https://www.behance.net/ehabalii1

Ihab Ali - Architect & Designer, assuit, Asyut (2026)

24/10/2025

فكرة مشروعك ايه يا بشمهندس !؟
• الكونسبت والرؤية و أهمية وجود النقطة دي في مشروعك هنتكلم شوية عن تجربتي في الأمر ده اكتر من أنه كلام علمي بحت فده هيكون ناتج تجربة شخصية اتمنى تستفيدوا بيها 🤗

• وجود كونبست شئ مهم جدا في مشروعك لانه في الغالب الحاجة اللي بتدي مشروعك الحياة والاختلاف بينه وبين المشاريع التانية اللي حواليك وده اللي هيكون مميز عندك ..
انواع الكونبست كتير ... ولكن هنتكلم عن جزء وهو انك لما تيجي تختار كونسبت مشروعك اهم حاجة قبل ده هو ليه اخترت ده وهنا بتظهر رؤية المشروع🤔⁉️

• رؤية المشروع🤝🏻
اللي بتحطلك الخطوط العرضية الاولى لمشروعك اللي بتحدد من خلالها انت عاوز ايه من المشروع ده وليه صممته اصلا ... وهنا بتبدأ تدور على أفكار مشابهة لفكرتك وبيساعدك في حل المشاكل اللي بتواجهك في تصميم المشروع .. أما الكونسبت هتلاقيه عبارة عن الفكرة اللي تم التصميم بناء عليها بمعنى أدق الاشكال المختارة دي ليه و الخطوط مصممة بالشكل ده ليه والكتلة ليه شكلها كده ....

• الكونسبت مش حاجة بتظهر في بداية التصميم للمشروع لانه في الغالب بيتغير مع مرور الوقت أثناء رحلة التصميم وعلشان كده بلاش تقيد نفسك بكونسبت واحد .. بمعنى انك تفكر في رؤية لمشروعك انت عاوز مشروعك عبارة عن ايه وليه .. وبعدها تبدأ تصميم ومع الوقت هتظهر ملامح المشروع اللي تقدر تحدد بعد كده بناء عليها الكونسبت اللي هتصممه ويمكن ده حاجة غريبة لأن ديما بنسمع انك لازم تبدأ بالكونسبت ولكني جربت ده ومنفعش ..

🌱رحلتي في مشروع التخرج هي ان رؤيتي للمشروع عاوز اعمل مشروع بيئي واخضر .. مع الوقت فكرت وبدأت ابحث ولقيت نفسي وقعت في منطقة متحف نباتات طبيعية ولكني محبتش اكون تقليدي في الفكرة ومع ظهور خطوط اكبر بدأت اختار نوعية النباتات اللي تنفع عندي وبعدها ظهرت قدامي الفكرة الأساسية اللي ظهرت قبل شهر تقريبا من المناقشة وهي فكرة المتحف الزراعي اللي بيعرض تاريخ الزراعة المصرية فيه والثروة النباتية والحيوانية المتميزة في مصر ومنها حققت رؤيتي في تكوين مشروع نباتي بيئي اخضر وأصبحت رؤية المشروع الأساسية هي انشاء علاقة بين الزراعة والزائر ونشر الوعي الزراعي في مصر خصوصا مع المشكلات الحالية ..

• ومن هنا اخترت كونسبت يخدم الفكرة وهو اني استخدمت في التصميم كونسبت فلسفي و عضوي يحاكي الطبيعية واستخدام العناصر الطبيعية المتواجدة مع إضافة فكرة فلسفية في تصميم مسار الرحلة لجعل الزائر من مجرد متفرج على المعروضات لمشاركة فعالية في المتحف من أنه يزرع بنفسه ويتعلم بنفسه وبكده حققت رؤيتي في زيادة الرابط بين الزراعة والزائر...

←حبيت اسرد تجربتي في الرحلة الطويلة اللي كانت أكبر مشكلاتي في المشروع واتمنى تفيد البعض منكم وتساعدهم في التخفيف من التوتر من بعبع مشروع التخرج وبس كده يارب تكونوا استفدوا ❤️❤️

10/10/2025

نعمل ايه بعد ما نختار المشروع 🤔
☝🏻بعد ما تختار مشروعك لازم تدرسه كويس والدراسة دي بتتم من خلال كام نقطة علشان تبدأ تحدد نقاط القوة والضعف في مشروعك وتستغلهم صح
بتبدأ الدراسة بالدراسة العامة للمشروع وفهم وظيفة المشروع الأساسية بالإضافة للوظائف الفرعية
بعد كده بتحاول تحلل أمثلة مشابهة لمشروعك وتستخدمهم كمرجع لطريقة الحل المعماري المستخدمه وتفهم المعماري عمل كده ليه علشان لو واجهتك نفس المشكلة تقدر تحلها بسهولة ..
✌🏻جمعنا الدتا وجهزنا برنامج المشروع .. نبدأ بقى نفكر في الحاجات الإضافية اللي هنضيفها في مشروعنا وتخليه مميز .. ومن المهم انك تضيف حاجات متوافقة مع الرؤية الحضارية الجديدة .. لأن الهدف الأساسي للمشروع هو المستقبل وليس الحاضر .. ودي نقطة قوية جدا انك تعمل مشروع يفضل حي لامد طويل مواكب تجديدات العصر القادم وبيناقش قضاية وأفكار جديدة على استمرار .. تبدأ تركز على مشاكل بيئية ومعمارية في مشروعك ازاي تربط وتحل المشاكل دي ... .
🤝🏻نبدأ ندرس قطعة الأرض ونجهز مسارات الحركة الخاصة بالمشروع من الدخول والخروج وأماكن توزيع الكتل في الأرض بالتوافق مع الدراسات المناخية والبيئية لقطعة الأرض مع طبعا الوظيفة الخاصة بكتل المشروع ولو هتستخدم اكتر من كتلة أو كتلة واحدة والسبب ايه وتحقيق ما يعرف بالمتتابعة البصرية ...
ده حجر الأساس اللي هتبني عليه مشروعك
انك تبدأ من العام للخاص على عكس سنين فاتت كنت بتبدأ ديما بفكرة بلان وتبدأ تشتغل بعدها تظبط البلان وبعدها تفكر في الكتلة وبعدها تفكر في اللاندسكيب وده في مشروع زي مشروع التخرج خطأ كبير
لأن المساحة كبيرة واللاند سكيب ضخم وبيأثر بشكل كبير في مشروعك وجزء أساسي من التقيم لازم تراعيه وتفهمه كويس جدا جدا
وبس كده .. المرة الجاية هنتكلم عن الكونسبت والرؤية والرسالة
علشان نفهم قيمتهم في المشروع واهميتهم

02/10/2025

ازاي اختار مشروع التخرج 🤔

~ اول مشكلة في بعبع مشروع التخرج بتواجه طالب عمارة هي اختيار المشروع اللي هيشتغله في التخرج ... وده بيكون راجع لعدة عوامل أهمها القلق النفسي من حاجة لسه مش عارف عنها القدر الكافي من المعلومات بدون تجربة سابقة أو أي خبرة فيها .. وعلشان كده حابب ابدأ بفضفضة عن اول مشكلة وهي اختيار المشروع لو عاوز الخلاصة انزل لآخر البوست ....
▪️علشان تختار مشروع التخرج لازم تفهم مشاريع التخرج في مجال العمارة بتتقسم ازاي ..
في الغالب المشاريع بتكون واخدة طريقة من الطرق دي (تصميم داخلي - تصميم خارجي تخطيط - تصميم وظيفي)

⭕التصميم الداخلي :- بيكون نوعية المشاريع اللي بيكون فيها ابداع معماري في تصميم البلانات وتشكيلها وبيدخل فيها الكونسبت بشكل ضخم جدا وبتلاقي فيها بلانات غريبة شوية .. في النوعية دي محتاجة شخص عنده قدرة على حل الاشكال المعقدة وتوزيعها بشكل وافكار جميلة بدون الاعتراض مع الوظيفة اللي بيقدمها المبنى وبيكون فيها جانب من التصميم الخارجي اللي بينعكس عليه الكونسبت بالتبعية وبيكون جلسات و اماكن الدخول وغيره من العناصر .. ( في المشاريع دي محتاجة منك انك تكون شخص بيعرف يعمل اشكال مميزة مش مجنونة ولكن مميزة وابداع بصري في الكتل اللي هتصممها .. محتاجة منك انك شخص عارف يصمم بلانات معقدة وصعبة من أشكال مختلفة والتداخل بينهم وعلاقته بالمنطقة المحيطة بالمبنى بالكامل )

⭕تاني نوع وهو التخطيط :- في النوعية دي من المشاريع بتكون على سكيل ضخم شوية ودي تجربة بتكون مخيفة لطالب عمارة اللي متعود أنه يشتغل على مساحات تقريبا صغيرة جدا بالنسبة لحجم المشروع ده .. والمشاريع دي بيكون مهم جدا فيها تصميم الشوارع و تخطيطها وحركة السيارات فيها و تصميم مداخل الكتلة والجراشات والمتتابعات.. النوع ده من المشاريع بيكون الاهتمام الأكبر فيها على توزيع الكتل في المشروع و تصميم مميز للموقع واستخدام معالجات معمارية مميزة ولكن بيكون متواجد فيه مبنى على الاقل اداري وهو الخدمة الرئيسية لهذه المنظومة وبيكون الاهتمام فيه بعلاقته مع المشروع في المداخل والمخارج و تصميم الزونات المختلفة فيه ... (والنوع ده بيحتاج منك انك تكون شخص مبدع في توزيع العناصر و فاهم علاقات المباني و مدرك بأهمية كل شئ لأن التخطيط جزء مهم جدا من المشروع ده .. بالإضافة لتصميم كتل مميزة وقوية لأن المنظر العام الخارجي للمشروع بيحمل أهمية كبرى في هذا النوع منها)

⭕تالت نوع التصميم الوظيفي :- النوع ده من المشاريع بيتم اعتباره أنه مشروع سهل في التخرج ولكن دي رؤية خاطئة تمام ودي الغلطة اللي بيقع فيها اغلب المعماريين بدون الاهتمام بان المشاريع دي بتكون فيها صعوبة عالية في المناقشة لأنها مشاريع واضحة وصريحة وأقل خطأ فيها بيكون ظاهر جدا ويحتاج منك منطقية لكل تفصيلة معمولة وتكون موزع كل شئ بشكل سليم ومفهوم ومدروس بالإضافة للاهتمام بالتهوية الخاصة بالمشروع لانه بيكون مشروع بيخدم أشخاص لعدد ساعات طويلة ودي فرصة للمعالجات المناخية المميزة اللي بتظهر فيها ابداع الطالب بالإضافة لأن نوعية المشاريع دي بيكون ليها مراجع كتيرة متوفرة بسهولة للطالب ( المشروع ده بيحتاج بنسبة أكبر فهم للمشروع و انك تقدر تعمل فيه شئ مميز وافكار مميزة لأن في الغالب الاشكال العضوية و الغريبة بتكون مرفوضة لأنها غير مبررة وليس لها هدف ولكن التوزيع الداخلي الفراغات ومسارات الحركة وعرض الطرقات و التهوية وغيره له اهميه قصوى تخدم المستخدمين)

----------------------------------------------------------------------
----------------------------------------------------------------------

⁉️طب دلوقت بما اننا تقريبا فهمنا اغلب الأنواع اختار ايه مشروع تخرجي !؟؟

☝🏻• اول حاجة بتكون خايف منها وهي انك تتقارن بأصحابك في المشاريع أو أن نوع من المشاريع بيكون مخيف وجديد والنوع التاني يبان سهل وبسيط
✌🏻•او كونك مايل لأسلوب دكتور معين في التصميم وحاسه مناسب معاك ولكن خايف من المشروع

🤝🏻حابب اقولك اختيار المشروع اسهل من كده
اي كان المشروع اللي هتختاره لازم تحط في خيالك انك تكون مميز فيه .. انك تعمل حاجة مميزة تخلي مشروع اقوى من باقي الدفعة معاك وتخليك تخرج برا زون المقارنه ..
انك تقدر تبحث عن مشروع وتشغل فيه هيمثل جزء من اختيارك ليه .. متحسش أن مشروعك أقل من الباقي وخايف تختار مشروع وشايف ان التاني اقوى وكده بالعكس .. اختار اللي انت مرتاح فيه ومتخليش اي شئ يأثر على قرارك ..
ياما تخوض تجربة انك تجرب شئ جديد وفكرة جديدة وتحاول تبحث وتجمع وتحاول
او انك تخوض تجربة تحدي نفسك ونشوف مستواك وصل لفين في شئ هتقدر تجمع عنه داتا اكتر
بعد ما تختار مشروعك هيفضل جواك احساس لمدة بانك عاوز تغير قرارك ولكن ده شك بعد فترة بيختفي وبتكمل وتلاقي الدنيا بتكون اسهل بكتير من الاول ..
وان شاء الله تكون سنة جميلة عليكم ❤️

21/09/2025

مع بداية الدراسة وبداية المعركة مرة تاني حابب اتكلم شوية مع طلبة قسم العمارة دفعة التخرج 🎓

←سنة رابعة بتكون اكتر سنة مرعبة للطلاب بسبب بعبع مشروع التخرج .. 😰
• يا ترا هنعمل ايه !؟
• اختار مشروع ايه !؟
• ايه البرامج اللي استخدمها!؟
• ازاي اجمع داتا للمشروع!؟
• الأنظمة الانشائية الافضل لكل نوع مشروع!؟

واسئلة كتير كمان بتيجي على أفكاركم لاني مجرب ده كله ..
😊وعلشان كده قررت ابدأ "سلسلة مشروع التخرج" اسم مؤقت لحين تجهيز المحتوى الكامل ليها

• في السلسلة دي هتكون مقسومة على جزئين .. الجزء الاول هيكون من خلالي .. بما اني لسه متخرج جديد وكل الأفكار والحالة الخاصة بمشروع التخرج في عقلي منستهاش فقررت الحق بسرعة واشير ده معاكم لعله يكون مساعدة لحد
•التانيه هتكون عبارة عن لينكات لمواقع وبرامج و كمان لايفات هيكون فيها ضيوف لمشاريع تخرج مختلفة

السلسلة لسه هتاخد وقت لغاية ما أجمع كل المحتوى اللي معايا بشكل منسق ❤️وعلشان كده محتاج اي حد عنده سؤال بخصوص مشروع التخرج يسيبه في الكومنتات الخاصة ب البوست ده .. سواء عن نوعية المشاريع أو أي سؤال يخص التخرج بشكل عام ويارب اقدر اساعدكم ❤️
وكان الله في العون معكم جميعا ❤️❤️

18/09/2025

تصميم شقة دوبلكس – Duplex Apartment Design

📍 ابنوب – أسيوط – مصر | abnub – Assiut – Egypt
من شقة استوديو صغيرة بمساحة 27 م² فقط لكل دور، تم تحويلها إلى دوبلكس متكامل يجمع بين العملية والراحة:
🔹 الدور الأرضي: مطبخ، حمام ضيوف، غرفة طعام، ومعيشة مفتوحة.
🔹 الدور العلوي: غرفة ماستر بحمام خاص، غرفة أطفال، مع سلم داخلي يربط المستويين.
✨ التصميم اعتمد على الأسلوب المودرن البسيط بديكورات هادئة وذكية، لتجعل المساحة الصغيرة أكثر رحابة وأناقة.
-------------------------------------------------
From a small 27 m² studio per floor, we transformed the space into a modern duplex that balances functionality and comfort:
🔹 Ground floor: kitchen, guest bathroom, dining, and open living area.
🔹 Upper floor: master bedroom with en-suite, kids’ room, and an internal staircase connecting both levels.
✨ The interior is designed in a simple modern style, with calm colors and smart details that make the compact area feel spacious and elegant.
--------------------------------
Software used: 3ds Max / Corona Render / Photoshop
--------------------------------
🔗 View the full design in
BEHANCE:
https://www.behance.net/gallery/234821941/Duplex-Apartment-Design
LINKEDIN:
https://www.linkedin.com/feed/update/urn:li:activity:7374099377356906496/
WhatsApp for business:
010 07592668

02/09/2025

🛏️ تصميم غرفة نوم أطفال صغيرة
📍 الموقع: مصر – أسيوط – أبنوب

تم تصميم غرفة نوم أطفال صغيرة بأسلوب عصري يوازن بين الراحة والوظيفية مع الاستفادة القصوى من المساحة.
التصميم يضم سريرًا علويًا وسفليًا (Bunk Bed) لتوفير المساحة، مكتب عملي للدراسة والإبداع، وحلول تخزين ذكية للحفاظ على النظام.
الألوان الهادئة مع الإضاءة الدافئة تضيف جوًا مريحًا ومثاليًا للأطفال..........................................................................
🛏️ Small Kids' Bedroom Design
📍 Location: Egypt – Assiut – Abnoub

A modern small-scale kids' bedroom designed with a focus on comfort, functionality, and smart use of space.
The design features a bunk bed to optimize the limited area, an integrated study desk for productivity, and clever storage solutions to keep the room organized.
Neutral tones combined with warm lighting create a cozy and playful atmosphere, perfectly suited for children.

--------------------------------
Software used: 3ds Max / Corona Render / Photoshop
--------------------------------
🔗 View the full design in high quality
BEHANCE:
https://www.behance.net/gallery/233800253/Small-Kids-Bedroom-Design

LINKEDIN:
https://www.linkedin.com/feed/update/urn:li:ugcPost:7368610481709699072/
WhatsApp for business:
010 07592668

24/08/2025

🛏️ تصميم غرفة نوم رئيسية
📍 الموقع: مصر – أسيوط – أبنوب
تم تصميم غرفة النوم الرئيسية بأسلوب عصري أنيق يجمع بين الراحة والوظيفية.
التصميم يدمج الغرفة مع مساحة Dressing Room ........................................................
🛏️ Master Bedroom Design
📍 Location: Egypt – Assiut – Abnoub
The master bedroom is designed in a modern elegant style that combines comfort and functionality.
The design integrates the bedroom with a naturally lit dressing room
--------------
software used:- 3dsmax / Corona render /photoshop
--------------
🔗 View the full design in high quality
BEHANCE:-
https://www.behance.net/gallery/233206037/Master-Bedroom-Design
LINKEDIN:-
https://www.linkedin.com/feed/update/urn:li:ugcPost:7365485772809887744/
WhatsApp for business:-
010 07592668

14/08/2025

🛋️ تصميم داخلي لمجلس

📍 الموقع: اسيوط/ابنوب

تم تصميم المجلس بأسلوب عصري حديث يعتمد على الألوان المحايدة واللمسات الخشبية الدافئة، مع استخدام الإضاءة المخفية والإنارة المباشرة لخلق إحساس بالرحابة والدفء.
........................................

🛋️ Elegant Contemporary Majlis Interior Design

📍 Location: asyut/ abnoub

This majlis was designed in a modern contemporary style, featuring neutral tones and warm wooden accents. Concealed lighting combined with spotlights creates a spacious and inviting atmosphere.

--------------
software used:- 3dsmax / Corona render /photoshop
--------------
🔗 View the full design in high quality
BEHANCE:-
https://www.behance.net/gallery/232519489/Elegant-Contemporary-Majlis-Design
LINKEDIN:-
https://www.linkedin.com/feed/update/urn:li:ugcPost:7361703754548563968/
WhatsApp for business:-
010 07592668

04/08/2025

☕ Café Brut – تصميم داخلي لكافيه بأسلوب صناعي

📍 الموقع: مصر

تم تصميم Café Brut بأسلوب صناعي "Industrial Brutalism" يعكس الهوية الخام للمادة، من خلال استخدام الطوب المكشوف، الخرسانة، والمعادن، مع توزيع إضاءة مدروس يبرز تفاصيل الخامات.

----------------------------

☕ Café Brut – Industrial Café Interior Design

📍 Location: Egypt

Café Brut was designed with an industrial brutalist approach, celebrating raw materials such as exposed brick, concrete, and metal elements. The lighting layout was carefully planned to enhance textures and create a bold spatial experience.

--------------
software used:- 3dsmax / Corona render /photoshop
--------------
🔗 View the full design in high quality
BEHANCE:-
https://www.behance.net/gallery/231818471/Caf-Brut-Industrial-Soul-in-a-Concrete-Shell
LINKEDIN:-
https://www.linkedin.com/feed/update/urn:li:ugcPost:7358117760066834432/
WhatsApp for business:-
010 07592668

27/07/2025

🛏️غرفة نوم رئيسية
بتصميم دافئ وهادي، اعتمدنا فيها على ألوان محايدة وإضاءة ناعمة علشان نوصل لإحساس بالراحة والسكينة.
الاهتمام بالتفاصيل كان أساسي من أول توزيع الإضاءة لحد الخامات والملمس في الجدران والسقف.
النتيجة؟ مساحة بتجمع بين البساطة والرقي، وبتوفر جو مثالي للاسترخاء.
--------------------------
🛏️A master bedroom designed with warm tones and soft lighting to create a peaceful and relaxing atmosphere.
Every detail was thoughtfully chosen — from the textured wall to the subtle ceiling lights — to bring out a sense of calm and comfort.
The result is a modern yet cozy space that invites rest and serenity.

--------------
software used:- 3dsmax / Corona render /photoshop
--------------
🔗 View the full design in high quality
BEHANCE:-
https://www.behance.net/gallery/231274363/A-Calm-Cozy-Interior
LINKEDIN:-
https://www.linkedin.com/feed/update/urn:li:ugcPost:7355300661128802307/
WhatsApp for business:-
010 07592668

22/07/2025

🛋️ تصميم غرفة معيشة – 5×6 متر
📍 الموقع: مصر – أسيوط الجديدة
🕒 مدة التنفيذ: يومان
تم تصميم هذه الغرفة بأسلوب عصري حديث يحقق التوازن بين الراحة والأناقة، مع اختيار ألوان هادئة ومريحة للعين.
التوزيع المدروس للأثاث والإضاءة ساعد على خلق أجواء دافئة ومرحّبة تناسب الاستخدام اليومي والاسترخاء.
أخذنا في الاعتبار استغلال المساحة البسيطة (5×6 متر) بأفضل شكل ممكن، لخلق إحساس بالاتساع والمرونة دون التنازل عن الجماليات.
--------------
🛋️ Living Room Design – 5×6 meters
📍 Location: Egypt – New Assiut
🕒 Duration: 2 Days
This living room was designed in a modern contemporary style, focusing on soft, eye-pleasing colors and a warm lighting setup to create a cozy and welcoming environment.

Despite the compact 5×6m area, the layout was optimized to ensure a spacious and functional feel, blending aesthetics with everyday comfort.
--------------
software used:- 3dsmax / Corona render /photoshop
--------------
🔗 View the full design in high quality
BEHANCE:-
https://www.behance.net/gallery/230888367/Contemporary-Living-Room-Design-Cozy-Elegance-in-30m
LINKEDIN:-
https://www.linkedin.com/feed/update/urn:li:activity:7353171649032019969/
WhatsApp for business:-
010 07592668

Ihab Ali - Architect & Designer

24/10/2025

10/10/2025

02/10/2025

21/09/2025

18/09/2025

02/09/2025

24/08/2025

14/08/2025

04/08/2025

27/07/2025

22/07/2025

Address

Website

Alerts

Shortcuts

Share

Category