Lab Geek

Man do engineering; man Happy

02/05/2026

ديما اخرب و شوف واش يصرالك 😄🔥

26/04/2026

واخيرا راح نبارطاجي على الصواريخ (اختصاصي 🙂 … و واش بزاف ناس ما يعرفوش عليه؟
هاد المحتوى لغرض تعليمي وتوعوي فقط.
كاين مجال في الهندسة يهتم بتصميم واختبار أنظمة الدفع الصاروخي، وين الفرق والطلبة وحتى الباحثين يتنافسو باش يطورو حلول أفضل من ناحية الأداء، الكفاءة، والسلامة هو مجال علمي كبير يجمع بين الميكانيك، thermodynamique، و combustion، ونستعملوه باش نفهمو كيفاش نولدو الدفع (thrust) ونحسنو الكفاءة تاع الأنظمة..
أنا شخصيًا عندي أكثر من 3 سنين في هاد المجال، وتعلمت فيه بزاف حوايج ما كنتش نتخيلها—من طريقة التفكير الهندسية، للتجارب، للتحليل، وحتى كيفاش تدير tests.
الفيديو هذا يوري تجربة test لعينة من solid propellantاللي قام بصناعتها زميلي في الفريق الله يرحمه من هذا المنبر الان راح نتاستيها وفي المستقبل القريب راح نسي نحسنها اكثر نحتاج ملاحظاتكم هنا( للي يعرفو)ا و اللي ما يعرفوش يسقسو في التعليقات راح نسي نجاوب.
هدفي نشارك معاكم هاد العالم من الجانب الهندسي: كيفاه نفكرو، كيفاه نجربو، وكيفاه نطورو من تجربة لأخرى.
إذا حاب تشوف هاد الرحلة وتفهم أكثر على المجال، تابع 👇
#علم

24/04/2026

Can someone relate :)

18/04/2026

ما نبغيش نبارطاجي هذا الصوالح بصح حبيبنا ضحكني غايه رجعني نخمم نكتب لهم في البوست شحال لازم يكون عندك نيفو تاع قرايه باش تقرا على كل حال الله يهدينا 🤣🤣🤣🤣🤣🤣

18/04/2026

You're welcomed to debate in the comments. :)

14/04/2026

هاد الشي ما لازمش يكون حتى بوست… بصح لازم يتقال.

بصراحة، هادي مفروض تكون **معرفة عامة (common sense)** لأي واحد يخدم بالـ PC، خاصة المهندسين,وماشي تخصصي، بصح هادي من basics لي مفروض كل واحد يعرفها.

ما نحبّش نشجّع حتى واحد يحمّل برامج من مصادر مش رسمية،
بصح نعرف بلي بزاف يديروها.

ديرلي في روحك مزية:

👉 **قبل ما تفتح أي fichier حمّلتو من الإنترنت، جرّبو فـ sandbox أونلاين.**
كيما VirusTotal,Hybrid Analysis,Joe Sandbox....

ديما. بلا استثناء.
ماشي “صاحبي قاللي الموقع آمن” ولا “بانلي نورمال”.

sandbox تخليك تشغّل الملف فـ بيئة معزولة وتشوف واش يدير بالضبط،
بلا ما تخاطر بـ PC تاعك ولا الداتا ولا الخدمة تاعك سيرتو ادا كان .exe.
sandbox ماشي ضمان 100%… بصح أحسن من والو
⚠️ برامج الهندسة غالباً يطلبو accès كبير للسيستام،
وإذا كان فيهم مشكل… راك عطيت accès كامل لجهازك.

وزيد حاجة مهمّة:

✔️ ديما الأفضل تحمّل **نسخ قانونية (legal versions)**
✔️ ولا تشوف **open-source free alternatives**
✔️ ولا حتى **student versions** لي يكونو متوفرين بزاف

المهم:
* ما تثقش فـ حتى source
* ما تختصرش الطريق
* ما تشغّلش ومن بعد تفكّر
*جرّب الأول… ديما.

11/04/2026

نوع تاع ماشينة وحدة… إذا تختفي نهار واحد، الجزائر تتوقف 💀 (Part 2)
شفت التعليقات تاعكم على المنشور لي فات…
و بصراحة؟ مشاء الله😅
في هاد الفيديو:
📌 ونفسر علاش هذا الجهاز مهم لهاذ الدرجة من شحال من بعد
📌 نجاوب على أكثر الأفكار لي طرحتوهم
كي تبانلك مزالك تشوف في هاد لا ماشين كيما بكري??
⬇️ هذا هو المنشور الأول:
https://www.facebook.com/groups/1295962545580951/posts/1509534780890392/?comment_id=1509964994180704&reply_comment_id=1510868730756997¬if_id=1775826435737652¬if_t=group_comment
اذا مهتم بالهندسة و باغي تشوفها بطريقة جديدة جامي شفتها من قبل ابوني
Lab Geek

08/04/2026

نحب ندير هاد الميني بروجيهات باش نبقى ديما “en forme” وما نصدّيش 😅

المرة هادي خدمت على moteur vapeur صغير (1-cylinder oscillating steam engine) ودرّتلو modélisation + animation في SolidWorks انطلاقًا غير من des dessins techniques اللي باينين فالبداية تاع الفيديو… واللي بصراحة ناقصين بزاف معلومات 🤏

يعني ماكانش غير رسم وخلاص… كان لازم نخمن، نفسّر، ونقرّر كيفاش القطع تركب مع بعضاها وتخدم صح.

الحاجة اللي تعجبني هي كي نرجع لتكنولوجيات قديمة شوية… يعطوني perspective مختلفة كي نواجه مشاكل حديثة. مرات الحل ماشي جديد… غير حنا نسيناه 😄

وش رايكم؟ الحلول القديمة مازال عندها بلاصة اليوم ولا خلاص؟

07/04/2026

ما تخليش ريال مدريد لي راهو يخسر ضد بايرن ميونخ يشغلك على الفرق بين Chamfer و Fillet 😄
“هل نستعمل Chamfer ولا Fillet هنا؟”
سؤال غالط.
اللي مهم هو علاش ماشي غير واش.
Chamfer ماشي غير شكل.
تستعمل عادة وين:
الماكينة و التجميع مهمين
يسهل إزالة الزوائد (Deburring)
المحاذاة أثناء التركيب أسهل
التصنيع يكون أنظف و متوقع أكثر
Fillet، من جهة أخرى، يهتم بكيفاش القطعة تتصرف و كيفاش تصب:
تدفق المعدن يكون سلس في الصب
يقلل تركيز الإجهاد
يزيد في عمر القطعة و أدوات التصنيع
يعني بدل ما تختار بالعادة، فكر في وظيفة القطعة:
المناطق الانتقالية → Fillet
الحواف و مفاصل التركيب → Chamfer
وطبعاً، الاختيار النهائي يعتمد على شروط التحميل و عملية التصنيع.

03/04/2026

عندما يعجز اللسان عن التعبير… اخدم بالCFD😂😂
خاصني نحبس ما نخدم CFD مورا العشاء
CFD #

Adresse

Route D’Es-Sénia, B. P. El M’Naouer
Oran
1523

Site Web

https://www.linkedin.com/in/taha-el-amine-chaanoune-a79a3b2b7/?locale=fr

Notifications

Soyez le premier à savoir et laissez-nous vous envoyer un courriel lorsque Lab Geek publie des nouvelles et des promotions. Votre adresse e-mail ne sera pas utilisée à d'autres fins, et vous pouvez vous désabonner à tout moment.