11/06/2026
شفاط المطبخ بيلم دهون مطبخك؟! 🍳💨
أغلب الناس بتفتكر إن وظيفة الشفاط هي لم الدهون وبس، لكن لو الشفاط بتاعك مش بيخلصك من الحرارة والرطوبة والكتمة وأنت بتطبخ، يبقى ناقصة حتة كبيرة !
إليك 3 غلطات قاتلة بنقع فيها وأحنا بنختار شفاط المطبخ:
الغلطة 1: تركيب شفاط "فلتر" بدل شفاط "مدخنة" (طرد خارجي)
ناس كتير بتستسهل وتجيب الشفاط اللي بيعيد تدوير الهواء جوه المطبخ عن طريق فلاتر الكربون (Recirculated Hood). الشفاط ده آخره يمسك شوية دهون، لكن عمره ما هيخلصك من الحرارة، ولا الرطوبة، ولا ريحة الأكل القوية!
النتيجة: المطبخ هيفضل حر ومكتوم، وهتلاقي مية بتُعرق على الحوائط ، والوقفة جواه هتبقى عذاب.
الحل الصح: حاول تعمل شفاط بمدخنة (Ducted Hood) يطرد الهواء بره البيت تماماً، بياخد معاه الحرارة والرطوبة والريحة والدهون. اه، تأسيسه بيحتاج مجهود أكتر، بس الفرق في نظافة الهواء وراحة المطبخ يستاهل.
الغلطة 2: تركيب الشفاط على ارتفاع مش مظبوط 📐
المسافة السحرية لتركيب الشفاط هي من 61 لـ 76 سم فوق البوتاجاز بالظبط. بس الحقيقة بشوف شفاطات واطية جداً أو عالية في السقف!
لو تحت زيادة عن اللزوم: هتفضل تخبط فيه بدماغك وأنت بتطبخ.
لو عالي زيادة عن اللزوم: الشفاط هيفقد قوته، لأن الدخان والحرارة هيتوزعوا في المطبخ قبل ما يوصلوا له اصلاً.
الصح: الارتفاع المظبوط بيخلي الشفاط يشفط البخار والدخان أول ما يطلع وقبل ما يسرح في الشقة كلها. المقاس ده لوحده ممكن ينجح المطبخ أو يفشله.
الغلطة 3: استخدام الخراطيم المرنة (الجرجورى) والمكان الغلط 🛠️
الخراطيم المرنة اللي بتتثنى (Flexible Ducts) شكلها سهل في التركيب، بس هي حرفياً "قاتل كفاءة" الشفاط. التعاريج اللي جوه الخرطوم ده بتجمع دهون مع الوقت، والدهون دي بتسد مجرى الهواء، وممكن — لا قدر الله — تتسبب في حريق.
الصح: استخدم دايماً مواسير ألومنيوم صلبة وملساء من جوه (Rigid Ducts)، بتضمن أعلى قوة شفط وتنظيفها أسهل بكتير.
تريكة المكان: بلاش تحط البوتاجاز والشفاط جنب شباك أو باب مفتوح مباشرة، لأن تيار الهواء العكسي هيطير الدخان بعيد عن الشفاط وهيخليه ملوش أي تلاتين لازمة.
الخلاصة:
نظام الشفط المتصمم صح هيوفر عليكي 50% من وقت تنضيف المطبخ، وهيمنع ريحة غدا امبارح تفضل قاعدة للنهارده. التفاصيل دي بتفرق جداً، فاعملها صح من أول مرة!
عايز رأيي في تصميم مطبخك وتوزيع مساحتك؟كلمنا و احجز مراجعة لرسمة شقتك وننوزعه وظيفيا و جماليا .
