်းပြီးစလုပ်ငန်းခွင်ဝင်မည့် သူများအား ရည်ရွယ်ပါ၍ သင်တန်းကြေး ၁၅၀၀၀၀ (တသိန်းခွဲ) သတ်မှတ်ထားပါသည်။ သင်တန်းကြေးသွင်းရန် အခက်အခဲရှိသူများလည်း မိမိအခက်အခဲအားပြောပြ၍ သင်တန်းတက်ရောက်နိုင်ရန်အခွင့်ရှိပါမည်။
သင်တန်းအပ်နှံရန် -
Dr. Kyaw Swar Myint Thein
D.Engg - AIT, M.Engg - AIT, M.S - YTU, B.Sc(Hons) - YU
Phone / Viber - +9595190536
Email - [email protected]

ပြီးခဲ့လေသောအချိန်တခုက ကျွန်တော့်အမေကြီး (အဖွား) ဆုံးသွားတယ်။ ကျွန်တော့် အဖေအမေက ဝန်ထမ်းဆိုတော့ နယ်မှာတာဝန်ကျတဲ့ အခါ ကျွ...
26/01/2026

ပြီးခဲ့လေသောအချိန်တခုက ကျွန်တော့်အမေကြီး (အဖွား) ဆုံးသွားတယ်။ ကျွန်တော့် အဖေအမေက ဝန်ထမ်းဆိုတော့ နယ်မှာတာဝန်ကျတဲ့ အခါ ကျွန်တော့်ကို အမေကြီး နဲ့ထားခဲ့ရတော့ အဖိုးအဖွားက အဖေအမေပဲပေါ့။ အမေကြီးကတော့ မြေးဦးလည်းဖြစ် (အမှန်တော့ဒေါ်ဝတ်မှုံကမြေးဦး) သူ့လက်ထွက်လည်းဖြစ်တော့ သူ့ရဲ့ ဖေးဘရိတ်မြေးပေါ့။ ကျွန်တော်က လေဘာတီဒေါ်မြရင်ရဲ့ ရွှေပြည်စိုးသီချင်းကို သိပ်ကြိုက်တာ။ အမေကြီးက ကျွန်တော့်ကိုဆိုပြချော့သိပ်နေကြလေ။ ကြည့်ရတာလည်း အဲ့ဒိ သီချင်းတပုဒ်ပဲရတယ်ထင်ပါတယ်။ ကျွန်တော် သီချင်း စဆိုတတ်တော့ အော် ... မြရင် မြရင် မြရင် ချစ်ကြလေသရှင်ပြည်တခွင် ဆိုတဲ့ နေရာမှာ အော် မြရီ မြရီ မြရီ .. ဆိုတဲ့နာမည်များထည့်ဆိုရင် ပြုံးပြုံးကြီးနဲ့ သိပ်သဘောကျတာ။ ကျွန်တော်လည်း အမေကြီးချက်တဲ့ ဝက်သားမြေအိုးချက်နဲ့ ကင်ပွန်းရွက်၊ ပဒတ်စာ၊ ဇရစ်ရိုး ကို ပုစွန်ဆိတ်ကလေးတွေနဲ့ ချက်တဲ့ ဟင်းတွေဆို အလွန်ကြိုက်တာ။ ရွှေပြည်စိုးသီချင်းကြားလေတိုင်း၊ အဲ့ဒိဟင်းမျိုးစားရလေတိုင်း အမေကြီးကို သိပ်သတိရတာ။ ကျွန်တော်နဲ့ အဲ့လောက် Chemistry မိတဲ့အဖွားက ကင်ဆာနဲ့ ဆုံးပါးသွားခဲ့တယ်။ အဲ့ဒိတော့ အမေကြီး Funeral က ကျွန်တော်မပါရင် ဖြောင့်ဖြောင့်သွားမယ် မထင်ဘူး။
-
ဒီရက်ထဲ ကျွန်တော်က ဆီးနဲ့ဝမ်းက နေရာမရွေး၊ အချိန်မရွေးသွားတယ်။ အလုပ်တွေများနေ ခရီးများထွက်နေရင် ပိုဆိုးသေးတာ။ ပဲခူးကနေ နေပြည်တော်သွားရင် လမ်းမှာ သုံးခါလောက်ရပ်ရတယ်။ ဖြစ်ချင်တော့ အမေကြီးနောက်ဆုံးခရီးနီးမှာ အိမ်သာသွားချင်လာပါရော။ အဲ့ဒါနဲ့ အိမ်သာကလည်းရွေးတော့ အိမ်ပေါ်မှာ တက်သွားတာ။ ကျွန်တော် ပြန်ဆင်းတော့ ကားတွေမရှိတော့ဘူး။ ကျွန်တော့်ကိုမေ့သွားကြတာပေါ့။ အဲ့ဒါနဲ့ သွားနေကြ အိုးဝေကိုလှမ်းခေါ်တော့လည်း လမ်းပိတ်နေလို့ ၊ ဆိုင်ကယ်ကယ်ရီသမားကလည်း ဖုန်းမကိုင်၊ လမ်းထိပ်ထွက်ပြန်တော့လည်း တုတ်တုတ်၊ ဆိုင်ကယ်၊ အိုးဝေ တွေ တစ်စီးမှမတွေ့ ။ အငယ်ကောင်ကား ပြန်လှည့်ဖို့ခေါ်တော့လည်း မဖြစ်နိုင်။ အကိုကြီးကို ပြောရင်လည်း ဆူခံရဦးမှာ။ အဲ့ဒိမှာ သင်္ချိုင်းကုန်းကို လိုက်ဖို့ transportation mode လိုက်ရှာတာ ညနေစောင်းမှောင်တောင် မှောင်တယ်။ မှောင်နေတာတောင် လက်မလျှော့ပဲလိုက်ရှာနေတာ၊ မနက်အာရုံတက် ချမ်းမြေ့ဇေယျာစာသင်တိုက်က ဆွမ်းတန်းကြွဖို့ နိဗ္ဗာန်ဆော်က အော်မှ လန့်နိုးတတ်တယ်။
-
အမှန်တော့ အမေကြီးက ကျွန်တော် ၁၁ နှစ်သားကတည်းက ခုလို ဆောင်းတွင်းကြီးဆုံးသွားတာပါဘဲ။ ကျွန်တော်အခုလို လိုက်ရှာရတဲ့ အိပ်မက်မျိုးက ခဏခဏ မက်တယ်။ အထူးသဖြင့်စိတ်ဖိစီးတဲ့ အချိန်ပေါ့။ ပါရဂူစာတမ်းတင်ဖို့လုပ်‌နေတဲ့အချိန်ကဆို လေဆိပ်ဆင်းဖို့ ပတ်စ်ပို့လိုက်ရှာတယ်၊ ဆယ်တန်းဖြေဖို့ ID card ပျောက်တယ်၊ ကားလတ်မှတ်ရထားလက်မှတ်မေ့တယ်၊ ခရီးသွားရင်းကားကမေ့ထားခဲ့တာမျိုး အိပ်မက်တွေခဏခဏမက်တယ်။ ကျွန်တော် စာမသင်တာ ၂၀၁၃ လောက်ကတည်းက။ ၂၀၂၂ လောက်မှာ အလုပ်တွေ ပါ မလုပ်ဖြစ်တော့တာ။ အိမ်အလုပ်တွေပဲလုပ်နေရင်း စာသင်တဲ့အလုပ်တွေရော၊ ပရော်ဖက်ရှင်အလုပ်တွေပါ မလုပ်ချင်တော့တာ။ အခုစာပြန်သင်မယ်ဆိုတော့ စိတ်ဖိစီးနေလိုက်တာ။
-
တကယ်တမ်းတော့ ကျွန်တော်က seminar / conference တွေနဲ့ ပြတ်နေတာမဟုတ်ခဲ့ဘူး။ ဒီကြားထဲ ရာဂီမုန်တိုင်း၊ စစ်ကိုင်းငလျင်နဲ့ ပတ်သက်ပြီးတော့ main speaker အနေနဲ့ လိုက်ဟောရပြောရတာလည်း မနည်းတော့ဘူး ။ အဲ့ဒိတော့ စာသင်တာလည်း ကျွန်တော့် အတွက်ခက်ခဲမနေပါဘူး။ Engineering Geology ဆိုတာလည်း Academic ရော Profession မှာပါ တသက်လုံးလုပ်ကိုင်လာတာ။ ဘယ်နားက စမ်းစမ်းပါ။ Formula တွေ အလွတ်မရဘူး၊ သီအိုရီတွေ အလွတ်မရပေမယ့် ဘယ်စာအုပ်ထဲရှိတယ်ဆို သိနေတာမို့ အဲ့ဒိအတွက် စိတ်ဖိစီးတာလည်း မဖြစ်နိုင်ပါဘူး။ စာသင်ဖို့ ဆုံးဖြတ်ကတည်းက ‌သေချာပြင်ဆင်ခဲ့တာပါဘဲ။ ဒါဆိုဘာလည်း။
-
ခုခေတ်က သင်ကြားရေး platform ပြောင်းသွားပြီ။ Online ကနေသင်တာက New Normal ဖြစ်နေပြီ။ ကိုဗစ်ကာလအပြီး သင်ကြားရေး ပလက်ဖေါင်းပြောင်းတဲ့အချိန် ကျွန်တော်က နိုင်ငံခြားမှာရှိနေတော့ သိပ်ခက်ခဲတယ် မထင်မိဘူး။ ဒါပေမယ့် ကျွန်တော် ဒီပြန်ရောက်ချိန်မှာတော့ အင်တာနက်က တမျိုးတဘာသာ ဖြစ်နေလေတော့ ကျွန်တော်မတက်ဖြစ်လိုက်တဲ့ seminar တွေလည်း အများကြီး။ အဲ့ဒိထက်ပိုဆိုးတာက ကျွန်တော် Main Speaker ပြောရမယ့် International Conference တစ်ခု အင်တာနက် က ဘယ်လိုမှ အဆင်မပြေလို့ မပြောရဘူး။ အိမ်ကနေပြောတယ်မရဘူး၊ ဘေးအိမ်ကပြောတယ် မရဘူး၊ ဝိုင်ဖိုင်ရတဲ့ ကဖေးဆိုင်ပြေးတယ် မရဘူး။ နောက်ဆုံးတော့ တောင်းပန်လိုက်ရတယ်။ နောက်ပြဿနာက VPN တဲ့ ။ ကျွန်တော် ခံထားတဲ့ VPN ကို သူတို့ဖက်က platform က လက်မခံတာ။ နောက်တခုကလည်း ဥပမာ - viber ဆို vpn နဲ့သုံးရတာလား၊ vpn ဖြုတ်သုံးရတာလားဆိုတာ အခုထိ သေချာနေတဲ့ အဖြေမရှိသေးဘူး။ တခါတလေ ပို့တာမရောက်လို့ vpn ပြောင်းလိုက်မှရောက်တာမျိုး။ နောက်တခါ not connecting ဖြစ်နေတာကြောင့် VPN ဖြုတ်လိုက်မှရတာမျိုးတွေ ရှိနေတာတော့ ဘာကိုအမှန်ယူရမယ်မသိပါဘူး။ မြန်မာပြည်ပြန်ရောက်တာလည်း ၁ နှစ်ပြည့်ပါပြီ။ အခုထိ online learing platform တွေက အရူးလင်လုပ်နေရသလိုမျိုး။ အင်တာနက်ကလည်းဒီရက်ထဲ ကောင်းမနေလို့ စိတ်ဖိစီးတာလည်း ပါပါတယ်။ အထူးသဖြင့် သင်တန်းချိန် ၇ နာရီ မှာ peak hour ဖြစ်လို့ အတော်ကြပ်နေပုံရပါတယ်။
-
အဲ့ဒါကြောင့် အခု စာသင်မယ်ဆိုတော့ online က သင်ဖို့ကို စိတ်ဖိစီးနေတာပါ။ သင်တဲ့သူရော၊ သင်ခံရတဲ့သူတွေရော လိုင်းအခက်အခဲ၊ နည်းပညာအခက်အခဲတွေရှိနိုင်ပါလိမ့်မယ်။ မတတ်သူကိုတတ်သူက ပြန်သင်ရင်း သွားကြတာပေါ့။
-
အခု post က သင်တန်းကြော်ငြာတော့မဟုတ်ပါဘူး။ သင်တန်းကလည်း လူပြည့်သွားပါပြီ။ တဝက်လောက်ကတော့ ကျွန်တော့်အမျိုးတွေ ပါဆိုသလိုပေါ့။ ဒါပေမယ့်လည်း အရင်က ပြောထားပြီးတော့ email မရလို့ ၊ ဆက်သွယ်မရလို့ ဆိုတဲ့ တယောက်နှစ်ယောက်ပဲ လာပြောပါတော့ခင်ဗျာ။ ဖုန်းဆက်ပြောတာတော့ မြန်မြန် action ယူပေးလို့ရပါတယ်။
-
Email - [email protected]
Phone - +9595190536 (Viber)
PS. Google Meet, Google Classroom, Google Form တွေသုံးတတ်ဖို့ ဒီ Page မှာတင်ပေးမှာမို့ Page ကို follow လုပ်ပေးကြပါဦး။

Engineering Geology for Beginners သင်တန်း နောက်တပတ် စနေနေ့ ညနေ ၇ နာရီလောက် စပါမယ်ခင်ဗျ။ ပြည်တွင်းပြည်ပ သက်ဆိုင်ရာကျွမ်းက...
24/01/2026

Engineering Geology for Beginners သင်တန်း နောက်တပတ် စနေနေ့ ညနေ ၇ နာရီလောက် စပါမယ်ခင်ဗျ။ ပြည်တွင်းပြည်ပ သက်ဆိုင်ရာကျွမ်းကျင် ဆရာများလည်း ပါဝင် သင်ကြားဖို့ ဖိတ်ထားပါတယ်။ သင်တန်းအပ်ထားတဲ့ သူများကလည်း နောက်ဆုံးနှစ်ကနေ ပါရဂူ candidate အထိ၊ ဘူမိ၊ အင်ဂျင်နီများ၊ ပတ်ဝန်းကျင် နဲ့ အခြား ဘွဲ့ရများ ၊ အတွေ့အကြုံအသီးသီး ရှိသူများပါလို့ Diverse ဖြစ်လို့ သင်ကြားရင်း ဆွေးနွေး အဖြေရှာလို့ရပါတယ်။ အဲ့ဒါအပြင် အလုပ်အကိုင် အခွင့်အရေးများကိုလည်း ဆွေးနွေးနိုင်မှာဖြစ်ပါတယ်။ ကုမ္မဏီအချို့ကိုလည်း လက်တွေ့ဆင်းချင်ရင် သင်ပေးပါမည့်အကြောင်း တောင်းဆိုထားလို့ ကူညီမည့်အကြောင်း ပြန်ကြားထားပါတယ်။
-
Academic ဖက်က သင်တန်းသားတချို့ကလည်း research / publication ဖက်ကူဖို့ ကြိုပြောထားလို့ တတ်နိုင်တဲ့ဖက်ကကူဖို့ ရှိနေပါတယ်။ ကျောင်းသား ၄ ယောက်လောက်တော့ နောက်ထပ် လက်ခံနိုင်ပါသေးတယ် ခင်ဗျ။ second batch ဖွင့်ဖို့ကလည်း အခု 10 weeks ပြီးမှ ဖွင့်နိုင်မှာမို့ တက်ချင်တဲ့သူများရှိရင် လက်တို့ သတိပေးကြပါဦး။ လူဦးရေ ကန့်သတ်ထားတာကလည်း ကျွန်တော် correction လုပ်ဖို့ ၊ မေးခွန်းတွေကို သေချာပြန်ဖြေ , comment ပေးဖို့ ကန့်သတ်ထားတာပါ။
First Batch ဆိုပေမယ့် ကျွန်တော့်မှာ ပြည်တွင်းပြည်ပ သင်ကြားရေးအတွေ့အကြုံ၊ သုတေသနအတွေ့အကြုံ၊ ဂျူနီယာ ဘူမိအင်ဂျင်နီယာကနေ ဌာနမှုးအထိ အလုပ်လုပ်ခဲ့တဲ့အတွေ့အကြုံ များရှိပါတယ်။ ပိုပြည့်စုံပိုကောင်းအောင်လည်း အမြဲစဉ်းစားလုပ်ဆောင်နေတာမို့ သင်တန်းပြီးရင် အကျိုးရှိဖို့ အာမခံပါတယ်။

Engineering Geology ကို ဘယ်လိုနေရာတွေမှာသုံးလို့ရလည်းဆိုတော့-🏢အဆောက်အဦးတွေ၊ လမ်းတွေ၊ တံတားတွေ၊ တမံတွေ ဆောက်တဲ့နေရာမှာ အဓ...
19/01/2026

Engineering Geology ကို ဘယ်လိုနေရာတွေမှာသုံးလို့ရလည်းဆိုတော့-
🏢အဆောက်အဦးတွေ၊ လမ်းတွေ၊ တံတားတွေ၊ တမံတွေ ဆောက်တဲ့နေရာမှာ အဓိက သုံးပါတယ်။
အဲ့ဒါတင်မကပါဘူး -
💎 ရွှေ ၊ သတ္တု၊ ကျောက်မျက်ရတနာ များနှင့် ဆောက်လုပ်ရေးသုံး ကျောက်များကို တူးဖေါ်တဲ့ သတ္တုကဏ္ဍမှာလည်း ဥမှင်တွေဖေါက်တဲ့နေရာ၊ မြေကျင်းကြီးများတူးတဲ့နေရာ၊ တောင်များဖြိုတဲ့နေရာမှာ မပါမဖြစ်သုံးရပါတယ်
⛰️ တောင်တန်းတွေပေါ်မှာလူများနေထိုင်ကြတာအခါ၊ တောင်များပေါ်မှာ ဆောက်လုပ်ရေး၊ သတ္တု၊ စိုက်ပျိုးရေးလုပ်ငန်းတွေ လုပ်တဲ့အခါ တည်တန့်ခိုင်မြဲစေဖို့ ၊ လိုအပ်တဲ့သယံဇာတကိုရရှိဖို့ Engineering Geology ကို မပါမဖြစ်သုံးရပါတယ်
🏠 ကမ္ဘာလူဦးရေတဖြည်းဖြည်းနဲ့များလာတာကို ကာမိဖို့ မြို့ပြများချဲ့ထွင်ရပါတယ်။ အဆိုပါမြို့ပြများတည်ဆောက်ရာတွင် နေရာရွေးမမှားဖို့၊ အဆောက်အဦးစက်ရုံများခိုင်ခန့်စေရန်၊ ရေရှည်တည်တန့်ခိုင်မြဲစေရန်၊ သဘာဝဘေးအန္တရာယ်မှ လွတ်ကင်းစေဖို့ ရွေးချယ်ရာမှာလည်း အသုံးဝင်ပါတယ်
⚠️ ကျွန်တော်တို့ဟာ သဘာဝဘေးအန္တရာယ်နဲ့ အမြဲအတူယှဉ်တွဲနေထိုင်ကြရပါတယ်။ သဘာဝဘေးတွေဟာတားဆီးလို့မရနိုင်သေးဘူး။ ဒါပေမယ့် ကိုယ့်အသက်အိုးအိမ်စည်းစိမ်တွေမပျောက်ပျက် မလျော့ပါးအောင်လို့တော့လုပ်လို့ရနေပါတယ်။ အဆိုပါသဘာဝဘေးအန္တရာယ်လျော့ချရေးတွေမှာလည်း အင်ဂျင်နီယာ ဘူမိ ဘာသာရပ်ဟာ အထိုက်အလျောက် ပါဝင်နေပါတယ်.
♻️ နောက်ဆုံးကတော့ သဘာဝပတ်ဝန်းကျင်ထိန်းသိမ်းရေးလုပ်ငန်းများပါ။ ဆည်တွေဆောက်မယ်၊ သတ္တုတူးဖေါ်မယ်၊ မြို့ပြတွေတည်ဆောက်တဲ့အခါ အထိုက်အလျောက် သဘာဝပတ်ဝန်းကျင်ပျက်တတ်ပါတယ်။ သဘာဝဘေးတွေ တိုးလာတာက အစ၊ ရာသီဥတုပြောင်းလည်းတာအလယ်၊ သယံဇာတ ရှားပါးလာတာအဆုံး ဖြစ်နိုင်ပါတယ်။ ဖွံ့ဖြိုးရေးလုပ်ငန်းများသည်လည်း မလုပ်လို့ မဖြစ်တဲ့အခါ အတတ်နိုင်ဆုံး ပတ်ဝန်းကျင်ပျက်စီးမှုနည်းအောင်၊ လူမှုစီးပွားပျက်စီးမှုနည်းအောင်၊ အကျိုးများပြီးအပြစ်နည်းအောင် ပတ်ဝန်းကျင် ထိန်းသိမ်းရေးသမားတွေက လုပ်ဆောင်ရပါတယ်။ ပတ်ဝန်းကျင်သမားများအနေနဲ့ ကမ္ဘာ့ဖြစ်စဉ်တွေကိုနားလည်မှသာ ထိထိရောက်ရောက်ဆောင်ရွက်နိုင်ပါလိမ့်မယ်။
အဲ့ဒါအပြင်အခြားအသုံးပြုနိုင်တဲ့နယ်ပါယ်တွေရှိပါမယ်။ ဥပမာ မြစ်ကြောင်းထိန်းသိမ်းရေး၊ မြေအောက်ရေ စသည်တို့ဖြစ်ပါတယ်။
-
အဲ့ဒိအခြေခံအင်ဂျင်နီယာဘူမိအချက်အလက်များကို သိနိုင်အောင် Engineering Geology for Beginners - Batch 1 ကို 31.1.2026 နေ့မှာ စတင်ဖွင့်လှစ်ပါမယ်။
သင်ကြားမည့်သူများကတော့ ကျွန်တော် ဒေါက်တာကျော်စွာမြင့်သိန်း (D.Engg, M.Engg, M.S, B.Sc-Hons) က ဦးဆောင်သင်ကြားပြီး သက်ဆိုင်ရာ ကျွမ်းကျင်သူများကိုလည်း ဖိတ်ကြားပေးပါ့မယ်ခင်ဗျာ။ ဘယ်သူတွေတက်ရောက်နိုင်လည်းဆိုတော့ အခုပြောထားတဲ့ နယ်ပါယ်အသီးသီးမှာ အလုပ်လုပ်နေသူများ တက်ရောက်ဖို့သင့်တော်ပါတယ်။ တက်ဖို့စာရင်းပေးသူများမှာ ဘူမိဗေဒ အခြေခံမဟုတ်သူများပါလို့ အခြေခံဘူမိဗေဒ က စသင်ကြားပေးမှာပါ။ ဘူမိဘွဲ့ရကျောင်းသားများအပြင် တတိယနှစ်လောက်အထိ ကျောင်းပြီးထားသူများလည်းတက်ရောက်နိုင်အောင် သင်ရိုးဆွဲထားပါတယ်။
-
အလုပ်လုပ်ဖို့အတွက် တတ်မြောက်အောင်သင်ကြားမှာဖြစ်တဲ့အတွက် ကျောင်းသား - ဆရာ အပြန်အလှန်ဆွေးနွေးကြဖို့လည်းတိုက်တွန်းပါတယ်။ အဲ့ဒိအပြင် သင်နေရင်း၊ course ထဲမပါတဲ့ အခြေခံသင်ခန်းစာများကိုလည်း request လုပ်နိုင်ပါမယ်။ အပိတ်မှာ ကမ္ဘာမှာ ဘူမိဖြစ်စဉ်တွေကို ဂရုမပြုလို့ လွဲမှားခဲ့တဲ့ နိုင်ငံတကာ Case study များကိုလည်း သင်ကြားပေးမှာဖြစ်ပါတယ်။ တက်ဖို့ မတက်ဖို့ ဝေခွဲမရရင်လည်း ကျွန်တော့်ကို သို့မဟုတ် SWG တာဝန်ရှိသူတစ်ဦးဦးကို ဖုန်းဆက်ဆွေးနွေးနိုင်ပါတယ်။ သင်တန်းဆရာဖက်က တခုတောင်းဆိုချင်တာကတော့ အတန်းပြီးအောင် တက်ဖို့ပါဘဲ။ Lecture ချိန်မမှီလည်း Record Video ကိုကြည့်ပြီး သံသယဖြစ်ဖွယ်များ၊ နားမလည်တာကို ဆရာနဲ့ video conferencing လုပ်နိုင်မယ့်အခွင့်အရေးရှိပါတယ်။ Soil Laboratory Practical အတွက်လည်း စီစဉ်ပေးနိုင်ပါတယ်။ Fresh Graduate များအတွက်လည်း အလုပ်အကိုင်များ ဖန်တီးနိုင်ဖို့ အခွင့်အရေး ရှိပါလိမ့်မယ်။
-
သင်တန်းချိန်ကတော့ စနေ - တနင်္ဂနွေ အပတ်တိုင်း ည ၇ နာရီကနေ ၉ နာရီ အထိအချိန်ယူပါမယ်။ သင်တန်းကြေး ၁၅၀၀၀၀ ယူပါမယ်။ သင်တန်းကြေးအခက်အခဲရှိရင်လည်း request လုပ်ပါခင်ဗျာ။ နောက်ထပ်လည်း သင်ကြားမယ့် သင်တန်းတွေ ရှိပါတယ်။
- Environmental Geology
- Disaster Preparedness and Mitigation
- Geo-spatial Technology for Specific Purpose များသင်ကြားဖို့ စီစဉ်နေပါတယ်။
ဆက်သွယ်ရန်
ဒေါက်တာကျော်စွာမြင့်သိန်း +9595190536 (Phone - Viber)
SWG office - 09 250 560 618
Email - [email protected]
အပြင် SWG Messenger ကလည်း ဆက်သွယ်နိုင်ပါတယ်။

Engineering Geology for Beginners - Batch 1 ကို 31.1.2026 မှာ စပါမယ်။ အချိန် ၂၀ ရှိတာကြောင့် တပတ်ကို စနေ - တနင်္ဂနွေ ၂ ခ...
15/01/2026

Engineering Geology for Beginners - Batch 1 ကို 31.1.2026 မှာ စပါမယ်။ အချိန် ၂၀ ရှိတာကြောင့် တပတ်ကို စနေ - တနင်္ဂနွေ ၂ ချိန်သင်ပါမယ်။ Lecture ချိန်ကိုတော့ မြန်မာစံတော်ချိန် ည ၇ နာရီမှာစတင်ပါမယ်။ Lecture + Q&A ကြာချိန် ၂ နာရီလောက်တော့ ခန့်မှန်းပါတယ်။ Google Meet က သင်ကြားပါမယ်။ Lecture ချိန်မမှီလည်း Record Video လေး နောက်ရက်တင်ပေးပါမယ်။ အဲ့ဒါအပြင်မေးစရာရှိရင်လည်း ကြိုတင် appointment ယူပြီး သင့်တော်ရာ platform ကနေ message / video call နဲ့ မေးမြန်းနိုင်ပါမယ်။ သင်တန်းအပ်ဖို့ အခု Facebook Messenger ကနေ သို့မဟုတ်
email: [email protected]
Phone/Viber : +9595190536 ကနေ ဆက်သွယ်နိုင်ပါတယ်။
သင်တန်းကြေး ၁၅၀၀၀၀ သတ်မှတ်ထားပါတယ်။
-
ဘယ်သူတွေတက်လို့ရနိုင်မလည်းဆိုတော့ Soil Test / Geotechnical Engineering / Engineering Geology များနှင့်အလုပ်လုပ်မည့်သူ သို့မဟုတ် လက်ရှိလုပ်ကိုင်နေသောသူများအတွက်သင့်လျော်ပါတယ်။ Beginner course ဖြစ်တဲ့ အတွက်ကြောင့် အတွေ့အကြုံမရှိသူများလည်းတက်ရောက်နိုင်ပါတယ်။ အနယ်နယ်အရပ်ရပ်က တက်ရောက်ဖို့ စာရင်းပေးထားကြလို့ online ကပဲ သင်ကြားပါမယ်။ ရန်ကုန်မှာ ရှိသူများတော့ Laboratory မှာ practical ဆင်းဖို့ စီစဉ်ပေးပါမယ်။ site visit သွားချင်တဲ့သူများရှိရင်လည်း ရန်ကုန်အနီး project ရှိတဲ့အခါ စီစဉ်ပေးလို့ရပါတယ်။ Geology, Engineering သို့မဟုတ် soil and rock lab technician တွေအတွက် ဘွဲ့ရမဟုတ်လည်း တတိယနှစ်၊ နောက်ဆုံးနှစ် ပညာအရည်အချင်းရှိပါက တက်ရောက်နိုင်ပါတယ်။
အချိန်၊ သင်တန်းကြေး အခက်အခဲရှိပါက ဆွေးနွေးနိုင်ပါတယ်။
သိလိုတာရှိပါကလည်း အထက်ပါ ဖုန်း၊ အီးမေးလ်၊ ဆိုရှယ်မီဒီယာများမှတဆင့်မေးမြန်းလို့ရပါတယ်ခင်ဗျ။ အရင်စာရင်းပေးထားသူများကို confirmation google form များကို မကြာခင်ပေးပို့သွားပါမယ်။

ကိုယ့်ဝန်ထမ်းတွေကို ပြန်သင်ရင်း Engineering Geology သင်တန်းလေး စဖွင့်ပါမယ်။ အခုသင်ရမယ့်လူတွေထဲ Geology နဲ့ ကျောင်းမပြီးထ...
30/12/2025

ကိုယ့်ဝန်ထမ်းတွေကို ပြန်သင်ရင်း Engineering Geology သင်တန်းလေး စဖွင့်ပါမယ်။ အခုသင်ရမယ့်လူတွေထဲ Geology နဲ့ ကျောင်းမပြီးထားတဲ့သူတွေပါနေတော့ Engineering Geology မစခင် သိသင့်သိထိုက်တဲ့ အခြေခံဘူမိဗေဒလည်းသင်ဖို့ ရှိပါတယ်။ အခြေခံဆိုပေမယ့် ကျောက်ကြီးသုံးမျိုးနဲ့ basic classification, structural geology, Geo-morphology, soil profile and deposition environment, tectonic, earth processes, groundwater စတာတွေနဲ့ Engineering Geology မှာ သိသင့်သိထိုက်တဲ့ အခြေခံများသင်မှာမို့ အနည်းဆုံး ဘူမိဗေဒကို ၆ ချိန်လောက် အချိန်ယူပါမယ်။ အားလုံးပေါင်း ၁၆ ချိန်ကနေ ၁၈ ချိန် သင်ကြားမှာမို့ site investigation အဆင့်ဆင့်မှာ ပါဝင်သင့်တဲ့ item တွေ၊ in situ testing တွေ၊ lab test အချို့ကို ထဲထဲဝင်ဝင် သင်ကြားပေးမှာ ဖြစ်ပါတယ်။ အဲ့ဒါအပြင် Engineering Geology မှာ အခြေခံကျတဲ့ မြေပုံများ ပြုလုပ်ခြင်း၊ ဖတ်ခြင်း တို့ကိုတချိန်သီးသန့်သင်ပါမယ်။ ရရှိလာတဲ့ အချက်အလက်များကို မြေပုံများ ဘယ်လိုဆွဲမလည်းဆိုတာကို သင်ကြားရမှာမို့ coordinate system က စပြီးသင်ကြားပေးပါမယ်။
Engineering Geologist ရဲ့ တာဝန်ဟာ site ထဲ မှာ record ယူ၊ lab testing စမ်းရုံတင်မပြီးသေးပါဘူး။ Development လုပ်မဲ့ infrastructure / project ကို ထိခိုက်စေနိုင်တဲ့ on going geological processes / baseline disaster တွေအကြောင်းနဲ့ project ကြောင့် ဖြစ်လာနိုင်တဲ့ geological impact/disaster တွေကို သတိပေးရမှာဖြစ်ပါတယ်။ အဲ့ဒါကြောင့် Geo-environment and Geo-hazard Assessment တွေ အကြောင်းကို တစ်ချိန် သို့မဟုတ် နှစ်ချိန်သင်ကြားမှာပါ။ အဲ့ဒါအပြင် နောက်ဆုံးအချိန်မှာ Forum တစ်ခု ပြုလုပ်ပြီး သင်တန်းသားတွေရဲ့ အကြံပြုချက်များကို သင်ကြားဆွေးနွေး မှာပါ။
-
Introduction course ဖြစ်တဲ့ အတွက်ကြောင့် Analytical Method တွေ၊ Geophysics, soil mechanics, rock mechanics, foundation engineering တို့တော့ ပါမှာ မဟုတ်ပါဘူး။ ဒါပေမယ့်လည်း Advance Level မှာတော့ သင်ကြားမှာပါ။ သင်တန်းဒုတိယ နဲ့ တတိယအကြိမ် ဆက်ဖွင့်မလား၊ advance ဆက်ဖွင့်ဖြစ်မလားဆိုတာကတော့ အခြေအနေနဲ့ သင်တန်းသားတွေရဲ့ စိတ်ပါဝင်စားမှုပေါ်မူတည်ပါတယ်။
-
တကယ်တမ်းတော့ Engineering Geology သင်တန်းဆိုတာ လက်တွေ့နဲ့ တွဲပါနေတာဆိုတော့ on site သင်တန်းများသာ အသင့်တော်ဆုံးပါ။ ဒါပေမယ့် အခြေအနေအရ အလုပ်တဖက်နဲ့ တက်ရမယ့်သူ၊ နယ်ကသင်ရမယ့်သူတွေ ရှိနေလေတော့ virtual class ပဲသင်ပါမယ့်။ Site and Lab intern/training ဆင်းချင်တဲ့သူတွေကိုတော့ project ရှိတဲ့အခါ စီစဉ်ပေးပါမယ်။ Google Meet and Google Classroom နဲ့ သင်ကြားပါမယ်။ Lecture ချိန် ၂ နာရီ နဲ့ assignment များရှိပါမယ်။ assignment တွေက တော့ သင်ထားတာကို Google Sheet နဲ့ တင်ရမှာဖြစ်ပါတယ်။ Assignment များအားလုံးတင် ပြီးရင်တော့ completion certificate ပေးမှာဖြစ်ပါတယ်။ Assignment မှာ objective type (multiple choice) များပါမှာဖြစ်သလို၊ short answer နဲ့ ကိုယ့်ထင်မြင်ချက် (creative thinking / potential thinking) တွေပါမှာဖြစ်ပါတယ်။
-
ဘယ်သူတွေတက်ဖို့သင့်တော်လည်းဆိုတော့ Engineering Geology ကို စိတ်ဝင်စားသူ၊ Engineering Geology နဲ့ အလုပ်လုပ်စားမည့်သူ၊ soil test / geotechnical investigation အလုပ်လုပ်စားမည့် မည်သည့်ဘွဲ့ရသူများမဆို တက်ဖို့ အဆင်ပြေပါတယ်။ မြန်မာဘာသာနဲ့သင်မှာဖြစ်ပေမယ့် English term တွေ English Reference တွေတော့ ရှာ ဖတ်ရမှာဖြစ်ပါတယ်။ Assignment ကိုလည်း English နဲ့ ဖြေရပါမယ်။ ခေါင်းထဲမှတ်မိနေအောင် သင်နေရင်း စာတော့မေးပါမယ်။ ဒါကလည်း teaching strategy တစ်ခုဖြစ်လို့ ငါစာမရရင်ဒုက္ခဆို တွေးပူနေစရာမလိုပါဘူး။ ကိုယ်တိုင်လည်း မသိတာတွေ အများကြီးရှိပါတယ်။ တခုခုကို အဖြေတန်းပြောတာထက် တွေးခိုင်းစဉ်းစားခိုင်းပြီးမှ အဖြေမှန်ကို သိရတာက လက်တွေ့အတွက် ပိုအသုံးဝင်ပါတယ်။ Lecture မမှီတဲ့သူလည်း မပူပါနဲ့ record video နဲ့ lecture slide တွေကိုဖြန့်ဝေမှာပါ။ မေးခွန်းတစ်ခုရှိပါမယ်။ တချို့ဘွဲ့မရသေးတဲ့သူများတက်လို့ရပါသလားဆိုတာမျိုးပေါ့ ။ စိတ််ဝင်စားရင် တတိယနှစ်နဲ့နောက်ဆုံးနှစ် ကျောင်းသားတွေလည်း တက်လို့ရပါတယ်။ soil test ကို vocational training သဘောမျိုးနဲ့ တက်လို့ရပါတယ်။ အချိန်ပေးနိုင်ရင် Lab မှာ training ဆင်းလို့ရပါတယ်။
-
ဘယ်သူတွေမတက်သင့်ဘူးလည်းဆိုရင် DAG-EG ပြီးပြီးတဲ့သူတွေ ၊ Master - EG သမားတွေမတက်သင့်ပါဘူး။ သိပြီးသားတွေ အချိန်ကုန်ပါတယ်။ Analytical Method တွေ သိချင်ရင် Advance မှာတက်လို့ရပါတယ်။ နောက်တခုကတော့ စိတ်မဝင်စားရင် မတက်ပါနဲ့ ။ သင်တန်းလည်းပြီး စာတွေလည်းမေ့ ဆိုရင်တော့ ပိုက်ဆံနဲ့အချိန်ကုန်ပါတယ်။
-
သင်တန်းကို January လ လယ်မှာ စနိုင်အောင် စီစဉ်ထားပါတယ်။ တပတ်ကို lecture ၁ ခု assignment တစ်ခု သို့မဟုတ် lecture 2 ခု assignment 2 ခု သင်နိုင်မလားဆိုတာတော့ သင်တန်းသားတွေကို စစ်တမ်းကောက်ပါဦးမယ်။
သင်တန်းစမည့်ရက်၊ သင်တန်းကြေး၊ သင်ရိုးမာတိကာများ ကို ဆက်လက်ဖေါ်ပြသွားပါမယ်။ သင်တန်း စာရင်းကြိုပေးလိုသူများ chat-box မှ စာရင်းပေးနိုင်ပါတယ်။ သင်တန်းကြေး တသိန်းခွဲထက်မပိုတဲ့ ငွေကြေးပါ။ သင်နေရင်း ဈေးဆစ်လို့လည်း ရနိုင်မှာပါ။

Address

No. 165, Sein Yati Street, Yadanar Kyun Avenue, North Okkalapa Township
Yangon

Opening Hours

Monday 09:00 - 17:00
Tuesday 09:00 - 17:00
Wednesday 09:00 - 17:00
Thursday 09:00 - 17:00
Friday 09:00 - 17:00
Saturday 09:00 - 17:00

Website

Alerts

Be the first to know and let us send you an email when Strata Wisdom Group Company Limited posts news and promotions. Your email address will not be used for any other purpose, and you can unsubscribe at any time.

Shortcuts

Share

Category