عايز تعرف ايه؟
هنتكلم عن المعدات الثقيلة و العده اليدويه 😎
30/06/2026
واحد الشركة كلها بتستقيل بسببه و محدش طايقه 😅
و منزل علي لينكدان في مؤتمر محدش يعرفه غيره هو و شنبه 😂😂😂💔
29/06/2026
📌نصيحة اليوم
الفلوس لا تشتري السعاده ❌
لكن ممكن تشتري عده كات اصلي ✅
27/06/2026
مشكلة اليوم - لودر CAT 972M 🚨
اللودر عزمه ضعيف و فيه دخانه سوده !!❗️
تفتكر ايه السبب؟ 🤔
27/06/2026
📌نصيحة اليوم
غير الزيت في معاده .. أفضل من عمره مش في معادها 😎✅
#محركات
26/06/2026
سوبرمان المفكات 🦸♂️😎
في وسط زحمة السوشيال ميديا فوجئت بالهندسة بيستخدم المفك في كل الاختبارات و بيعلم الناس ازاي الهندسة الصحيحه لاختبار محركات كاتربيلر CAT الحقن الاليكتروني.
طبعاً الكلام ده كارثه و ماتعملش زي الهندسة ❌❌
الحقيقة ان القفل علي الرشاش باستخدام المفك مش اختبار للرشاش بل بالعكس هو دمار لكارتة المحرك و الرشاش نفسه!!
تعالي اقولك لو عملت زي الهندسة هيحصل ايه في المحرك بتاعك 😉
1- تسجيل أكواد اعطال علي الكارته نتيجة فقدان اشارة الرشاش و ده هيلغبط التحكم في الرشاشات مستقبلاً و هيقلل عمر الكويل و الرشاش نفسه.
2- احتمال حدوث Spike (شرز) او حمل غير طبيعي علي الكارته و ده هيحرق الكارته و شوف انهارده سعرها بكام؟ 😅😅
3- ممكن الكلبسه البلاستك توسع و ده هيعمل تقطيع في الكهربا مستقبلاً
عشان كده كاتربيلر CAT بتوصي بعمل الCutout Test لان الـET هيعمل عزل لكل أسطوانة إلكترونيًا بطريقة صحيحه و كمان هيراقب التأثير على سرعة المحرك وأدائه من غير تلف التوصيلات الكهربائية أو تسجيل أعطال غير ضرورية.
عرفت ليه يا سوبرمان المفكات ولا لسه شايف انك لازم "تجمد قلبك"؟
#هندسة #فيسبوك #مفك #سوبرمان
25/06/2026
هو يد الساعة مهمة؟🔧
في وسط عالم الفيسبوك يطلع علينا الهندسة الأجنبي و يقول ان "يد الساعة للعيال التوتو"
أنا عارف ان فيه ناس كتير ماتعرفش أهمية الـTorque و يد الساعة عشان كده حبيت اوضح بشكل بسيط ليه تستخدم يد الساعة و ماتسمعش كلام الهندسة 😉
للاسف في اماكن كتير لسه الناس بتعتمد علي الاحساس بالشد و الخبرة الشخصية بالذات في عمرات المحركات!! و ده أمر خطير و ممكن يسبب مشاكل كبيره حتي لو نجح في بعض الأوقات في محركات قديمة.
تعالي اقولك مثال فعلي حصل قدام عيني:
في مره بعد عمرة لودر CAT 980H راكب عليه محرك C15
حصلت مشكلة و هي ضغط في دورة المياه و استهلاك عالي جداً في مياة التبريد!! و السبب ان الهندسة استخدم ايده في شد تورك مسامير الوش و بقا فيه مسمار عزمه قليل و مسمار عزمه أعلي من الاستاندر و ده عمل عدم توزيع متساوي للضغط علي جوان وش السيلندر و نتج عنه المشكلة اللي اتكلمنا عليها ❌
تعالي أقولك يا هندسة ايه اللي ممكن يحصل لو ربطنا العزم أقل من المطلوب؟ ‼️
ده اسمه Under Torque و هيسبب عدم الشد السليم علي المسمار و ممكن يسبب تهريب أو تسريب الضغط و احياناً المسامير بتفك و عشان كده لازم نعلم علي المسمار بعد الربط بالتورك المطلوب.
طب لو ربطنا بعزم أعلي من المطلوب يا هندسة؟ ‼️
ده اسمه Over Torque و هنا المشكلة أكبر! طب ليه؟
لان في البدايه هتحس انك هندسة و ان يد الساعة "للعيال" بس في الاخر هتطلع انت العيل و المسمار هيتمدد بزيادة و ده هيخلي المسمار يتكسر أو ماينفعش نستخدمه تاني العمرة الجاية أو ممكن يسبب ضغط زيادة علي الجوان يسبب تلف الجوان بعد فترة مش كبيره!!
عشان كده كاتربيلر CAT بتقولك
1- اربط عزم ابتدائي
2- اربط عزم نهائي
3- هات زاويه اضافية
و ده عشان تضمن ان المسمار وصلو قوة الشد المطلوبة اللي هتوزع الاحمال و الضغط بشكل متساوي و مش هيأثر علي المسمار نفسة 👍
Be the first to know and let us send you an email when الباشمهندس صابر - Eng. Saber posts news and promotions. Your email address will not be used for any other purpose, and you can unsubscribe at any time.
