21/07/2025
الله يرحمه ويغفر له ويسامحه...
دي شهامة المصريين.
إبراهيم القللي، مواطن مصري مغترب في السعودية، راح يزور صاحبه في مستشفى بجازان، وأثناء الزيارة اندلع حريق ضخم.
الكل جري، لكن إبراهيم رفض يهرب، وفضل يدخل ويطلع مرضى واحد ورا التاني وسط النار والدخان.
بفضل الله، أنقذ 10 مرضى، لكن في آخر مرة دخل فيها ما طلعش تاني… واستشهد وهو بيحاول ينقذ روح تانية.
أمس، الدولة كرّمت أسرته بوسام الملك عبد العزيز، وسلمتهم شيك بمليون ريال.
الشهيد كان أب لـ3 أطفال، أكبرهم في تانية ابتدائي.
ربنا يرحمه ويجعل مثواه الجنة ويصبر قلب أهله.
