29/04/2026
فيه مهندسين كتير فاكرين إن الشغل في الموقع كله تنفيذ وخلاص …
لكن الحقيقة إن أقوى مهندس تنفيذ هو اللي فاهم الست مستندات كويس جداً 👇
💡 لأن ببساطة … أي قرار بتاخده في الموقع لازم يكون مبني عليهم :
1️⃣ الرسومات (Drawings)
دي اللغة الأساسية للمشروع … منها بتفهم كل حاجة : المسارات ، المناسيب ، التفاصيل .
2️⃣ المواصفات الفنية (Specifications)
بتقولك “تنفذ إزاي” مش بس “تنفذ إيه” … يعني الخامة ، الجودة ، طريقة التركيب .
3️⃣ جدول الكميات (BOQ)
ده اللي بيربطك بالتكلفة … كل بند ليه سعر، ولازم تبقى فاهم أنت بتصرف في إيه .
4️⃣ العقد (Contract)
المرجع القانوني … بيحدد مسؤولياتك وحقوقك وحدود شغلك .
5️⃣ البرنامج الزمني (Time Schedule)
الشغل مش عشوائي … كل حاجة ليها ترتيب ووقت لازم تلتزم بيه .
6️⃣ المراسلات (Correspondences)
أي قرار، أي تغيير، أي مشكلة … لازم تكون موثقة عشان تحمي نفسك .
⚠️ الخطأ الشائع إن المهندس يركز على الرسومات بس …
لكن الحقيقة إن الستة دول شغالين مع بعض زي منظومة واحدة .
🎯 المهندس الشاطر مش بس بينفذ.
المهندس الشاطر فاهم هو بيعمل إيه ، وليه ، وإمتى ، وبكام ، وتحت أي شروط.
مهندسه استشاريه / جيهان نجم
