11/08/2018
عشان نعرف فكرة عمل الفتيس الـ (CVT) وهي إختصار لـ Continously Variable Transmission لازم الأول نعرف فكرة عمل أي فتيس بشكل عام: 👇
أي فتيس فكرته بتقوم إنه بينقل الحركة من عمود الحركة الخاص بالموتور لعمود الحركة اللي واصل للكاوتشات وكل غيار ليه نسب معينة أو توقيتات معينة بمعنى إن الغيار الاول بيخرج للعجل عزم أو قوة يعني أكتر من السرعة وده ليه ؟! 🤔
عشان يتغلب على كل القوى المؤثرة على العربية زي وزنها والقصور الذاتي وكمان زي لو أنت على مطلع فـ أنت محتاج عزم أو قوة مش سرعة!
فكرة عمل الفتيس الـ CVT بقي اللي بنتكلم عنه هو إنه عبارة عن ترسين مخروطيين راكبين جنب بعض عكس بعض وواصل بينهم سير حديدي مش جنزير! لأ هو سير وداخل في مكوناته حديد لكنه مش جنزيز علي عكس إعتقاد ناس كتير! 🤓
الترسين دول بيتحركوا حركة أمامية وخلفية أو ترس بيتحرك منهم والتاني بيتغير قطره ولكنه ثابت برضو عشان كدة هـ تلاحظوا إن العربيات الي عليها فتيس CVT لما تدوس بنزين الـ RPM مش بينزل ويرجع يعلى تاني وقت التغيير من غيار لغيار لأ! هتلاقوا الـ RPM ثابت والسرعة في تزايد مستمر 🏃♂️
مميزات الـ CVT: 👇
1- تسارع جميل جداّ من غير إنقطاع في التسارع أثناء تبديل التروس من غيار لغيار.
2- توفير في البنزين عشان هو بيظبط نسب التروس بين بعض على أقل RPM عشان تاخد أحسن تسارع وأقل عدد لفات فـ بالتالي منقدرش نقول إنه فتيس 6 سرعات ولا 4 لأ! هو فيه عدد أكتر من كده في بعض العربيات اللي فيها CVT يعني ممكن الفتيس ينقل معاك لحد 12 نقلة لو هو على نظام الـ SPORT.
عيوب الـ CVT: 👇
1- حساس جداّ عن الفتيس الأوتوماتيك وليه زيت مخصوص غير زيت الفتيس الأوتوماتيك أو المانيوال.
2- الحرارة بتاثر عليه بشكل ملحوظ يعني لو بتشد مع واحد ممكن تسبقه بس لو فضلت تزود وتقلل سرعتك كل شويه وترجع تشد وحارق جامد الفتيس هيسخن وهتلاقي إن السرعه بدأت تقل شوية شوية والتسارع قل وده نظام حماية ليه وده عن تجربة شخصية.
3- عمره أقل نسبياّ عن باقي انواع الفتيس الاّخري.
🔧
