Hybrid Kutaisi

16/11/2023

🔴🔴🔴 რატომ უნდა ვცვალოთ სამუხრუჭე სითხე?! 🔴🔴🔴

🚘 ჰიბრიდული ავტომობილების სერვისი ქუთაისში +995500509962 🚘
🛑🛑🛑 სამუხრუჭე სითხის შეცვლა კომპიუტერულად 60 ₾
🟧🟧🟧წვის სისტემის წმენდა 130 ₾
🟩🟩🟩ბატარეებისა და ქულერის წმენდა 70₾
🟫🟫🟫ინჟექტორების წმენდა ცალი 10₾

როდესაც ავტომწარმოებლები სამუხრუჭე სითხის შეცვლის ვადებს გვთავაზობენ, ისინი ეყრდნობიან მის ქიმიურ შემადგენლობასა და თვისებებს.
სამუხრუჭე სითხის დუღილის ტემპერატურა 200-260°С-ია, თუმცა მაღალი ჰიგროსკოპულობა (წყლის შთანთქმის უნარი) გარკვეული დროის შემდეგ ამცირებს მის დუღილის ტემპერატურას 150-180°С-მდე. ამგვარად, ქალაქში მოძრაობისას სითხე უფრო დაბალ ტემპერატურაზე იწყებს დუღილს, წარმოქმნის ბუშტებს, შედეგად_სამუხრუჭე სითხე გადადის რეზერვუარში, მიმოქცევაში რჩება ნაკლები სითხე, წნევა მცირდება და დამუხრუჭებაც არაეფექტური ხდება, ხშირია მუხრუჭის სატერფულის „ჩავარდნაც“!
ასევე აღსანიშნავია, რომ გარკვეული დროის გასვლის შემდეგ სამუხრუჭე სითხის ქიმიური დანამატები იშლება, რაც დამატებით იწვევს სითხის თვისებების დაკარგვას.
როდის შევცვალოთ სამუხრუჭე სითხე?
უხშირესად ავტომწარმოებლები გვირჩევენ სამუხრუჭე სითხის შეცვლას ყოველი 30-60 000 კმ-ის გავლის შემდეგ, ანუ, საშუალოდ, 2 წელიწადში ერთხელ. დამატებითი სისტემების (მაგ, ABS-ის) არსებობა არ ახდენს ზეგავლენას ამ ვადაზე. სპორტულ მანქანებში ეს ვადა კიდევ უფრო მცირეა და საშუალოდ 15 000კმ-ს შეადგენს.
გლიკოლის საფუძველზე დამზადებული სამუხრუჭე სითხე იცვლება 40 000კმ-ის გავლის შემდეგ, ხოლო სილიკონის საფუძველზე დამზადებული_5 წლის შემდეგ.
ეს მონაცემები მხოლოდ საორიენტაციოა, რადგან როგორც კი სამუხრუჭე სითხე ფერს შეიცვლის (გახდება მღვრიე, ან გაიკეთებს ნალექს), ის მაშინვე უნდა შეიცვალოს! მღვრიე ან ნალექიანი სამუხრუჭე სითხე ხშირად იწვევს სამუხრუჭე სისტემის გაუმართაობას!
სამუხრუჭე სითხის შემოწმება ხდება როგორც ვიზუალურად, ასევე სპეციალური ტესტერის საშუალებით, რომელიც საზღვრავს ნესტის პროცენტულ შემცველობას.
სამუხრუჭე სითხის არაგეგმიური შეცვლა საჭიროა სამუხრუჭე სისტემის ჰერმეტიზაციის დარღვევისას. ამ დროს იღვრება სითხის გარკვეული ნაწილი, დარჩენილი ნაწილი კი ჰაერიდან სწრაფად იწოვს ნესტს, და მისი დუღილის ტემპერატურაც მცირდება.
სამუხრუჭე სითხეების თავისებურებანი:
რაც მეტია სამუხრუჭე სითხის დუღილის ტემპერატურა, მით უკეთესი ხარისხისაა ის.
DOT 3 მზადდება გლიკოლოს საფუძველზე, რაც ამცირებს მის ფასს. DOT 3 ძალზე ჰიგროსკოპულია, ძალიან მალე იწოვს ნესტს, დუღილის ტემპერატურა მცირდება და ხარისხიც ქვეითდება.
DOT 4-ს აქვს გაუმჯობესებული თვისებები. გამოიყენება დისკური ხუნდების მქონე ავტომობილებში. მისი საფუძველია რთული ეთერებისა და ბორის მჟავის ნაერთი. ბორის მჟავა ანეიტრალებს წყალს, ამიტომ DOT 4-ნაკლები წყალი შეიწოვება, ვიდრე DOT 3-ში. შესაბამისად, DOT 4-ის რესურსიც მეტია და ის მაღალხარისხიან სამუხრუჭე სითხეს წარმოადგენს.
DOT 5 მზადდება სილიკონის საფუძველზე. ის არაჰიგროსკოპულია, ანუ წყალს არ შეიწოვს. ამიტომ წყალი გროვდება სამუხრუჭე სისტემის ქვედა დონეებში, იქ კი სიცივეზე იყინება, რაც, რა თქმა უნდა, არასახარბიელოა.
DOT 5.1 თავისი თვისებებით ჰგავს DOT 4-ს. მას დანამატების წყალობით აქვს დუღილის უფრო მაღალი ტემპერატურა, ამიტომ გამოიყენება სპორტულ მანქანებში მაღალი სიჩქარეების დროს.
DOT 4-სა და DOT 3-ის შერევა შესაძლებელია.
არ შეურიოთ DOT 5 (და არა DOT 5.1!) DOT 4 და DOT 3.
თუ ავტომობილში ასხია DOT 3, შეგიძლიათ დაამატოთ DOT 4 ან DOT 5.1. ამით მისი ხარისხი გაუმჯობესდება კიდეც!
DOT 3, DOT 4 და DOT 5.1 ყვითელი ფერისაა, ხოლო DOT 5_ვარდისფერია. სესაბამისად, ვარდისფერი სითხე არასოდეს შეურიოთ ყვითელს!!!
ახალი სამუხრუჭე სითხის დუღილის ტემპერატურა, °C
DOT 3 — 205
DOT 4 — 230
DOT 5.1 — 260
ძველი სამუხრუჭე სითხის დუღილის ტემერატურა, °C
DOT 3 — 140
DOT 4 — 155
DOT 5.1 — 180

Vehicle service