Eng.Mohamed Radwan

15/11/2024

وقلب وارمي ياحاج والف مبروك وبعد تلات اربع ايام ابدأ فك وعك وليس كله كويس

حرااام تسلم نفسك لمقاول يضيعلك اموالك فى شغل مثل هذا
دا ولا سقف كمرى ( بكمر ساقط) و لا سقف فلات شبكتين حديد
ولا حد عارف هو بيعمل اي وازاى وفين 🥴

07/11/2024

انتظرونا في فيديو كامل بعد التشطيب 🤌

30/10/2024

السلام عليكم ورحمة الله
يلا بينا اللي عنده أي مشكلة إنشائية أو أي استفسار أو حابب يسأل عن أي حاجه يكتبلنا في الكومنتات أو يبعتلنا خاص بالمشكلة اللي عنده وإن شاء الله نرد عليه ببوست بحيث الكل يستفيد
م محمد رضوان
010 12839797

29/10/2024

سيبك من شغل الجبس بقي وركز معانا في الحلويات دي
فخامة ورقي مفيش بعد كدا 👌👌
مهندس محمد رضوان
010 12839797

23/10/2024

قنبلة موقوتة علي السقف خد بالك👌

19/10/2024

طب نقول تاني
🔻 تلاتة بالله العظيم مافيه حاجه اسمها مخدات أو كمر مدفون
حرام والله الأسقف البايظة اللي بنشوفها دي
لسه جاي من معاينة سقف الحديد بتاعه تهالك كله بسبب مشكلة ما ومحتاج ترممه وتدعمه بشبكة بس مش لاقي الكمرات اللي هتزرع وتحمل عليها يعني مضطر انك تزرع كمرات مش سقف بس 🤕
ولله الأمر من قبل ومن بعد
ِلم

15/10/2024

أهلاً وسهلاً بحضراتكم جميعاً تشرفت بوجودكم في الصفحة وإن شاء الله أكون عند حسن ظنكم واللي عنده مشكلة يقدر يبعتهالنا وإن شاء الله نرد عليها في بوست لتعم الفائدة علي الجميع
وشكراً🫡
Mohamed Nasr, احمد يحي درويش, Atef Younes, Mostafa Fouad Meky, Mohamed Sedky, Abdallah Khaled, أحمد كمال, Saad Moubark, ابراهيم حسن عيسي, حسن الصفطي, AShraf Abdelnaser, Ibrahim Rezk, RaMy AhMeD, Taha Ragheb Ismail, سعد عدس, الابهة بيه, سامح أشرف ابوشوشه, Ahmed Atia, اسماعيل حجازى, عبد الجواد كعبو, Mohamed Salah, Khaled Hassanin Elmenshawy, Mohamed Gomaa Darwish, جمال محمد رزق مصطفى, ابو شمس, Elsayed Ashour, احمدعطوه ابويوسف, عصام الشرنوبي, Ŕê Đã, يوسف مكى مكى, Mohamed Fekry, يوسف البقري, Mohamed A. Bahaa, Abd Elhamid Bondok, مكي جلال, Mohammed Gamal Saleh, Hozifa El Afify, Aya Hany Meky, Mohamed AbdalMenam Mandoor, Ahmed Rashidy, RIham Ebrahim, محمد كرم, عبودة درويش, بسيوني خيره, طارق الحليبي, Sharef Rashedy, Ahmed Amer, الهامي الصفطي, عبد الحميد انور جاد, Mohamed Rizk

15/10/2024

⬅️دايما بتقابلنا مشكله في المباني و هي وجود شرخ طولي في منطقة اتصال المباني بالاعمده و الحوائط الخرسانية وكذلك البلاطات والكمرات👐

الشرخ ده ممكن يظهر قبل اعمال البياض او بعد اعمال البياض او بعد التشطيب النهائي

_ ما اسباب حدوث الشرخ ؟🤔

* السبب الاول ( السبب الرئيسي ) : اختلاف معامل التمدد بين الخرسانه و المباني و ده بنعالجه في مرحلة البياض

* السبب الثاني : ضعف التماسك بين المباني و الخرسانه و ده بنعالجه في مرحلة المباني

_ ازاي نمنع حدوث شروخ طوليه في منطقة اتصال المباني بالخرسانه ؟

* يتم ذلك علي خطوتين :

1️⃣ الخطوه الاولي : اثناء مرحلة المباني

⏺️في مرحلة المباني : بنثبت كانات مباني او بنزرع اسياخ حديد في الاعمده الخرسانيه في مناطق اتصال المباني بالاعمده الخرسانية
الكانات او الاسياخ تزيد من قوة تماسك المباني بالخرسانه ( الاعمده و الحوائط ) و تقلل من احتمالية حدوث شروخ بين المباني و الخرسانه نتيجه ضعف التماسك بين المباني و الخرسانه
⏺️الكانه تكون من المعدن المجلفن لمنع حدوث صدأ
⏺️يفضل ان لا تقل تخانة الكانه عن ٣ مم
⏺️ المسافه بين الكانات تتراوح ما بين (٤٠ _ ٦٠ ) سم ( طبقا لمواصفات كل مشروع )
⏺️اول كانه تكون بعد اول مدماك
⏺️يتم تثبيت الكانه في الخرسانه بمسامير صلب عن طريق استخدام مسدس طلقات ( و يمكن تثبيتها بمسامير فيشر ولكن الافضل و الاسرع المسامير الصلب عن طريق مسدس الطلقات )كما موضح بالصور👇
⏺️الكانه بتكون مشرشره و ليست ملساء لزيادة التماسك بين الكانه و المباني

• ملحوظه : يتم استلام كانات المباني في مرحلة قد المباني

ثانيا : الاسياخ الحديد التي يتم تزريعها بدلا من الكانات

* قطر السيخ الذي يتم تزريعه ١٠ مم ( ولا يجوز استخدام سيخ ٨ مم لانه املس و لن يعطي التماسك المطلوب بين المباني و الخرسانه اما السيخ ال ١٠ مشرشر فيتماسك مع المباني و الخرسانه )

* طول السيخ لا يقل عن ٢٥ سم و يدخل داخل العمود ( داخل فتحة التزريع مسافه لا تقل عن ١٠ مرات قطر السيخ )

* عمق فتحة تزريع الاسياخ لا يقل عن ١٠ مرات قطر السيخ ( ١٠ فاي )
* عدد الاسياخ التي يتم تزريعها غالبا بيكون ٣ اسياخ في المتر يعني تقريبا يتم تزريع سيخ كل ٣٣ سم ( و بتختلف المسافه بين الاسياخ و ذلك طبقا لمواصفات كل مشروع )

2️⃣ الخطوه الثانيه : اثناء مرحلة البياض ( المحاره )
ودي بتكون في مرحلة تأسيس البياض (الطرطشة والبؤج والأوتار) بنركب سلك شبك ممد بعرض من ١٥ ل٢٠ سم علي الفاصل بين المباني والعمود وبين المباني والكمرة وبيتم تثبيتها كما بمسامير صلب وورد شروخ باستخدام مسدس الطلقات كما موضح بالصور
وأيضا بنستخدم زاوية تسمي زاوية فريسبيكو بين المباني والأعمدة وتثبيتها أيضا كما ذكرنا وكما هو موضح بالصور
ثم بعد ذلك تبدأ عملية ملو البياض 👌



مهندس محمد رضوان
010 12839797

13/10/2024

ذكرنا في البوست السابق الكمرة المدفونة وظروفها وامتي بنعملها
⬅️ هنوضح نقطة بس ذكرتها في البوست السابق ان الكمرة المدفونة بنعملها في الفلات سلاب عندما يكون بجانبها بلاطة مفرغة هولو بلوك بنفصل بينهم بكمرة لو ما قدرنا نعملها ساقطة بنعملها كمرة مدفونة وبتصمم كما نصمم الكمرة الساقطة وكما ذكرنا في البوست السابق✋️
♻️نيجي بقي لأسطورة الكمرة المدفونة أو ما نسميه بلغة السوق (المخدة)
بيجي المقاول يقولك تعالي أنا هوفرلك واعملك سقف سوليد سلاب يعني سقف بشبكة حديد واحدة سفلية وكمر مدفون (مخدات) للأسف هذا الكلام ❌️💯% لأن جساءة ومقاومة الكمرة المدفونة عمرها ما هتكون زي جساءة ومقاومة الكمرة الساقط يعني علي سبيل المثال حضرتك هات لوح خشب وخليه علي بطنه وثبته علي حامل من الشمال واليمين وامشي عليه هيريح معاك ومش بعيد ياخدك ويتكسر اتنين 🤕
طيب هات نفس اللوح وثبته علي سيفه واطلع امشي عليه هيشيلك ويبقي زي الفل 💪✔️✔️حتي لو حصل ترخيم هيبقي قيمة بسيطة جدا مش ملحوظة
أتمني يكون وصل الفرق بين الاتنين
♻️نيجي بقي للي يقولك هعملك سقف فلات سلاب بشبكتين حديد سفلي وعلوي وكراسي وأوتار وتمام التمام واعملك بردو شوية مخدات بردو عشان السقف ينام ويرتاح 😄
حضرتك سمك السقف وليكن ٢٥سم وسمك الكمرة بردو ٢٥سم مهي مدفونة بقي جوا السقف فسمكها سمك السقف
طيب السقف فيه شبكتين حديد والمخدة بردو شبكيتن حديد يبقي فين الفرق بين البلاطة والكمرة مين القوي فيهم ولا مين هيشيل مين 🤔للأسف مفيش يبقي احنا رمينا حديد في الفاضي بدون أي جدوي هي لو أثرت في حاجه ممكن ممكن تأثر بس في تقليل ترخيم البلاطة Deflection لو بحرها كبير ودي بردو بترجع للمصمم وظروف التصميم
✅️خلاصة الموضوع إن مفيش حاجه اسمها سقف سوليد شبكة حديد واحدة بمخدات حضرتك دا شغل خطأ ما أنزل الله به من سلطان
ياتعمل سقف بلاطة مسطحة Flat Slab محمولة علي الأعمدة ولو استخدمت كمرات تكون كمرات ساقطة ✔️
ياتعمل سقف بلاطة مسمطة Solid Slab بكمرات ساقطة محمولة علي الأعمدة سمكها لا يتعدي ١٦ سم
هذا ما أردت توضيحه لحضراتكم وآسف علي الإطالة وأتمني يكون الكلام واضح ومفهوم
شكراً🫡
م. محمد رضوان
مهندس مدني إنشائي