Mahmoud Shalan

06/12/2025

90 Days intensive Scheduel To Prepare For FE Civil Exam 👷🏆✨

https://docs.google.com/spreadsheets/d/1CnZhye83ltTZXDt9oP0LCun5rIpSCic7J7XtoujU_hw/edit?usp=drivesdk

02/10/2025

فالحل هو إنك توجه مخك إنه يشوف الحاجة الكويسة ومش مقصودنا هنا إنك تبقا ايجابي بشكل عبيط لأ المقصد إنك لما تكون عندك مشكلة فمهما تفكر في المشكلة هتلاقي مخك بيكبرها وتحس إنها ملهاش حل إنما لو ركزت علي حل المشكلة نفسه مخك هيوصلك لحل ودا هدفنا من الكلام دا بدل اما تفكر في المشكلة فكر في الحل وأكيد سمعت قبل كدا قاعد إن ما تفكر فيه ينمو فركز لان مخك كدا كدا هيركز فلو مقولتلوش يركز علي أي مترجعش تزعل

تمرين أخير بقا قالت عليه ميل روبينس إنها عشان تدرب مخها علشان يعمل لصالحها فهي في أثناء يومها بتقول لعقلها دور علي أي حاجة ليها شكل قلب فبتلاقي مثلا سحابة علي شكل قلب او رغوة القهوة علي شكل قلب او صخرة علي شكل قلب فتقف لحظة و تفكر فيها هي طبعا تبان حاجة عبيطة بس هي هدفها إنها بتوجه مخها لحاجة ايجابية يعني شكل القلب مربوط بالحب و الايجابية بحيث إن مهما حصل في اليوم من سلبية بتجبر مخها إنه يركز علي حاجة هي محدداها حاجة إيجابية طبعا اللي هي اي حاجة علي شكل قلب.

فخلي بالك من عقلك ي صحبي عشان يخلي باله منك.

لو عاوز تشوف الفيديو الكامل بتاع ميل روبينس عاليوتيوب فاللينك في الكومنتس

02/10/2025

عقلك عنده فلتر أسمه RAS عامل شبه ال Algorithms بتاعة مواقع السوشيال ميديا.
زي ما المواقع لما تلاقيك بتهتم و بتتفرج علي محتوي معين بشكل اكبر كل ما هتظهِرلك من المحتوي دا أكتر وأكتر أكن مفيش غيره.
زي ما عقلك لما يلاقيك مهتم بحاجة معينة او مركز علي فكرة معينة هيبدأ يكبرهالك و يظهرلك كل حاجة ليها علاقة بيها و يميزهالك يعني مثلا بتفكر تجيب عربية هتلاقي مخك طول منتا ماشي بيقولك بص العربية دي ولا دي و انت اصلا قبل ما تفكر تشتري كنت بتمشي مبتاخدش بالك من الكلام دا خالص مع إنه نفس الطريق اللي بتمشي فيه ودا اللي بيعمله ال RAS الفلتر زي ما قولنا لانه عامل زي حارس علي مخك بيشوف اية اللي ليه الاذن إنه يدخل من المعلومات و الداتا و يدخله و مين اللي ملوش إذن ومين اللي يعمل عليه highlight لانه طبعا مخنا ميستحملش يدخله كمية المعلومات اللي بتكون متاحة مثلا وانت ماشي في الشارع لان بيكون فيه كمية ألوان وأصوات و أشكال مهوله فالRAS بيفلتر منها الحاجات اللي انت مديها الاذن بالدخول هتقولي أنا اللي مديها الاذن؟! هقولك أه إنت اللي اديته الاذن إن الحاجة دي بالذات تدخل لانه شاف إنك مهتم بيها طب عرف منين إنك مهتم بيها، عن طريق إنك تفكر فيها او تعرض نفسك لمحتوي خاص بيها زي إنك تشوفلها صور مثلا.

فالمقصود من الكلام إنك لما بتعرض نفسك لأفكار سلبية زي إنك تلوم نفسك أو تفتكر إن الدنيا ماشية ضدك أو تقارن نفسك بباقي الناس فمخك هيفتكر إنك مهتم بالحاجات دي و هيبدأ يركز عليها طول ما هو ماشي يعني لو انت عامل عشرين حاجة و واحدة منها باظت هتلاقي مخك سايب ال ١٩ الكويسين وماسك فالواحدة اللي باظت عشان يلاقيلك حاجة تلوم بيها نفسك لانه شاف منك إنك عاوز دا والحقيقة أنا لقيت إننا كمهندسين متأثرين بالتفكير دا لإن مهما يكون عندك عدد الاتشكات لو واحد هيسبب إنهيار فأكن مفيش غير دا ودا اللي هيحصل فدا اللي هتركز عليه لانك مش هتسمح بالانهيار في أي حالة فبقيت دايما اول حاجة بتدور عليها هي الانهيار جاي منين ودا تمام في المسائل بس للاسف مبنسيبهوش بس في المسائل لا بناخده معانا في حياتنا الحقيقية(والحقيقة إن مخك عاوز يساعدك اياً يكن بقا انت بتوجهه لاية)لحد منتا تفهمه غير كدا زي بالظبط لما تبدأ تبحث عن حاجة معينة علي المواقع زي يوتيوب مثلا فهتلاقي إن الاقتراحات كلها اتغيرت لانه لقاك بتهتم بحاجة تانية وهيبدأ يظهرلك منها أكتر

17/09/2025

15/09/2025

من كتاب "Never eat alone" للكاتب كيث فيرازى

04/09/2025

أنا مش عاوز اكرر كلام أنت اكيد عارفه إن الانجليزي مهم و هيحسن فرصك في الشغل وفي السفر و لما تيجي تطور نفسك و تلاقي محتوي بالانجليزي مش هيكون فيه صعوبة بالنسبالك و لكن أنا جاي اقولك علي تجربة يمكن تكون مناسبة معاك أنت كمان. كنت جيت فترة واقف عند نقطة معينة ف الانجليزي و مش عارف اتحسن فالمهم بعد تدوير لقيت إن أحسن حاجة تعملها إنك تعرف جمل كاملة علي بعض مش كلمات ولسا هتفكر ازاي تجمعها و تاخد وقت لا عشان توصل إنك بتفكر بالانجليزي و بتتكلم بيه بسهولة محتاج تعرف جمل كاملة بنطقها و معناها وبالذات إن الانجليزي فيه جمل كتير سلانج يعني بتتقال كدا مينطبقش عليها قواعد لغوية أو مصطلحات الكلمات التقليدية. مطولش عليك ، فجه قدامي كتاب اسمه
THE MOST 5000 COMMON ENGLISH PHRASES
و دا عبارة عن كوليكشن عامله عدنان عنتر ومش بس بيكون الكتاب لوحده لا بيكون معاه داتا فيها كورس تصحيح اصوات الحروف و كورس اسمه انجليش فور يو بتشرحه مس مولي ستون بيبدا من الاساسيات زي الضمائر و ترتيب الجملة وهكذا ومعاه كتيب فيه خطة خلال 300 يوم فيها مقسملك الكورسات و الكتاب عشان تقدر تمشي فيهم مع بعض بالترتيب و تخلصهم فأنا شايف إنها طريقة مميزة لتحسين الانجليزي خلال مدة قصيرة وسعره مش غالي.

04/09/2025

٣ حاجات أشتغل عليهم و حاول تدخلهم حياتك لو مش موجودين في حياتك.

١. قراءة القرءان الكريم يومياً لو حتي أية واحدة.
ليه؟
لو صاحبت القرءان في الدنيا هيصاحبك في القبر ويأنسك ويطمنك لما تكون لوحدك ومظنش حد يحب يكون لوحده ساعتها دا غير البركة و الثواب بتوعه.

٢. طور نفسك في المهارات الناعمة والانجليزي.
ليه؟
المهارات الناعمة هتفرق معاك في حياتك سواء هتكمل موظف او هتبقي صاحب بيزنس والانجليزي هيفتحلك فرص شغل وسفر و هيسهلك عملية التعلم من المصادر الاجنبية.

٣. ألعب رياضة.
ليه؟
عشان صحتك. كل جنية أو دقيقة بتصرفها علي الرياضة دلوقتي هتلاقيها قدام في صحتك لما تكبر في السن وكنت سمعت كابتن بيقول تشيل شنطة التمرين و تروح بيها الجيم دلوقتي احسن اما تشيل شنطة علاج لما تكبر
وربنا يعافينا ي رب.

25/08/2025

قمت بفضل الله بعمل شرح بسيط للمبتدئين لبرنامج أباكوس من خلال شرح مقدمة عن البرنامج و واجهة استخدامه ثم التطبيق علي مثال عملي وهو كمرة يتم تحميلها من المنتصف حتي الانهيار.

أسأل الله أن يجعله نافعاً

لينك البلاي ليست علي اليوتيوب

https://lnkd.in/d9p7-DXE

Tutorial

28/07/2025

#كل ما تريد أن تعرفه عن FE Civil Exam 2025

"تابع باقي الأجزاء على صفحتي"
"احفظ الفيديو وشاركه مع زميلك اللي بيستعد للـ FE 🔁"

28/07/2025

#إزاي أجهز نفسي لامتحان ال FE و المدة اللي هحتاجها

#كل ما تريد أن تعرفه عن FE Civil Exam 2025

"تابع باقي الأجزاء على صفحتي"
"احفظ الفيديو وشاركه مع زميلك اللي بيستعد للـ FE 🔁"