01/11/2026
په ننګرهار ولایت کی د ګول سیخ پلورونکو د اتحادیی رسمي رئیس او په ختیځ زون کی د خان سټیل د تولیداتو نماینده لیدنه د ننګرهار ولایت د کسبګرو او هټیووالو خوني له رهبری هيئت سره !!!
نن ورځ په ننګرهار ولایت کی د ګول سیخ پلورونکو د اتحادیی رسمی رئیس او په ختیځ زون کی د خان سټیل د تولیداتو نماینده محترم الحاج امین خان "توخی" د ننګرهار ولایت د کسبګرو او هټیوالو خونې له محترم رئیس الحاج ګل ولي شاه (حضرت زي) او محترم معاون حاجي شادنور (مظلوم یار) سره لیدنه او ناسته ترسره کړه،
په دې لیدنه کې نوموړي د ولایتي خونې نوي رئیس، الحاج ګل ولي شاه (حضرت زي)، ته د نوې دندې مبارکي او نېکې هیلې وړاندې کړې او ورسره یې د خپل اړوند صنف ستونزې او غوښتنې د ولایتي خونې له رهبرۍ هیئت سره شریکې کړې.
د ولایتي خونې رهبرۍ هیئت د نوموړي له راتګ، مبارکۍ او نېکو هیلو څخه مننه وکړه او د نوموړي له لوري مطرح شوې ستونزې یې په پوره غور او دقت واورېدې.
د خونې محترم رئیس او معاون نوموړي ته ډاډ ورکړ چې د صنفونو د ستونزو د حل،د سوداګرو د حقونو د دفاع او د هغوی د غوښتنو د تعقیب په موخه به نه ستړې کېدونکې هلې ځلې کوي او د اړوندو ستونزو د حل لپاره به خپل ټول شته امکانات په کار واچوي.
همدارنګه د ولایتي خونې رهبري هیئت ډاډ څرګند کړ چې د ننګرهار ولایت د کسبګرو او هټیوالو خونې دروازې د ټولو صنفونو، سوداګرو او هټیوالو پر مخ تل پرانیستې دي او دا اداره د ټولو ګډ کور دی چې د همکارۍ ،همغږۍ او د ستونزو د حل لپاره به د ټولو تر څنګ ولاړه وي.
