Karim Fayyad Design House

23/02/2026

01/01/2026

كام نصيحه بسيطه لو بتشطب الحمام 👌
1- لو هتركب بورسالين او سيراميك مقاسات كبيره يبقي تمحر الحوائط وتركب بي ماده ولازم تعمل اختبار لي الماده مع البورسالين
2-بند المحاره قبل بند السباكة او علي الاقل يتعمل أوتار عشان السباك يثبت شغله علي المستوي النهائي للحائط خصوصا لو مركب حاجه دفن وعزل الارضيه سواء قبل السباكة او بعد السباكة لازم تعمل دليل تسريب (تقطير)
3-بند الكهرباء بيكون بعد اعمال السباكة وملحوظه مهمه جدا لو هتعمل اناره في الحوض او الشاور يكون 12v ويكون الترنس في السقف او اعلي نقطه
4-فيه شويه حجات بسيطه ودي اختياري زي لو هتعمل للشاور فاصل زجاجي ممكن تاسس ليه قطاع دفن بيركب مع السيراميك
5-الخورنق اللي بيكون في الشاور يفضل ميكونش شبه الدولاب يعني علب فوق بعضها ويفضل يكون شكله انسيابي يعطي ديكور قبل ما يكون استخدام ومتكترش منه انت مش هتعمل مكتبه
6-البانيو ده علي حسب استخدامك بس لو هتركب بانيو يبقي بعد السيراميك بانيو شاسيه
7-لو الحمام صغير استخدم سيراميك فاتح ويفضل مقاسات كبيره ويكون قطع ليزر ويفضل التركيب بي كلبسات 1.5 ملي
8- مستوي الارضيه كله واحد مفيش حاجه اسمها الشاور عالي او واطي إلا لو الشغل حكم علي كده ويفضل صفاية الشاور تكون دفن وصفايه الحمام 15سم مش 20 سم
9- الجبس بعد السيراميك وبلغ صنيعي الجبس ان فيه بنطه تخريم مخصصه للبورسالين والسيراميك وممنوع تركب سيراميك في السقف
10- الشباك يكون فوق القاعده والشفاط يتعمل في السقف
11- السخان لو فوري اتاكد انك تأسس سيلك 10 م معتمد ومفتاح دبل 63 في اللوحه ويكون السيلك ذياده 1متر عند مخرج السخان
12- واي أخشاب في الحمام بتصنع من خامة الماريموكس وده بيكون شبه الخشب ولاكن مقاوم للمياه
13- بلاش اي رخام في الحمام لو امكن
14- واخيراً تشطيب السباكة بيكون آخر صنيعي يدخل الشقه بعد الانتهاء من جميع البنود
وفي الاخر يقولك هو المهندس بيعمل ايه 🙂
لو استفدت في حاجه من دي متنساش تعمل علي الاقل ليك 😅

20/10/2025

10/08/2025

الجزء الاول من سلسلة نصائح التشطيب ✨
المهندس/كريم فياض


#محاره

010 50007767