20/04/2026
ئایا قەرزار دەتوانێت بە فێڵ موڵکەکەی بکات بە ناوی کەسێکی ترەوە بۆ ئەوەی قەرز نەداتەوە؟ ⚖️🏠
(بۆ بینینی زانیاری زیاتری یاسایی و خانووبەرە، تکایە فۆڵۆی پەیجەکەمان بکەن) 👍
زۆرجار ڕوودەدات کەسێک قەرزارە و کاتی دانەوەی قەرزەکەی هاتووە، بۆ ئەوەی موڵکەکەی لەلایەن دادگاوە دەستی بەسەردا نەگیرێت، دەچێت لەگەڵ کەسێکی جێگای متمانەی خۆی ڕێکدەکەوێت و موڵکەکەی دەکات بە ناوی ئەو کەسەوە. ئایا یاسا ڕێگە بەم فێڵە دەدات؟
لە ڕاستیدا نەخێر! بەپێی یاسا (المادتين ٢٦٣، ٢٦٤ من القانون المدني العراقي رقم ٤٠ لسنة ١٩٥١ المعدل - ماددەکانی ٢٦٣ و ٢٦٤ لە یاسای شارستانی عێراقی ژمارە ٤٠ی ساڵی ١٩٥١ی هەموارکراو)، دادگا بڕیارێکی زۆر گرنگ دەدات بە ناوی (عدم نفاذ تصرف المدین بحق الدائن - جێبەجێ نەبوونی ڕەفتاری قەرزارەکە لە بەرامبەر مافی خاوەن قەرزەکەدا).
ئەم بڕیارە بە زمانێکی سادەی ناو بازاڕ واتە چی؟
١- واتە فرۆشتنەکە هەڵناوەشێتەوە و موڵکەکە هەر بە ناوی کەسە نوێیەکەوە دەمێنێتەوە.
٢- بەڵام بۆ کەسی خاوەن قەرز، وەک ئەوە وایە هیچ گۆڕانکارییەک ڕووی نەدابێت! خاوەن قەرزەکە دەتوانێت لە ڕێگەی فەرمانگەی جێبەجێکردنەوە (تەنفیز) قەرزەکەی لەو موڵکە وەربگرێتەوە، تەنانەت ئەگەر موڵکەکە بە ناوی قەرزارەکەشەوە نەمابێت.
ئەم دوو زاراوەیە بزانە بۆ ئەوەی تووشی کێشە نەبیت:
🔹 (سيء النیة - نیەت خراپ): مەبەست لەو کڕیارەیە کە دەزانێت خاوەن موڵکەکە قەرزارە، بەڵام دەیەوێت یارمەتی بدات بۆ شاردنەوەی موڵکەکەی.
🔹 (سجل دائمي - تۆماری هەمیشەیی): ئەو پەڕەیەیە لە فەرمانگەی تاپۆ کە زانیارییە بنەڕەتییەکانی موڵکەکەی تێدا نووسراوە.
بۆچی فەرمانگەی تاپۆ ئەم کێشەیە لەسەر قەیدی موڵکەکە دەنووسێت؟
تەنها بۆ ئەوەیە کە ئەگەر لە داهاتوودا کەسێکی تر ویستی ئەو موڵکە بکڕێت، ڕاستەوخۆ بە (نیەت خراپ) دابنرێت، واتە ناتوانێت بڵێت "من نەمزانیوە ئەم کێشەی قەرزەی لەسەرە". بەمەش خاوەن قەرزەکە بە ئاسانی مافی خۆی وەردەگرێتەوە.
سەرچاوە: پەیجی فەرمی بەڕێوەبەرایەتی تۆمارکردنی خانووبەرەی دوو - سلێمانی (بە کەمێک دەستکارییەوە).
ـــــــــــــــــــــــــــــــــــــــــــــــــــــــــ
⚖️ حەق وتن ، پسپۆڕی ، بەردەوامی ⚖️
ئامادەکردنی: مەسعود تەحسین تۆفیق
✅ ئەزموونی دە ساڵ لە بواری ڕووپێوی (Surveying).
✅ ڕووپێوکار لە فەرمانگەی کشتوکاڵی خورماڵ.
✅ وەکیلی فەڕمی فرۆشتنی بڕاندی Hi-Target (ئامێری جی ئێن ئێس ئێس).
✅ خاوەنی نووسینگەی عقارات مەسعود مەساح.
📍 ناونیشان: خورماڵ - سەر ڕێگای سەرەکی خورماڵ-سلێمانی.
🗺️ لۆکەیشنی نووسینگە لە گۆگڵ ماپ: https://maps.app.goo.gl/g3yNbpiCuzyGW8iy6
📞 پەیوەندی: 07719702399 - 07515489936
📱 سۆشیاڵ میدیا: ڕوپێوی سایت (Survey Site) | عقارات مسعود مساح
#خورماڵ #خانووبەرە #تاپۆ #یاسا #ڕووپێوی #سلێمانی #هەورامان #هەڵەبجە
