11/12/2015
بوست ...
شوفت كلام كتير عن الصلاة وناس بتتكلم عن صعوبتها وناس نفسها تاخد الخطوة دى ومش قادرة ! وكأن الصلاة حاجة هينه اتعامل معاها بالمزاج !
بس يا سيدى حضرتك مسلم والحمد لله بس السؤال هنا انت عملت اية عشان تبقى مسلم ؟! الواقع المرير ان حضرتك (مسلم فى البطاقة ) لكن كدين المحصلة بتاعتك صفرر .هتقولى طب ما انا بعمل خير واخلاقى كويسة والدين المعاملة ..كلامك مظبوط بس تعالا بص لاحاديث الرسول صل الله عليه وسلم دى كدة .
*عن جابر رضي الله عنه قال قال رسول الله صلى الله عليه وسلم " بين الرجل وبين الكفر ترك الصلاة"
*وما رواه أحمد من حديث أم أيمن مرفوعا" من ترك الصلاة متعمداً برئت منه ذمة الله ورسوله"
*وما رواه أصحاب السنن من حديث بريدة بن الحصين قال قال رسول الله صل الله عليه وسلم " العهد الذي بيننا وبينهم الصلاة فمن تركها فقد كفر"..اتخضيت صح؟
فكر كدة شوية بسيطة انا هعيش قد اية ؟ 60 سنة ! 70 ! 80! ... طب وبعد كدة؟ هتموت زى كل الناس وهتيجى يوم الحساب والعرض على ربنا عز وجل .. ويبدأ حسابك .. يقول -صلى الله عليه وسلم-: (أو ما يحاسب عنه العبد من عمله صلاته، فإن صلحت فقد أفلح وأنجح، وأن فسدت فقد خاب وخسر)
استحضر معايا الموقف كدة هيكون ردك اية ؟
نرجع تانى للدنيا والسؤال المهم انت مبتصليش لية ؟؟
لو انا اتفقت معاك كل صلاة تصليها هديك 50 جنية ..هتصلى كام صلاة ؟
وهى دى نقطة الخلاف انك بتحسبها كدة 1+1=2 عاوز حاجة مادية اخدها واشوف بعينى انى خت جزاء الصلاة بتاعتى بس عارف لية انت مبتحسش بالطاعة ولا ثوبها ؟ لان انت قلبك متعلق بالدنيا لكن الدنيا جنة الكافر فيها الشيطان لية سلطة مطلقة فيبينلك قد اية المعصية حلوة ولذيذة والطاعة والعبادة متعبه مستفدتش بيها حاجة ! ماشى يا سيدى هكلمك من وجهة نظرك..صلاة الظهر=استخدم بين العصر والضهر(عينك+رجلك+ايدك+الكبد+الكلى+القلب+العقل+............) تفتكر انك كدة خت حاجة مادية ولا لا ؟ لو مش عجبك كلامى فكر نعمة من النعم دى مش موجوة هتبقى عامل ازى ؟ ...يا عم ان الله غفور رحيم ...
ده اكيد وربنا عاوز يغفرلك فعلا .بس انت ال مش راضى ! ما الصلاة هى اداة المغفرة ؟ انت لو عاوز تدخل فى رحمة ربنا اطلب منه كدة ؟ انت مش عاوز خلاص براحتك انت حر زى بالظبط لما يكون عندك امتحان لو ذكرت هتحل مذكرتش هتسقط ! هل فى حد حصله ضرر غيرك انت ؟
بسم الله الرحمن الرحيم
قوله تعالى: {وَمَن كَفَرَ فَإِنَّ الله غَنِيٌّ عَنِ العالمين}
قال تعالى " فخلف من بعدهم خلف أضاعوا الصلاة و اتبعوا الشهوات فسوف يلقون غيا "
قال الله تعالى " ما سلككم في سقر قالوا لم نك من المصلين .... )
صدق الله العظيم
ادى لنفسك فرصة واقرى الكلمتين دول بقلبك قبل لسانك ده ربنا عز وجل بيقولهم ليك انت لانه بيحبك وعاوزك تشوف النعيم وتبقى اسعد الناس بس ساعد نفسك واطلب المغفرة .(يا ابن آدم إنك ما دعوتني ورجوتني غفرت لك على ما كان فيك ولا أبالي، يا ابن آدم لو بلغت ذنوبك عنان السماء ثم استغفرتني غفرت لك ولا أبالي، يا ابن آدم إنك لو أتيتني بقراب الأرض خطايا ثم لقيتني لا تشرك بي شيئا لأتيتك بقرابها مغفرة)
محتاج اية تانى من ان خالق الخلق عز وجل بيطلب منك انك بس تطلب مغفرته!.اخيرا حب الصلاة والتعلق بيها بيكون من الصغر اسهل وبيعتمد على الاهل بنسبة كبيرة والناس ال بتصلى من سنين عرفه يعنى اية الراحة النفسية ال فى الصلاة وبدأوا يحسوا بيقيمتها فى حياتهم وعشان كدة تلاقيهم يما مواظبين عليها ومحدش فيهم شايف الموضوع صعب انت بس ال حاسس بكدة لان شيطانك صورلك كدة جرب تصلى ومرة فى مرة هتحس نفس احساسهم وهتعرف قد اية الشيطان كان مخبى عنك خير كتييييييييير ...يا عم اسأل نفسك ولو مرة هو ربنا هيعوز منى اعمل حاجة صعبة ومضرة ووحشة ؟؟ وعلى النقيض الشيطان هو ال بيحبنى وبيجبلى السهل ؟؟ شغل عقلك !
(علموا اولادكم الصلاة من الصغر عشان لما يكبروا ميتعبوش ويبعدوا شوية شوية عن ربنا لحد ما يكونوا )
اللهم اهدنى وكل المسلمين واغفر ذنوبنا واستر عيوبنا يا ارحم الراحمين
