Nara House

03/08/2026

2026 July 31 မှာညလုံးပေါက်အိပ်မရခဲ့ပါ။ နေ့ကူးသွားပြီး 2026 August 1 ရက်နေ့ မနက် ၀၃:၃၀ နာရီကျော်မှာအိပ်ပျော်သွားပြီးခဏ အမေစုကိုအိပ်မက်မက်တယ်။ အနက်ခံပေါ်မှာငှက်ခါးရောင်ချိတ်ကလေးနဲ့လုံချည်ရယ် ငှက်ခါးရောင်အင်္ကျီရင်ဖုံးလက်ရှည်လေးရယ်ဝတ်ပြီး အိပ်မက်ထဲမှာကြည်သန့်ထင်ရှားနီးကပ်စွာအတူရှိနေတယ်လို့မြင်မက်လိုက်ရတယ်။
ဒီနေ့ 2026 August 3 မှာတော့ သတင်းတွေမြင်ရတယ်။
အမေစုနေကောင်းကျန်းမာပါစေ။

27/07/2026

Nara မှာနွေ ရန်ကုန်မှာမိုး။
ရန်ကုန်မိုးဆိုတာက သည်းကြီးမည်းကြီးရွာတတ်တာမို့ Nara မှာနွေနေပူတော့ ရန်ကုန်မိုးကိုသတိရမိပြန်တယ်။
ဥတုရာသီ သဘာဝ ကိုယ်စီလှပကြလေသည်။

27/07/2026

Nara နွေ

နွေရဲ့သင်္ကေတ ဆဲမိ (せみ Cicada) လေးတွေရဲ့အသံနဲ့ညံစီလို့နေတယ်။ Nara ဟာ Tokyo လောက်မပူဘဲစိမ်းလန်းစိုပြေပါတယ်။ မြက်ပင်ရှည်ရှည်တွေကစိမ်းလို့ ချယ်ရီပင်တန်းကလည်းစိမ်းလန်းလို့ မိုမိဂျိရွက်တွေကလည်းစိမ်းစိမ်းညို့ညို့ ဘယ်ကိုကြည့်ကြည့် မြင်လေရာရာစိမ်းစိုနေသည်သာချည်း။
စိတ်ကူးထဲမှာ လွမ်းစရာဥဩသံသာလေးထည့်ကြည့်မိသေးပေမယ့်မလိုက်ဖက်သလိုခံစားရတယ်။ Nara ရဲ့နွေဟာ ဆဲမိနဲ့သာလိုက်ဖက်သလို ချစ်စရာကောင်းပြီးသာယာပြည့်စုံနေပြီ။

03/05/2026

Padauk
パダウ

31/03/2026

31/03/2026

春が来た。
Spring has come.
နွေဦးရောက်ပြီ။

31/03/2026

နွေဦးပန်းများပွင့်လန်းချိန်

ကံ့ကော် ပိတောက်
မနက်ခင်းအိမ်တံခါးဖွင့်လိုက်တယ်ဆိုရင်ပဲ တိုးဝင်လာတဲ့မွှေးရနံ့တွေကသင်းပျံ့ကြိုင်လှိုင်နေတော့တာ။ အပျော်တွေကလည်းရင်ထဲမှာတလှပ်လှပ်။ တဆက်တည်းမှာပဲ စိတ်ကူးထဲမှာ ခူးရမယ်၊ ဘုရားကိုကပ်လှူမယ်၊ ဧည့်ခန်းမှာပန်းတအိုးအလှထိုးမယ်၊ ထမင်းစားပွဲပေါ်မှာပန်းတအိုးထားမယ်၊ ဓါတ်ပုံရိုက်မယ်၊ မှတ်တမ်းတင်ထားမယ်၊ အနီးအဝေးသူငယ်ချင်းတွေအားလုံးမြင်အောင် Facebook ပေါ်မှာတင်မယ် ဆိုတဲ့အတွေးတွေနဲ့လုပ်စရာအလုပ်တွေတပုံတပင်ကြီးတန်းစီများပြားသွားပြီးစိတ်တွေလှုပ်ရှားနေတော့တာ။ တက်ကြွခြင်း ပျော်ရွင်ခြင်း နှစ်သက်ခြင်း ကြည်နူးခြင်း စိတ်လှုပ်ရှားခြင်းတွေနဲ့ရသအစုံပေးတယ်။ နေ့တဝက်လောက်ကတော့တခြားဘာအလုပ်မှစိတ်မဝင်စားတော့ဘဲသူတို့နဲ့ဘဲအချိန်ကုန်နေရတော့တာပါပဲ။ ပန်းတွေပွင့်တဲ့ရက်များပြီးဆုံးမှဘဲ ကဲ .. ပြီးပါပြီ ဆိုတဲ့စိတ်နဲ့ကိုယ်ရောစိတ်ပါ ဣိဒ္ဒြေရတော့တယ်။

Sakura ချယ်ရီပန်းလေးတွေ
တနေ့တနေ့သစ်လွင်ရင့်သန်လာတဲ့အဖူးလေးတွေကိုနေ့တိုင်းအရိပ်တကြည့်ကြည့်နဲ့မထိရက်မတို့ရက်တမော့မော့မျှော်စောင့်ခဲ့ရတယ်။ ပင်လုံးကျွတ်ပွင့်ကြတဲ့အလှဆုံးအချိန်မှာ သူတို့ကိုတစိမ့်စိမ့်ကြည့်ပြီးကြည်နူးဝမ်းမြောက်ရတဲ့အင်မတန်ငြိမ်သက်အေးချမ်းတဲ့ရသကိုပေးကြတယ်။
သက်တမ်းကသိပ်မကြာတာမို့တပါတ်လောက်အနေမှာကြွေကာကျပြန်တော့လည်း ပန်းနုရောင်ပန်းဖတ်ကလေးတွေနဲ့ပန်းမြေပြင် ပန်းရေပြင် ပန်းခင်းတဲ့လမ်းနေရာအနှံ့ကဗျာလေးတွေပေါ့။

ချယ်ရီပင်အောက်မှာ ပိတောက်နဲ့ကံ့ကော်ကိုသတိရခြင်းပါ။

11/02/2026

Ohina-sama dolls display for HINAMATSURI on March 3.