المعماري شهاب الزيتوني

31/05/2026

الصمت في حرم الجمال جمال 💙

31/05/2026

بداية شهر جديد"
1/6/2026💙
"نسأل اللّٰه أن يجعله شهراً مليئاً بالخير والبركة، والتوفيق، وأن يحمل معه تحقيقاً للأمنيات وتيسيرا لكل عسير 💙

31/05/2026

📢 لو قالك المقاول: "فوته المهندس" 🤔

الترجمة الحقيقية:
"نبي نخدم بدون ما حد يراقبني باش نلعبلك في البني براحتي" 😂

علاش يقولها؟
لأن المهندس هو الشخص الوحيد اللي فاهم اللعبة. يعرف وين يوفرو الحديد، ووين يغشو في الشمنت، ووين يرقعو بالتراب.

المهندس مش عدو المقاول النظيف.
المهندس عدو الغش بس.

تبي حوشك يقعد واقف؟ خلي المهندس يشرف عليه 👷‍♂️


2. لو قالك: "الخريطة هادي معقدة، تو نبسطهالك في الموقع"
الترجمة: "الخريطة متعوب عليها وأنا نبي نوفر جهد وفلوس، فبنخربلك التصميم ونقولك هذا هو التبسيط" 😅

3. لو قالك: "كلها تدير فيها هكي ومافيش حد يشكي"
الترجمة: "كل الغشاشين يديرو فيها هكي، والمشاكل تبان بعد سنة لما نكون أنا مروح"

4. لو قالك: "شن بدير بيه الإشراف؟ زايد مصاريف"*
الترجمة: "الإشراف هيكشف كل الأخطاء اللي بنديرها، فخليك أعمى أحسنلي"

5. لو قالك: "الحديد غالي، نقصو منه شوية مش حيصير شي"
الترجمة: "نبي نوفر في جيبي، ونبي نوفر جهدي ولو الحوش طاح بعدين قول قدر الله وما شاء فعل"

31/05/2026

31/05/2026

يا جماعة الخير 😅

لاحظت الفترة الأخيرة هلبا ناس يقولك "علاش نمشي لمهندس؟ نديرها بالـ Ai وخلاص"

تي باهي يا حاج الـ Ai هذا كان قلتله ديرلي دار 4×5 يطلعهالك 4×50 ويقولك "تفضل، اهو وسعنا عليك شوية" 😂

والمصيبة الثانية جماعة الواجهات والرندر بالـ Ai* 📸
يعطيك واجهة تقول قصر من الخيال، فيها شجر يطلع من الرواشن وبحر قدام الباب... تجي في الواقع تلقى روحك في عين زارة مش في المالديف 🌴🤦‍♂️

الرندر متاعه يلمع ويرفرف، لكن قوله وين مقاس الشباك؟ يقولك "الجمال لا يقاس" يا باااااشا 😂

راهو التصميم مش صورة حلوة وخلاص. هذا قياس بالملي، حديد، خرسانة، صرف صحي. الغلطة فيه تكلفك هدم وبناء من جديد.

تخيل الـ Ai يصمملك مطبخ... يجيك الدولاب معلق في السقف والغاز تحت السرير ويقولك "تصميم مبتكر" 🤦‍♂️

#الخلاصة:
الـ Ai يطلعلك صورة تحطها خلفية تلفون، لكن المهندس هو اللي يضمنلك الحوش ما يطيحش 👷‍♂️

الذكاء الاصطناعي مش مهندس .

📐 مكتب شهاب الزيتوني - نرسموها بالعقل قبل ما نبنوها باليد
📍 طرابلس - عين زارة القبايلية
📞 0919368499

#طرابلس

31/05/2026

📐 مكتب للتصميم المعماري والديكور

نقدم خدمات التصميم المعماري والتصميم الداخلي والإشراف على التنفيذ باحترافية عالية.

🏗️ خدماتنا تشمل:
- تصميم معماري ومخططات تنفيذية
- تصميم داخلي ثلاثي الأبعاد 3D
- الإشراف الهندسي على المشاريع
- استشارات هندسية

📍 العنوان: طرابلس - عين زارة القبايلية، بالقرب من مسجد القبايلية
📞 للحجز: 0919368499

#معماري #مهندس

30/05/2026

علاش غالي التصميم الداخلي يا هندسه هي كلها شوية اثاث شن فاها من صعوبه✨

النتيجه 👇😅🙂

30/05/2026

متوفر تصميم معماري شامل الانشائي والاظهار الخارجي✅

متوفر تصميم داخلي ✅

متوفر رفع مساحي ✅

متوفر زيارة ميدانية ✅

للتواصل والاستفسار عبر بريد الصفحة 📩
او الاتصال 0919368499 📞

عنوان المكتب طرابلس عين زارة القبايلية بالقرب من مسجد القبايلية 🏠

30/05/2026

الحمد لله الذي أتمّ علينا فرحة العيد، وكل عام وأنتم بخير.

يعلن مكتب المعماري *شهاب الزيتوني* عن استئناف العمل بشكل رسمي اعتباراً من اليوم، بعد انتهاء إجازة عيد الأضحى المبارك.

*نعتذر لعملائنا الكرام* عن عدم الرد على المكالمات والرسائل خلال فترة الإجازة، ونقدّر تفهّمكم الكريم.

نؤكد لكم أنه سيتم *استكمال كافة الأعمال والمشاريع المعلّقة* لدينا، والتواصل مع أصحابها خلال الأيام القادمة حسب أولوية الاستلام.

نحن على أتم الاستعداد لاستقبال استشاراتكم الجديدة ومتابعة مشاريعكم الحالية بكل احترافية ودقة.

للتواصل وحجز المواعيد:
*الهاتف / واتساب: 0919368499*

عنوان المكتب:
طرابلس - عين زارة - القبايلية
بالقرب من مسجد القبايلية

مع خالص الشكر لثقتكم الدائمة،
مكتب المعماري شهاب الزيتوني
#ديكور #طرابلس

28/05/2026

"عيدكم مبارك، وكل عام وأنتم بخير وصحة وعافية"."تقبل الله منا ومنكم صالح الأعمال، وجعل أيامكم كلها أعياداً وفرحة"."كل عام وأنتم إلى الله أقرب، ومن النار أبعد، وفي طاعته أدوم"."أسأل الله أن يملأ قلوبكم بالبهجة، ويتقبل طاعاتكم".
كل عام وانتم بألف خير 💙