18/04/2026
🔴 كل التضامن مع ناس ديال لافيراي السالمية بالدار البيضاء 🤲
كيفما في خبار الجميع، السلطات طلبات من الحرفيين والتجار ديال لافيراي السالمية باش يخويو المحلات ديالهم في أقرب وقت، والمشكل هو أنه ماينش بديل ملموس ولا حل واضح يضمن ليهم المستقبل ديالهم.
حنا عارفين بلي في أي ميدان كاين المزيان والخايب، ولكن رسالتنا اليوم للناس الشرفاء، المعقولين، لي كيخدمو من الصباح للصباح وسط الزيت والوسخ غير باش يوكلو وليداتهم بالحلال ويحافضو على كرامتهم. هاد الناس هوما لي كيعتقونا ديما فاش كتخسر لينا الطوموبيل، وهوما جزء من تاريخ الدار البيضاء.
قطع الأعناق ولا قطع الأرزاق... كنتمناو من المسؤولين يلقاو حل يرضي الجميع، ويعطيو لهاد الناس بديل يحفظ كرامتهم ومصدر رزقهم.
الله يدير ليهم تاويل ديال الخير 🙏
شارك البوسط باش يوصل صوتهم.
#تضامن #المغرب
