15/09/2026
د ساختمان د سنګکارۍ (Stone Masonry) پر مهال لاندې مهم تخنیکي ټکي باید په پام کې ونیول شي:
🧱 د سنګکارۍ مهمې نقطې
۱. د تیږو کیفیت
سنګ باید کلک، مقاوم او له درزونو، خاورې او عضوي موادو پاک وي.
ډېر نرمې، ماتېدونکې او weathered تيږې باید استعمال نه شي.
د تیږو اندازه باید د نقشې او تخنیکي مشخصاتو مطابق وي.
۲. د تیږو پاکول او لندول
د استعمال مخکې تیږې باید له دوړو او خټو پاک شي.
وچې تیږې باید لږ لمدې شي، څو د مسالې (mortar) اوبه ژر جذب نه کړي.
۳. د مسالې (Mortar) کیفیت
د سیمنټ، شګې او اوبو نسبت باید د منظور شوي Mix Design/Specification مطابق وي.
شګه باید پاکه او له عضوي موادو او خټو پاکه وي.
ډېر اوبه لرونکی یا ډېر وچ مساله باید استعمال نه شي.
په سنګکاری کې باید معمولا له 30 نه تر 35 فیصده مساله کار شي.
۴. د تیږو ترتیبول
تیږې باید په داسې ډول کېښودل شي چې عمودي جوينټونه پرلهپسې نه وي.
د تیږې اوږده برخه باید د دیوال په امتداد کې مناسبه قرار ولري.
د لویو او مناسب شکل لرونکو تیږې څخه باید په کونجونو کې استفاده وشي.
Full Bedding
هر تیږه باید په مناسب مساله کې ښه کښېني.
د سنګکاری لاندې او شاوخوا باید خالي ځایونه پاتې نه شي.
یوازې په څو نقطو مساله لګول مناسب نه دي.
Through/Bond Stones
په ضخیمو سنګین دیوالونو کې باید د دیوال دواړه مخونه د Through Stones / Bond Stones په وسیله سره وتړل شي.
دا د دیوال د ثبات لپاره ډېر مهم دي.
۱. د Joint ضخامت
د سنګکاری جوینټونه باید یوشان او د مشخصاتو مطابق وي.
ډېر غټ جوينټونه باید له اړتیا پرته جوړ نه شي.
۲. د دیوال Verticality او Alignment
د کار پر مهال باید د شاول shawoll او یا Spirit level په وسیله عمودي والی کنټرول شي.
د دیوال Line، Level او Dimension باید د نقشې مطابق وي.
۳. کونجونه (Corners)
د دیوال کونجونه باید په ځانګړې پاملرنه جوړ شي.
مناسب لوی او کلک تيږې باید په کونجونو کې وکارول شي.
د دواړو خواوو بافت یا bonding باید صحیح وي.
۴. اوبه ورکونه يا Curring
د سنګکارۍ له بشپړېدو وروسته مساله باید مناسب curing ترلاسه کړي.
په ګرمه او وچه هوا کې باید د وچېدو څخه وساتل شي او د مشخصاتو مطابق لندبل ورکړل شي.
۵. د کار د قطع کېدو ځای
که سنګکاري یوه ورځ کې بشپړه نه شي، د کار پای باید داسې پرېښودل شي چې راتلونکی کار ورسره ښه bond جوړ کړي.
د اوږدو عمودي Construction Joints څخه باید تر امکان پورې ډډه وشي.
۶. د خالي ځایونو مخنیوی
د دیوال په منځ کې باید voids یا خالي ځایونه پاتې نه شي.
د اړتیا په صورت کې کوچني تيږې د داخلي برخو د ډکولو لپاره استعمالېږي، خو د مسالې ډکوالی باید بشپړ وي.
